Havaktingit

You are here

Vaankuuvami 2010-mi Ulapqiutiryuarnirmut Ikumayumik Tigumiaqtautjutinga qailiqtuq Nunavunmut

Nuvaipa 05, 2009

IQALUIT, Nunavut (Nuvaipa 4, 2009)- Louis Tapardjuk, Nunavutim Ministauyuq Pitquhiliqiyikkunnut uqarumayuq qailiqtuq Ulapqiutiryuarnirmut Ikumayumik Tigumiaqtautjutinga nunaptiknut Hitammiutmi Nuvaipa 5mi quviahuutigiyauniaqtuq uataanitqiyauyuq nunallaat, Kugluktuk. 

“Una quviahuutigiqyuaqtauyuq Nunavunmiunut pipkaigiami ilangit nunagiyauyut angiyuq nunaptiknik, aallatqiinguyuqlu pitquhivut hakugiktumik quviahuktumiklu ilumuurutingit. Tamna Nunavunmut tigumiaqtaunahuaq Ulapqiutiryuarniq ikumayukhaq pipkainiaqtuq quviahukniqmik nunaptiknut, quviahuutipkailunilu aallatqiittuq nunakput iluani,” uqaqtuq Ministauyuq Tapardjuk. 

Tamna ikumayuq tigumiaqtauniaqtuq Nunavunmi quviahuutipkailutik Kugluktukmi Hitammiutmi Nuvaipa 5mi talvannga nuunahuaq Ausuittuqmut, Qausuittuqmut Iqalungmullu Hivulliutmi Nuvaipa 9mi. Una ilauyuq 45,000 kilamitamik tamna the Ulapqiutiryuarniq ikumayukhaq tigumiaqtauniaqtuq, iniqtirluni angitqiyauyuq Ulapqiutiryuarnirmut Ikumayumik Tigumiaqtautjutinga nunaptikni.

Nunallaani pipkainiaqtuq quviahukniq nakuuyumiklu pipkaitjutikhanganik Vaankuuvami 2010-mi Ulapqiutiryuarnirmut Ukiuqtaqtuqmi Ulapqitjutinik, pipkailuni aliahukniqmik quviahukniqmiklu Kaanatap pipkaininnganik uuminnga tigumiarniqmut. Tamaita quviahuutigiyauniq pipkaitjutiginiaqtut nunagiyamikni inuulramiit, pitquhinnganik ulapqitjutinganiklu. 

Peter Taptuna, Nunavutim Ministauyuq Pivalliayuliqiyikkunnut Ingilrayuliriyikkunnullu naunaiqtita quviahukniqmut pipkaiyuq tigumiarniqmut. “Quviahukpiaqtunnga amigaittut Nunavunmiutat ilauliqtut tigumiarniqmut,” uqaqtuq Ministauyuq Taptuna. “Tamna Ulapqiutiryuarnirmut Ikumayuq naunaitkutigiyauyuq nakuuyumik ulapqiutimik, ilaqatigiikniqmut piumaniqmullu. Tigumiarniaqqavut quviahuktumik tamainnut Nunavunmut.”

Nunavut Kavamanga, as a Ilauqatauyuq Havaqatigiikniq Ulapqiutimut havakhutiklu Vaankuuvap Upalunngaiyarniq Katimayiinginnut 2010mut Ulapqiutiryuanganik unalu Timimitigut Ayurhautiqaqtut Ukiuqtaqtumi Ulapqiutinginnik aggitjigiami tigumiarut quviahuutiginiq nunaptiknut. Avatquumayuq 75nguyut Nunavunmiutat tigumiarutigiyauniaqtut 2010mut Ulapqiutiryuamut Tigumiaqlutik. 

Inuit tamaita ilauquyauyut nunagiyamikni quviahuutigiyauliqqat ikayurlugillu tahapkuat tigumiarahuat ikumayumik nunagiyarni. Naunaipkarlugu Nunavut allanut Kaanatamut nunaryuamullu. 
 

###

Tuhaqtipkaitjutikhamut, hivayarlugu:
Napatchie Kolola
Communications Manager
Department of Culture, Language, Elders and Youth
867-975-5526
nkolola@gov.nu.ca