Havaktingit

You are here

Minista Taptuna tuhaqtittiyuq tuhaqtittiyuq aallannguqtirutinik taaffumunga NBCC-kut Katimayiinut

Niqiliqivik 05, 2010

Minista Taptuna tuhaqtittiyuq tuhaqtittiyuq aallannguqtirutinik taaffumunga NBCC-kut Katimayiinut



IQALUIT, Nunavut (August 5, 2010) – Peter Taptuna, Ministanga taaffumunga Nunavut Nanminiqaqtunut Atuqqiqvik (NBCC), ublumi tuhaqtittiyuq aallannguqtirutinik katimayiuyunut kuapaliisitkuni katimayiuyunut. 



Nancy Karetak Lindell (Arviat), Donald Havioyak (Kugluktuk), Marg Epp (Iqaluktuuttiaq), unalu Wayne Solomon (Iqaluktuuttiaq) tikkuaqtauhimayut katimayiulutik NBCC-kunut. Tamaita hivituniaqaqniaqtut pingahunik ukiunik.



Greg Cayen (Iqaluit) himmiutiginiaqtaa Alex Buchan (Iqaluktuuttiaq) uumunga NBCC-kut ikhivautaa. Nancy Karetak Lindell tugliriniaqtaa ikhivautalik kuapaliisitkuni.



“Tikkuaqtautjutait ihuaqtut tahapkununga Nunavunmi aviktuqhimayunut inugiangnianutlu,” uqaqtuq Minista Taptuna. “Tamait nutaat katimayiuyughat qaritjiyut ayuitamingnik kuapaliisitkunut unalu ihuaqhiutjutauniaqtuq katimayiita piyaghainut ihuaqtumik ihumaliuriamingni ikayuqlutiklu maniliurpallianirmut nunamingni.”



Imaalu, Tommy Owlijoot (Arviat) unalu Allan Lahure (Qamanittuaq) aulaniaqtut katimayiulutik kuapaliisitkuni. 



Minista Taptuna quyagiyait katimayiuhuiqtut Alex Buchan, Paul Quassa (Igloolik), Afzal Currimbhoy (Yellowknife), Sherril Minns (Moncton) unalu Andre Schroer (Port Credit) ihuaqtumik ikayuutigivagainut kuapaliisitkunut. 



Naunaitkutaa kinguagut ilaliutihimayuq.



###

Naunaiyarumagungni, uqaqvigilugu:

Matthew Illaszewicz

Atannguyaq, Tuhaqtittijutinut

Piangaiyarniarnirmun Ingilrayuliqiyitkullu

867-975-7818

millaszewicz@gov.nu.ca



Qauyimatjutingit





Kuapuriisinga



Nunavunmi Nanminiqaqtunun Atukkirvik atukkiqtivaktut Nunavunmi ittunut nanminiqaqtunut ikayuriamiknik maniliurnikkut pipkaiquplugiklu havaakhanik Nunavunmiunut. 



Titiraqhimayumi Nunavunmi Nanminiqaqtunun Atukkirvik Maligami, aulapkaiyiuyut tikkuaqtauhimavaktut pingahunik-ukiunik havakhutik Ministanit (Kamisinauyuq Maligaliurvikmi Hivuliqtingit) pitqutiplugik Ministauyuq Pivalliayuliqiyikkunnut Ingilrayuliriyikkunnullu. 





Nutaat Aulapkaiyiuyut



Nancy Karetak Lindell pitqutigivaga Nunavut Maligaliuqtiuyuq Maligaliurvikyuami 1997mit 2008mut. Tatja aulapkaiyiuyuq umunnga Jane Glassco Arctic Fellowships ikayuqtiuyuq ukiuqtaqtumiutanut Nunavunmit maligaliuqtakhanik ihumaliuquni aliagiyaminik.



Donald Havioyak havaktuugaluaq Kugluktup Maligaliuqtiupluni 1999mit 2004mut. Maligaliuqtiupluni Ministauyuq Pitquhiliqiyikkunnut. Atannguyaugaluaqlu Kitikmeot Katimayiinut 2005mit 208mut. Havioyak tatja Kugluktup Havaatigut Havaktiuyuq Uyarakhiuqtinut Katimayiingitnut, atauhiq taamna nunaryuaptikni angitqiyauyuq piliuqtut zinc-mit nanminiqaqtullu High Lake-mik Izok Lake-miklu havauhikhat Kitikmeonmi. 



Marg Epp ikayuqpaktuq nanminiqaqtunut pigiamikni Kitikmeonmi taimaa tallimanik ukiunik. Havakpaktuq Kitikmeot Maniliurnikkut Pivallianiq Katimayiinginnut tatja havaktuq Aulapkaivliupluni atukkiqtiyunut timiqutigiyanginnut Kitikmeot Nunallaani Hivunikhanganut Katimayiuyuq. Epp-tauq nanminiriyaa maniliqinirmut uqautjiuplunilu. 



Wayne Solomon maniliurutigiyuq Iqaluktuutiami Kitikmeonmilu 2005mit. Havakpaktuq kiinauyaliqinirmut Kitikmeot Kuapuriisinganut umunngalu Nunavunmi Ihumaliuqtiuyunut Katimayiinginnut. Solomon tatja nanminiriyaa uqautjiupkaipluni pipkaiyuq kiinauyaliqinirmut, qaritauyaliqinirmut havaamullu ikayuqhuni haamlatkunnut havakviuyunullu.