Havaktingit

You are here

RFQ-mik tuniyauyut Iqaluit Nunaryuami Milvinganik Ihuarhaitjutikhanganik Havaakhaanik

Immaktirvia 29, 2012

IQALUIT, NU (June 29, 2012) – Tamna Iqaluit Nunaryuami Milvinganik Ihuarhaitjutikhanganik Havaakhaa qanikliyuumiliqtuq ihuarhaqtauliriami ublumi tuniyauyumik Apirhuiyut Ayuitamiknik (RFQ) nutaamut milvinga Iqalungmi.



“Tuniqhaininnga RFQ-mik Iqalungmut Nunaryuami Milvikhaanik Ihuarhaitjutikhanganik Havaakhaanik quvianaqpianguyuq tuhaayakhaq tamainnut inuknut Nunavunmiutanut,” uqaqtuq Ministauyuq Pivalliayuliqiitkunnut, Peter Taptuna. “Una akhuurutauyuq havaakhaq ikayurniaqtuq tingmitinut ihariagininnganut Nunavunmiutatnut Iqalungmi, amigaitjuaqtullu Iqalukuuqpaktut amigaittunik ukiunik talvannga.”

Tamna RFQ hivulliqpaanguyuq havaakhaq uukturumay

unut tikkuaqtauninnganik havaaq pitquiyut piumayunut katimayiuyut, havakviuyut havaqatigiiktulluuniit tunigiami kiutjutinik naunaiqtittut piumayamiknik, ayuitamiknik, havaakhamut. Talvannga havaakhaa naunaiyariami tikkuaqtauhimayut pingahuuyunik katimayiit uuktuquiniaqtut tunigiami tukhiutinik titirauyariamikni, nappariamikni, maniliqiutigiami, munarigiami aulapkailugulu nutaaq igluqpakhaq.



“Nunavut Kavamatkut quviahuktut hivumuuriami uuminnga havaakhaq Iqalungmi Nunaryuami Milvikhaanik Ihuarhaitjutikhanganik Havaakhaanik, naunaiqtitaa aulapkaininnga havaakhamut titirauyariami nappaqtiriamilu uuminnga nutaaq milvikhaq,” uqaqtuq Ministauyuq Nunalingni Kavamatkunnilu Pivikhaqautikkut, Lorne Kusugak. “Una nutaaq milvik nakuutjutiniaqtaa tingmitjutiuyuq aulapkaitjutinganik Nunavunmi tuniniaqtuqlu aulapkaiyumik piinarialaqininnganik.”



Tamna Iqaluit Nunaryuami Milvikhaanik Ihuarhaitjutikhanganik Havaakhaanik piqaqtuqlu nutaamik milviup igluqpanganik; angikliyuumiqhimayunik nayugakhangit tingmitit nutqangavikhanganik; nutaanik qaumaqutinik; ihuarhaqhimayumiklu milvinga; nutaamiklu atlatqiinik iqluqpak nayugakhaanik qaptiriut akhaluutinginnik/ikayuutautikhaniklu hanalrutinik unalu milvikmik tingmit nayugakhanginniklu ihuarhaitjutikhanganik.



Akituyunik akikhaa naunaiyaqniaquq havaakhaa angirutinga naunaiqtitaukpat. Igluqpiliurninnga aullaqtiqvikhaa 2014mi iniqtiqvikhaalu 2017. Tamna havaakhaq pipkaitjutiniaqtuq akhuurutauyumik havaakhaliuqniq, talvunga ahinullu, unalu ayuirhaivikhaq maniliurutikhamiklu pipkainik Iqalungmut Nunavunmullu.



Tamna RFQ takuinnarialik uumani Nunavunmi Uuktuqtut qaritauyakkut pulaarvingani:http://www.nunavuttenders.ca/ 



Naunairyuumirumaguvit uumunnga Iqaluit Nunaryuami Milvikhaanik Ihuarhaitjutikhanganik Havaakhaanik, pulaarlugu: http://www.gov.nu.ca 

 

###

Tuhaqtipkaiyiuyut uqaqatigilugu:

Pam Coulter

Director of Communications

Executive and Intergovernmental Affairs

Hivayautikkut: 867-975-6049

Qaritauyakkut: pcoulter2@gov.nu.ca