Havaktingit

You are here

Angmaktirutat Pangiqtuumi Mikiyunut Qayarnut Kangikhuq

Saptaipa 18, 2013

Tuhagaghaq

Tuhaqtitauhaktukhaq

Angmaktirutat Pangiqtuumi Mikiyunut Qayarnut Kangikhuq

IQALUIT, Nunavut (Apitilirvia 18, 2013) – Nunavunmi Sivuliqti Eva Aariak unalu Peter Taptuna, Ministauyuq Pivalliayuliqiyikkut Ingilrayuliqiyikkullu, quvhiahuutigiyumayat Panniqtuurmiut uumuuna Angmaktirutat Pangiqtuumi Mikiyunut Qayarnut Kangikhuq uplumi.

"Iniqtiutat una atuqtakhaq havaakhanut tuniyauhimayuq maniliurutikhanik ikayuutikhanik hamlatkunut uvani Pangnirtuumi," Sivuliqti Aariak uqaqtuq. "Quyagiyaqqut Kanataup Kavamatuqatkunnit maniliurutikhat umani havakhamik unalu kangikhuuk uvani Pangnirtuumi nuttanguyuq aullaktiutikhanik tariukkut maniliurutikhanik takhitjutikhanik atauhirmit tariumit Kanataup Ukiuqtaqtumi ahianut."

Hamna mikiyunut umianut kangikhungmi ihuakhitjutauniaktuq aanniqtailinikkut tunihitjutikhanik nunami angunahuaktinut, iqalukhiuknikkut maniliurnikkut unalu aquivaktunut aulapkainikkut tutqumavikhainik umiamingnik nunamingni.

"Angitqiyanik umiamingnik tullaktarvikhaniktut Pangnirtuumi piyaqqurnaittumik anurimit unalu tinnitarnikkut ullitarnikkutlu. Kayumitqiyamik uuhiyarnikkut iqalukhiuktinit iqaluktainik unalu nakutqiyanik iqaluktainik nunamingnit," uqaqtuq Ministauyuq Pivalliayuliqiyikkut Ingilrayuliqiyikkullu, Peter Taptuna.

Imatut piqaqtugalluaktuq amigaitqiyainik 1,000 -nguyut mikkait umiuyat kangikhuani uumuuna Atlantic-mi unalu Pacific-mi, Pangnirtuumi avallittuq kangikhuuk hamani Kanatami takkitqiyauyuq hinani. "Kavamangat Nunavut qinikhianiaktut ihuahautikhamingnik tariukkut maniliurutikhanik nakuuhiyummiutikhanik aanniqtailinikkut, ikayuutikhanik pivalliayuliqiyikkut unalu pillahiyangani Kanatakput ihuatqiyanik atuqpalliatjutikhanik Ukiuqtaqtumi Katimayiinni piyakhaliukhimayainni unalu qiniqhiayiit unalu takuyaqtuqlugit urhuryuat kuvikpata,"Sivuliqti Aariak uqaqtuq.

###

Tuhaqtipkainikkut uqaqatighaq:

Emily Woods

Titiraqti

Havakviani Sivuliqti

Kavamangat Nunavut

Hivayauta: (867) 975-5059

Titiqivia: ewoods@gov.nu.ca