Havaktingit

You are here

Pivalliayuliqiyikkut Ingilrayuliqiyitkullu unalu Avatiliqiyikkut Naunaikhinahugittut Ihuaqtumik Pivikhamik Niqainaqnut

Julai 10, 2012

IQALUIT, Nunavut (Taaqnirmun Aullaqtirvia 10, 2012) – Kavamanga Nunavutip Avatiliqiyikkut (DOE) unalu Pivalliayuliqiyikkut Ingilrayuliqiyitkullu (ED&T) naunaikhinahugittut qanuriliurutikhanik amigaikyuuminahugitlugit nakuuyumik aturaaqpaktakhamullu pivikhamik niqainaqnut.



DOE-kut Uumayunik Qauyihainikkut Havakvia anipkaiyut unnirutikhamik uumani upinngaami naunaikhiyait piqariakhaa aallatqiinik annguniaqpagainik huratjanik, pitjutikhaillu niqainakhat Nunavunmiutanut. Unnirut naunaiktait tallimat umingmainnut amigaitilaangit Kitikmeoni ihuaqtumik anngunianginnarialgit ikayuqtillugit Niqainaqnut Ikayuutikhat Havaktauyuq ukunanga Nunavunmi Ilingaiyainirmut Katimayiit talvani ED&T-kuni. 

Unnirut naunaikhimayaa taimaa piyughat naunaiyaklugit uumingmaknik amigaitilaanginnut annguniaqpagainullu taimaa havaktauyuq ihuaqtumik piyauyaangani aturaaqpaktakhamut.

“Amihut huratjat aallatqiit niqikhauyut Nunavunmiutanut,” uqaqtuq Nanngariyauyuq James Arreak, Ministanga Avatiliqiyikkut. “Aliahuktunga havaqatigivlugit Nunavunmi Ilingaiyainirmut Katimayiit naunaikhinahugitluta qanuq aturaaqpaktakhami piqariangani niqainakhanik. Una paanariirutikhaq naunaikhitjutigiyaa piyakhainut munarilugit huratjanik atuqtakhani hivunngani inuuhiutjutikhamut.”



Aalla naunaittuq pitquyauhimayuq unnirutimi qiniqhiayut aallatqiinik niqainakhanik pivikhainnut amigairianginni ihuirutihimaittumik tuktunut aallanullu huratjanut amigaitilaanginnut ikiklittaaqtunut. Havakviit qiniqhiayut paanakhanik nutaanik, havaqatigiiklutik qauyihailutik munarilugillu havaktauyakhanik Nunavunmi huratjanik naunaikhitjutikhanut hivunngani pivalliatjutikhanut niqainakhanik havaktauyakhanut.



”Niqainait, annguniaqpagait nunami, ihuariyait amihut Nunavunmiutat piyumayut akituvallaangittunik nakuuyunik niqikhanik,” uqaqtuq Peter Taptuna, Ministanga Pivalliayuliqiyikkut Ingilrayuliqiyitkullu. “Havaqatigiyakhavut Avatiliqiyikkut taimaa niqikhat niqainaqnik annguniaqpagainik uplumi ittaanginni hivunngani.”



Qiniqhiayut ihuaqhinahugittugit ukuninga havaqatigiiklutik pinahugitait amigaikpallialugit ihuaqtut niqainaqhanik Nunavunmiutanut, havaktiit Avatiliqiyitkunit katimayakturhimayut uumunga Nunavunmi Niqikhainut Havaqatigiigutikhaq katimangmata Iqalungni uumani Immaktirvia 26, 2012, katimapkaingmata Nunavunmi Ilingaiyainirmut Katimayiit.



###



Nainairumagungni uqaqvigilugu:



Jacquie Pepper

Atannguyaq Tuhaqtitjutikhanut

Avatiliqiyikkut

Hivayautaa: 867-975-7721

Qaritauyakkut: jpepper@gov.nu.ca 



Matthew Illaszewicz

Atannguyaq Tuhaqtitjutikhanut

Pivalliayuliqiyikkut Ingilrayuliqiyitkullu

Hivayautaa: 867-975-7818

Qaritauyakkut: millaszewicz@gov.nu.ca