Havaktingit

You are here

KAVAMANGA KANATAUP NUNAVUTLU AULLAQTITJUTIYUT IHUAQTUMIK NAGUUYUMIKLU HIVUMUURUTIKHANIK HULITJUTIKHANUT ANNGUNIARYUKTUNUT

Iipu 08, 2009

“Tamaita kavamatukut havakviit havakatigiiktughauyut pilugu Kanatamiutat piruqsaitjtutanganik unalu angirutauyuq ihuaqtumik havaktauyaangani,” uqaqtuq Minista Ritz. “Hivumuurutighamut havaktautjutighaq ihuaqtumik hulitjutighanut piruqsaiyinut, unalu, Nunavunmi, annguniarpaktunut. Una angirutauhimayuq sainiqhimayakkut ublumi aullautjutiginiaktaa hulitjutighanut Nunavunmi.”

“Quviahuktugut ikayurumavlugit annguniarpaktut. Naguuyunik niqirhanik pivangmata ilakatigiiktunut, pitquhitik ayuiqhautjutigivlugit nutaqqaptingnut, tunngavigitjutigiyavut nunallaaptingni,” uqaqtuq Minista Taptuna. “Niqainnait, niriyumalluaqtangit amihut Nunavummiutat, mamaktuq, naguuvluni inuuhittiarutaigiplugulu. Una angirutauyuq ukayuutiginiaktaat pitquhiptingni nirivaktaptingnik atuqhimmaariangani ilaptingnut niuvrutigilugulu.”

Hivumuurutighamut pihimayuq tamainni nunakyuami piruqsaiyunut kanuginiqhaanut piliuriangitni kavamatukatkut aviktuqhimayumilu piruqaitjutighamut atuqtakhamut. Kavamatukatkut, aviktuqhimayumilu, nunanilu kavamangit piniaqtut uuminga $1.3 billiat taalamik tallimani ukiuni. Ublumi angrutaat Kavamanga Nunavutlu pitjutauniaqtuq amigaitqiyaanik $2 milliat taalamik hulitjutighanut ikayuklugit nunaptingni annguniaqtunik niuviktittiyunutlu.

Hivumuurutighamut hulitjutighat ihuaqhihimayut tahapkununga Nunavutip allatqiinut aviktuqhimayuni piyumayangitnik. Una Kavamang Kanatami unalu Kavamanga Nunavunmi havakatigihimayangit annguniaqtut piliuriangitni uuminga Hivumuurutighamut kanuginiqhaanut.

Una 2009‐2013 Hivumuurutighamut kanuginiqhaanut ikayuutauniaqtuq ihuaqtumik naguuyumiklu niuviktittiyughanut annguniaqtamingnik hulitjutighangitnik Nunavunmi ikayuutaulunilu nunallaani maniliurutikhamut pivalliatjutangitnut. Havakatigiiktut kanatami-nunanilu maniliurutikhanut ukuat ilauyut qaffiuyaakhainut naunaiyaiyut tuktunik umingmakniklu ikiklihimaittaakhainut, pitquhimi niuviktittiyunilu annguniaqtittiyut hulitjutighat, nunallaani nauttiivikhamut pivalliatjutaat, ihuaqtutlu niuvrutigitjutighanut havaktauyut.


Iniqhugit titiraqhimayut ukuninga Hivumuurutighamut hulitjutighanik piinnarialiqniaqtut uumani kitkani Qitiqauyaqviani uumani www.edt.gov.nu.ca unalu www.agr.gc.ca/GrowingForward.


-30-


Naunairumagungni, tuhaqtitautjutighanut uqaqvigilugu titiraqvigiluguluuniit:

Media Relations Agriculture and Agri-Food Canada 
Ottawa, Ontario 
613-759-7972 1-866-345-7972

Meagan Murdoch 
Tuhaqtauyughanut Titiraqti 
Havakvia Nanngauyauyuq Gerry Ritz 
613-759-1059

Matthew Illaszewicz
Ataniq, Tuhaqtittiyini
Piangaiyarniarnirmun Ingilrayuliqiyitkullu
Havamanga Nunavut
Iqaluit, Nunavut
867-975-7818


NAUNAITKUTAA KINGNGUAGUT

Naunaitkutikhat uumunga Kanatami –Nunavunmilu Tamangningnut Angirut

Una Kavamanga Kanatami Kavamangalu Nunavunmi iniqtiriyut uqaqhutik ihuaqhaiyut sainiqhugulu taamna tamangningnut angirut pikaktumiklu ikayuutikhamut angirutmik. Una tamangningnut ihuaqhihimayangit tahapkununga kavamatukatkunit aviktuqhimayunitlu manikhangitnik tahapkununga piungittunut nanminikaktunut munaritjutingitnik (non-Business Risk Management (BRM) Hivumuurutighamut hulitjutighat piyauliriangitni Nunavunmit.

Una non-BRM hulitjutingit ihuaqhihimayut atuqhugit pihimayangit tatja BRM havaktaghangit ihumagilugit ikayuutikhanut nutaanik havaliqtangitnut, niuvrutiginikkut maniliurutikhanutlu timikaktumut. Non-BRM hulitjutikhat havaktauliqtut nunangani Nunavut ukuninga piyut:

Aghuuqtuq Ihuaqtuklu Havakvikhaq

• Ihuaqtuq Hulitjutikhaq: Una Ihuaqtuq Hulitjutikhaq Pivalliatjutaa pihimayuq piliriangitni hunavaluliuqtunutannguniaqtunut , niqqiqhaktiliuqtunutlu piliuriangitni nutaanik pitjutikhanik ihuaqhiyuumilugit, ihumagilugit angikliluumilugit akikhainnut annguniaqtangitnik nautiriyangitnikluuniit. (Tamaat manikhangitnut: $60,000)

• Nunavunmi Nunakyumailu Qauyihaiyit: Nunavunmi Nunakyumailu Qauyihaiyit pihimayuq piliriangitni Nunavunmi annguniaqtut, niqqiqhaktiliuqtunutlu, nanminiqaqtut, timiqaqtut kavamatkutlu ihuaqhiyuumiyaangani qauyihainirmut uuktuqtanginniklu ihuaqtunut Nunavunmi piruqsaiyiit niqiqhaliuqtitlu. Atuqtittiinnaqhunilu naunaitkutanik ihumagiyauyaniklu tamainnut nunakyuami, talvani Nunavut piniaqtuq manikhamingnik. (Tamaat manikhangitnut: $77,846)

• Havaakhaliqiyut: Una Havaakhaliqiyit pihimayuq piliriangitni piruqsaiyiit, annguniaqtit atannguyatlu ayuiqtakhanik kangikhitjutikhaniklu ilalutik katimapqaiyuni, katimapqaqyuaqtuni, katimayunilu uqarilugit havaktamingnik. (Tamaat manikhangitnut: $200,000)

• Nunallaami Nauttiivikhaliuqtut: Una Nunallaani Nauttiivikhaliuqtut pihimayuq ikayurumavlugit pivalliatjutaanut mikyunik nauttiivikhanik Nunavut nunallaangitni. (Tamaat manikhangitnut: $135,000)

Annguniaqtittiyunik: Una Annguniaqtittiyut pihimayuq ikayuutigivlugu Nunavunmi nunallaanut, timiqaqtut kavamatkutlu pipqailutik niqiqhaqhiuqtittilutik nauttianik, kaplanik, tuktu, umingmak aallaniklu huratjanik naunaitut ihuaqtumik. (Tamaat manikhangitnut: $340,000)

• Pitquhimi Nunallaami Annguniaqtittiyut: Una Pitquhimi Nunallaami Annguniaqtittiyut pihimayuq ikayuutigivlugu Nunavunmi niqiqhaqhiliqiyit nauhimayunik, kaplanik, tuktu, umingmak aallaniklu huratjanik ihuaqtunut tuniyauyaangitni nunallaani tahapkunuuna niuvvaayunut. (Tamaat manikhangitnut: $80,000)

• Niuvvaayit: Una Niuvvaayit pihimayuq piliriangitni Nunavunmi niqiliqiyit, niqiqhaqhiuqtit niqiqhaniklu havaktut piliriangitni nutaanik niuvvaavikhanik ihuaqhiyuumilugulu niuvvaatjutimingnik. (Tamaat manikhangitnut: $160,000)

Havakvikhaq Ikayuyuktuq Nunakatigiiktunut Pilluarumayangit Ihuaqtumik Havakpaktumiklu Munariyamingnik Niqiqhat

• Niqiqhanik Qayagiyut: Una Niqiqhanik qayagiyut pihimayuq pipqarumavlugit piruqsaiyiit, annguniaqtit atannguyatlu ikayukuvlugit naunaiyaiyunik niqiqhanik Nunavunmi pivalliatjutighangitnutlu niqiqhanut qayaginnaqtunut ikiklinahugitlugit ihuaqhilugit naguuhiyaangani niuviktittiyunut. (Tamaat manikhangitnut: $200,000)

• Amihuaqyuit Munarivlugit: Una Havaktauyuq pihimayuq piliriangitni kavamatkut, annguniaqtit atannguyatlu ikayuliqlutik naunaiyaiyuni qaffiungmangaata tuktut umingmatlu amihuaqyuit annguniaqhugit niuvrutauvaktut, annguniaqtutlu pivaktut ihuaqtumut avatimut qayangnaittumiklu. (Tamaat manikhangitnut: $937,333)