Havaktingit

You are here

Nutaaq Maniit Qunngialiuqtunut, Tiiviikkut imatullu Piksasuuliuktunik Inuktut

Tissaipa 19, 2013

IQALUIT, Nunavut (Ubluiqtirvia 19, 2013) – Kavamangat Nunavut (GN) quviahuktut tuhaqtitiyumaplutik $200,000 manikhaanik ikayuutikhainik atuqhutik Inuktuuqtunik (Inuktut) qunngialiuqtunut, tiiviikkut piksasuuliuktuniklu.

Hamna $200,000 tuniyauhimayuq GN-kut Pitquhiliqiyukkunit. Hamna ikayuutikhaq ilihimayut Kavamangat Nunavut aqhurutainik atani uvani Uqausivut Plan, kavamatkut atuqtakhaliurutaat atuqtitivalliadjutikhanik Ilitaruyauhimayunut Uqauhinut Maligaq unalu Inuit Uqauhinginnun Tammaqtailinirmut Maligaq.

“Nunavunmi qunngialiuqhimayut, tiiviikkullu nuitapkaktauvaktut anginiqaqtumik uqauhiqqut tammaqtailidjutikhanik atuqtauplunillu Inuit pitquhiinik, inuuhianik uqauhianiklu, tadjallu nuitapkaivaliutaanik nutaanik pitquhikkut,” uqaqtuq Paul Okalik, Ministauyuq Uqauhinut. “Kavamangat Nunavut quviahuktut havaqatiginiaramikik Nunavunmi Qunngialiuqtit Pivikhaqautit Kuapulisikkut ikayuutaanut qunngialiurnikkut amigaitqiyaniklu tiiviikkurutikhaliurnikkut Inuktuuqtunik aimaviptingni.”

Manik tukhiqtaulayuq qunngialiuqtunit, tiiviikkuktuhanliuqtunit piksasuuliuktunitlu uvuuna Nunavunmi Qunngialiuqtit Pivikhaqautit Kuapulisikkut Nunavunmi Ukturumatjutikhat Atuqtakhat, Naittunik Qunngialiuqtunut Maniit, nutaamut Inuktuuqtittinikkut Maniit Tadja Atuqtauyunut.

“Nallunangittuq ikayuutikhangat Kavamangat Nunavut angikliyuumiqtauniaqtuq nakuutqiyanik qunngialiuqtukhanut, tiiviikkuurutikhanik piksasuuliuktuniklu Inuktuukhimayunik tiivikkut, niuvavingnit, iliharvingnillu qaritauyakkuktunitlu, “ uqaqtuq Derek Mazur, Nunavunmi Qunngialiuqtit Angayuqqaq Hivuliqtiat. “Hamna atuqtakhaq anginiqaqtuq tamainut inuuhimut maniliurutikhaklu Nunavunmi.”

Communications

GN-kut Pivalliajjutikhalirinirmut Ingilrayiliqiyillu havaqatigiplugit Nunavunmi Qunngialiuqtit Pivikhaqautit Kuapulisikkut uvuuna uuktutikkut.

“Qunngialiuqtit akilikhiyut imatut $13 miliyatalamik Nunavunmi,” uqaqtuq Pivalliajjutikhalirinirmut Ingilrayiliqiyillu Ministauyuq George Kuksuk. “Hamuuna havaaghakkut uqauhiqqut atuqluaqquyaqqut amihunit inungnit Nunavunmi. Nutaat kavamatkut aqhuuktut angigliyumirumaplugu hakugikhiyumirumaplugullu Inuktut.”

Naunaikhittiarumaguvit qanuqtut Inuktut Qunngialiuqtinut maniit hailiyuq uvani www.nunavutfilm.ca. 

###

Tuhaqtipkainikkut uqaqatighaq:

Leevede Atagoyuk

Atanguyaq, Tuhaqtipkainikkut

Pitquhiliqiyikkut

Kavamangat Nunavut

Hivayauta: (867) 975-5526

Qaritauyakkut: latagoyuk@gov.nu.ca 

Derek Mazur

Angayuqqaq Hivuliqtiat

Nunavunmi Qunngialiuqtit Pivikhaqautit Kuapulisikkut

Hivayauta: (867) 979-3012

Qaritauyakkut: info@nunavutfilm.ca or derek@nunavutfilm.ca

Matthew Illaszewicz

Atanguyaq,Tuhaqtipkainikkut Pivalliajjutikhalirinirmut Ingilrayiliqiyillu

Kavamangat Nunavut

Hivayauta: (867) 975-7818

Qaritauyakkut: millaszewicz@gov.nu.ca