Angutat Niqit Tuniuqaqni Havagutit

Maniliqtuutikhat manimayut uvuuna Niqainnani Tunirhainikkut Pinahuarutimi ikayurniaqtait havaktauyukhat pimmarighaqpaktait piningani anguniarnikkut piangaiyautikhanik angikliharlugulu pinirnik akituvallaangittunik nakuuyuniklu niqainnarnik.  

Malruunguyuq qanurittuk pinahuarutmi:

Nunallaami Anguniarnikkut Nuutihimayut Maniliqtuutikhat (Qanurittuq A)
Nunallaami Anguniarnikkut Aulapkaitjutikhatigut Maniliqtuutikhat (Qanurittuq B)

Pittaaqtut hulitjutikhat:

Taamna Nunallaami Anguniarnikkut Nuutihimayut Maniliqtuutikhat ikayuqtait piniarhimatjutit pimmarigharutikhat nunallaani anguniarnikkut piangaiyautikhat.

Nunallaanun nanminiriyait aulapkaqtaillu nunallaami aulapkaitjutit, maniliqtuutit akiliqtaaqtait kikliqarluni $10,000 pauwatuutikhanun munarinikkullu akiit nunallaani qiqittiiviknik aallanikluunniit niqainnarnun aulatjutit.

Hulinia uumani Nunallaami Anguniarnikkut Aulapkaitjutikhatigut Maniliqtuutikhami imaa ikayuqlugit nunallaat piliuqnikkut uplumiutanik pauwatuqpallaayuittuniklu nunallaani qiqittiivikmik, ikayuqluniluunniit aallanik anguniarnikkut aulatjutinik.  Maniliqtuutikhat tunivaktut manikhanik hapkununga hulitjutinun:

• Ihuarhainikkut nutaanguqtirnikkullu tahamaniittunik nunallaami qiqittiivikmik, nunallaami niuvvaavikmik imaaluunniit ahiruqtirinikkut puuqtuinikkullu havakviknik; imaalu
• Titirauyaqnikkut, niuviqnikkut, iliuraqnikkullu nutaamik nunallaami qiqittiivikmik, nunallaami niuvvaavikmik imaaluunniit ahiruqtirinikkut puuqtuinikkullu ilautjutikhanik aulatjutiniklu.

Kitkut uuktuqtaaqtut:

• Nunavunmi haamlatkut
• Anguniaqtiit Timiqutiit aallalluunniit timiqutit pittaarungnarhivut titiraqarutimik ikayuutikhamik haamlatkunnin

Qanuqtun uuktuqtaaqtut:

• Tuyuqlutit titiraqmik piyumanikkut uuktuutimikluunniit uvunga EDT-kut aviktuqhimanirmi havakvikmun.
   

Uukturuti Maniliqtuutikhanun - Niqainnani Tunirhainikkut Pinahuaruti

Akiittut Hivayautiit

Niqainnani Tunirhainikkut Pinahuarutimi Uukturutikkut Titiraq

Niqainnani Tunirhainikkut Pinahuarutimi Maligaghaq