Havaktingit

You are here

Kavamanga Nunavut quviahuutigiyaat Kanataup Kavamangata Ihumaliurutaanut uumunga Qikiqtaalukmi Mary River-mi Havaakhamut

Tissaipa 04, 2012

IQALUIT, Nunavut (Ubluirvia 4, 2012) – Hivuliqti Eva Aariak unalu Ministagat Uyaraqhiurtunut, Peter Taptuna, quviahuutigiyait ippakhaq angirutaa uumunga Qikiqtaalukmi havaktauyakhaq Baffinland Iron Mines Corporation-kut Mary River-mi Havaakhamut ukunanga Kavamanga Kanata. 



“Una Mary River-mi havaakhaq nakuukpiaktuq hivunighaptingnut Nunavunmi,” uqaqtuq Hivuliqti Eva Aariak. “Kavamavut itquumagiyaa taimaa havaktauyakhaq ihuaqpiaktuq piyakhaq piliuliknirmut ihuaqtumik uyaraqhiurnikkut havakvikhamik ikayuutikhaq pitjutaanut avatingnut ikayuutikhanullu tamainnut Nunavunmiutanut.” 



Baffinland Iron Mines-kut iniqtiliktut havaakhamut naunaiktaunahuaqlugu. 



Una Mary River-mi Havaakhamut tadja aullaniaqtut taimunga 21-ni ukiuni. Baffinland-kut upalungaiyaqhimayut uyaraqhiurlutik 18 million tonnes-nik iron ore-mik atauhiqmi ukiungani apqutiliuqlutiklu, nunakkuurutinut akhaluutiryuanut apqutikhaq, imakmi itiyumi tulaqtarvikhamik aallatlu uyaraqhiurvikmi aulapkaitjutikhanik ukiuqtaqtumi Baffin Island-mi, hivuraani uataani Mittimatalikmit.



“Una havaakhaq pitjutikhauyuq aallannguqtirutikhanut inuuhirnginni amihunut Nunavunmiutanut,” uqaqtuklu Peter Taptuna, Nunavutip Ministanga Pivalliayuliqiyikkut Ingilrayuliqiyitkullu. “Una aallannguqtirutikhaq ihuaqtumik takuyumayakkut, havaakhaliuqlutik havaariraakpaktakhanik maniliurhimmaaqlutik Nunavunmiutanut.



Kavamanga Nunavut havaqatigihimmaaqniaqtait ukuat Nunavumi Qanurilivallianikkut Ilittuqhaivlutik Katimayiit aallalu ilauqatigiiktut maligakhanginnut havaktitlugit. 



###



Tuhaqtitjutinut uqaqvikhaq:



Emily Woods 

Tuhaqtitjutikhanut Titiraqti

Havakvia Hivuliqtiup

Kavamanga Nunavut 

867-975-5059

ewoods@gov.nu.ca 



Matthew Illaszewicz

Atannguyaq, Tuhagakhanut 

Pivalliayuliqiyikkut Ingilrayuliqiyitkullu

Kavamanga Nunavut 

867-975-7818 

millaszewicz@gov.nu.ca