Havaktingit

You are here

Nunavunmiutat pitquyauyut himmiutiffaarutigilugu utuqqat akhaluutinut laisingit ukuatlu Inungmut Naunaitkutat

Nuvaipa 04, 2010

IQALUIT, Nunavut (Tarium Hikutirvia 4, 2010) – Peter Taptuna, Ministanga Piangaiyarniarnirmun Ingilrayuliqiyitkullu, pitquyait tamaita inuit pihimaittut nutaamik akhaluutinut laisikhamik uumingaluuniit inungmut naunaitkutakhamut uuktukuvlugit nutaamik naunaitkutakhanik.



“Uqaqvigiyauyugut taima ilangit hilataani Nunavut tatja pilimaitait tahapkuat utuqqait qaligaqaqtut piit tahapkuninga nunagiyauyup akhaluutinut laisinga unaluuniit hunavalungnut nauntikutikhaq titiraq naunaitkutarivlugit,” uqaqtuq Taptuna. “Tamaita inuit ihumaliuquyavut pitquvlugit nutaanguqtirilutik piyumagumik nutaamut ihuatqiyamut akhaluutinut laisinga unaluuniit hunavalungnut nauntikutikhaq titiraqmik. Ihumagihuiqluhi, taamna utuqqaq naunaitkutat titirqat atuqhimmaaqniaqtangit Nunavunmi.”



Nunavunmiutat himmiutigiinnariakaktangit inmik akhaluutinut laisinga unaluuniit hunavalungnut nauntikutikhaq titiraq uqaqvigilugu una Akhaluutihiliqiyitkut Havakviat unaluuniit Akhaluutihiliqiyitkut Ikayuqtiit Havakvia nunallaamingi community.



Himmiutaunirmut akikhangit ukuat:

Akhaluutinut Laisinga: $15.40

Inungmut Naunaitkutat Titirqat 12-mit 18-mut kaangiklugulu 60-nik ukiulgit: $23.40

Inungmut Naunaitkutat Titirqat 19-mit 59-mut ukiulgit: $33.40



Una akikhaa himmiutaanut akhaluutinut laisinga unaluuniit hunavalungnut nauntikutikhaq titiraq ilagingitaalu nutaanguqtirutimut akikhaa. Ublua nungulvikhaa titiraqmi aatjikkiikniaqtuq aatjikkutaanik tatja titirariyangnik. Ikitqiyamik atauhiqmit ukiumit piqaruvit nungutinnagu atauhiqmi utuqqani titirqani, havakvia piinnariakaktangit qilamiuklugit nutaanguqtirlugit. Nutaanguqtirutimut akikhaa $68.40. Nunavunmiutat kaangikhimayut 60-nik ukiunik akilikhiyughat uuminga $38.40.



Nunavutips akhaluutinut laisinga unaluuniit hunavalungnut nauntikutikhaq titirqat piliuqtauvaktut Ottawa-mi. Ukuat Akhaluutihiliqiyitkut Havakviat aghuukpaktitlugit qilamiuqnahuaqhutik, Nunavunmiutat utaqqiniaqtut atauhiqmut tatqiqhiutimut nutaat titirqat akuiqtuqtaugaangata.



###



Naunairumagungni, uqaqvigilugu:

Matthew Illaszewicz

Atannguyaq, Tuhaqtitjutikhanut

Piangaiyarniarnirmun Ingilrayuliqiyitkullu

867-975-7818

millaszewicz@gov.nu.ca