Havaktingit

You are here

Nutaat Akikhat Hanauyaliuqtinut Pihimapkarniaqtait Pitquhirnik Maniliurutigiliqpagainnullu

Januali 14, 2009

Minista Pivalliayuliqiyitkunnut Ingilrayuliqiyunullu Peter Taptuna, uqaqtuq uplumi una Hanauganut Hanayauhimayunullu Atuqtakhaq, nutaaq piyakhaq tunihivaktuq akikhanik angigliyaangani atuqtauvalirianganilu hanauganut hanayauhimayunullu maniliurutigiyauvaktut. 

“Hanauganut hanayauhimayunullu pinahuaqtavut unalu nutaaq atuliqtauyuq akikhanik naunaitkutauyuq kavamatkut ikayurumavallianianut uvunga maniliurutigivaktaptingnut,” uqaqtuq Minista Taptuna. “Atauttikkut talvuuna, ikayuqtavut hanaugaliuqtit pihimaniagut pitquhipta ilitquhivullu.”

Taamna Hanauganut Hanayauhimayunullu Atuqtakhaq tunihiniaqtuq $425 taussat taalamik atauhirmi ukiumi ikayuutikhamik uvuuna malruuk akikhaqtarvikhakkut: una Sanannguaqti Akikhat unalu Sanannguaqti Katujjiqatigiingit Akikhat. 

Malruuk akikhaqtarvikhak ikayuutikhanik pihimaniaqtuk hapkununga: 
• Niuviriangani hanaugaliuriangani iharianaqtunik, tamayanik hanalrutiniklu 
• Nanminiqariangani ayuiqhautikhanik hanaugaliuqtinut 
• Qaritauyakkut pulaarviliurnirmik, akhuurigikhanik, niuviqtittiyaangani atuqtakhanik ayuiqhautikhaniklu 
• Naupkainahuariangani hanaugaliuqtinit niuviqtakhaliqinikkut niuviqtitainahuarnirilu 
Taamna nutaaq atuqtakhaq ilagiyaa atuliriangani pinahuaqtauyup Pivalliayuliqiyitkunnut Ingilrayuliqiyinullu piata una Sanaugait: Qanuriliurutikhaq angigliyaangani Nunavutim hanauganut hanayauhimayunullu havakvianut. 

“Una nutaaq akikhaq ikayurniaqtait hanaugaliuqtit hanavagaillu akhuurutigiplugu pitquhiat Nunavutim,” uqaqtuq Minista Taptuna. “Ikayuuti una aturumiuk pinaiaqtut hanaugaliuqtit hanayaangani nakuuyunik piliqpagamingnik: pinniqtunik hanauganik aariyakhait niuvirumayut atauttikkullu maniliurutigiplugit ilagiiktut Nunavunmi.” 

Kangiqhiyakhat qanuq uukturiangani ikayuutikhanik titirarvikhallu hailiyut piinnarialgit uvannga www.edt.gov.nu.ca. Hanaugaliuqtit hivayainnariaqaqtaat havakvik akiittumik uvani 1-888-975-5999, takuyaqturluguluunniit Pivalliayuliqiyitkunnut Ingilrayuliqiyunullu Havakti nunamingni, 

Uqautjiyiluunniit, Hanauganut Pitquhituqatut Maniliurniq, talvani Pivalliayuliqiyitkunnut Ingilrayuliqiyunullu havakviani nunamingni. 

-30-

Kangiqhittiarumagungni, hivayatjavat: 
Matthew Illaszewicz
Atan’nguyaq, Tuhaqtauyukhaliqiyit, Pivalliayuliqiyitkunnut Ingilrayuliqiyinullu 
867-975-7818
millaszewicz@gov.nu.ca
www.edt.gov.nu.ca