Havaktingit

You are here

Kavamanga Nunavut tunngahuktitait ArcelorMittal-kut unalu Nunavut Iron Ore-kut pihimalirmagu Baffinland

Iitjirurvia 05, 2011

IQALUIT, Nunavut (Fipyuali 5, 2011) – Peter Taptuna, Minista Pivalliayuliqiyitkut Ingilrayuliqiyitkullu, havaqatiginiaqtaa ArcelorMittal talvani Mary River Iron Ore Havaariyaani imaa taapkuat pihimalirmatku Baffinland Iron Mines Corporation (Baffinland).



Talvani 11:59 unnuktillugu Kivataani upluqhiutaatigut Fipyuali 4, 2011mi, ArcelorMittal-kut unalu Nunavut Iron Ore-kut pihimaliqtait amigaitqiat 2/3 mik ukunanit Baffinland-kut piutigiyainit manimmiplugu $1.50 atuni ilaata ilaujjutiqaqtunut.



“ArcelorMittal angitqiyauyut havagaliliuqtit hilaryuami,” uqaqtuq Minista Taptuna. “maniqaqtut ayurnaqtuniklu pilaaqhutik piyaangani Mary Rivermi havaariyauyumik aullaqtittiyaangani. Una ikayurniaqtaqqut havaariyauyuq pikpata ArcelorMittal-kut havaarikpatku Mary River ahiruqhimaittumik avatianik talvalu angiyunik aularaaqtukhaniklu pivalliajjutikhainnik inuit nunaptingni.”



Taamna Mary River havaariyaat amuhiniarungnaqhiuq 18 million tones-nik iron ore-mik ukiuq tamaat. Taimaa hamna aajjikkutariyaa 45-50 ukiut uyarakhiurvigilugu.



“Qanuq anginia uyarakhiurviuraaqpautikhaalu Mary River havaariyaata aallangayuq uyarakhiurvingnit Nunavunmi,” uqaqtuq Taptuna. “Amuhiliqqat pivikhaqarniaqtugut imaa hivunikhapta Nunavunmiuttata pivalliajjutigiyaangani hamannga maniliurutauyumit. Havalirniq Mary River mik hivumuktinniaqtaa pinahuaqtaata uuma Parnautit: Nunavunmi Uyarakhiurniq Uyaakhiurahuarnikkullu Qanuriliututikhaq piliurluni atuqtakhainnik hakugiktumik aularaannginnarianganilu uyarakhiurniq tunihivaktunik nakuuyumik inuuhiqarnirmik piyaangani tamainnut Nunavunmiunut.”



Taamna Mary River havaariyaat ittuq 950 kilaamitanik tunuani Iqaluit. Tajja havaariyauyumayuq avatiliqinirmut ihivriuliqtaat.



###



Kangiqhiumagungni, apirijjavat:

Matthew Illaszewicz

Atan’nguyaq, Tuhaqtakhaliqiyitkut

Pivalliayuliqiyitkut Ingilrayuliqiyitkullu

867-222-0122

millaszewicz@gov.nu.ca