Havaktingit

You are here

Nunavunmi Upalungaiyaiyut Naunaiqhaiyullu Maliguaraq Hakugikhaut Havaariyanik Atugakhaniglu

Immaktirvia 19, 2013

IQALUIT, Nunavut (Immaktirvia 19, 2013) – Atuqtipkainia uuminnga Nunavunmi Nunataarutit Angirutaanut ikpingaqtumik pigiarmiyuq nutaanut Kanatami maligaliurvigyuanganit hakugikhautikhaanik ihuarningani nakuugiyauyunik ihivriuqhigiamingnik havaakhauhinik avikturvingni.

Nunavunmi Parnaiyaiyit Havaakhauhiniglu Naunaiqhainiq Maliguaraq ilauyuq uvunga BillC-47-mut ublumi Kuin angiqtaunianik. Ikayuutauyuq havaanginnut Nunavunmi Avatiliqinirmut Katimayiit ukualu Nunavunmi Parnaiyaiyitkullu – malruuk piliriviktuuyuq ikpingnaqtuq ilaugiangini Nunavunmiut ihumaliurutini nun amiktigut atuqtakhatigut.

“Nunavunmi Parnaiyaiyit Havaakhauhiniglu Naunaiqhainiq Maliguaraq piniaqtut tautungnaqtumik taimaluttauq pipkaniaqhugit Nunavut Kavamangat munaqhiyaamingik nunanik atuqtakhaniglu aktuqhimaittumik pivalliadjutait ikayuutauyukhat” uqaqtuq Hivulliuqti Eva Aariak. “Quviahuktugut ilaugapta tamaini havakhutik uuminga kanatami maligaliurviat.”

Maligaliuqtaat ikiglitiyuumiqtuq adjikutauyunik atauhiuyumit havaktaugumi ukununga Nunavunmi Parnaiyaiyiit Nunavunmi Avatiliqinirmut Katimayiillu ihivriuqhigiamingni tukhiutinit. Maligaliurutauyuq hakugingniit qakuguutaalu ikpingnaqtuq. Taamna Bill pipkaiyurlu Nunavut Kavamangatkut Inuillu havaaqaqtut nakuuhautiagut nunanik atuqtukhat Nunauvnmi..

“Tamna nutaaq maligaq qunmuuqtiniarlugit havangit atuqtauliuqtut manikhaliuqtut Nunavunmi,” uqaqtuqhe Peter Taptuna, Ministauyuq Piyangaiyarniarniq Ingilrayuliqiyillu. “Nunallaat havagvigyuallu ilihimaliqtut hadja qanuq ihumaliuriangita qanuraaluglu havangniaqtut. Una ikpingnaqtuq qaipkaigiangita nutaat maniqautiuvikhat havaallu qaiqatigiyait.”

###

Tuhaapkaiyit uqaqatigiyakhat:

Pam Coulter Aulapkaiyi Tuhaapkaiyinut

Hivulliuqtiliriyitkut Kavamaliqiyillu 867-975-6049

pcoulter2@gov.nu.ca