Havaktingit

Nutaangutqijat GN-kut Qalagjuarniq COVID-19C tuhaqtitaujukhat paqitaunginariaqaqtun qaritaujakkurviptingni. Qalagjuarniq COVID-19 atuqtakhat paqitaunginariaqaqtun Havagviat Aanniaqtailinikkut Qalagjuarniq COVID-19 atuqtakhat makpirnia.

You are here

KANATAM KAVAMANMI MANIKTAQVIKHAQ PIGIAQAQTUN NUNAVUT NUNALAANIN

Iipu 07, 2014

Tuhaayukhaq

Qillaminuaq Tuhaqtitauyukhaq

KANATAM KAVAMANMI MANIKTAQVIKHAQ PIGIAQAQTUN NUNAVUT NUNALAANIN

Kavamangit Gasiliinik Taksikhanut Maniktaqvikhanga ikayuutiniaqtun nunalaanitunik iglukhanik tamaini Nunavunmi

Qitiqauyaqvia 7, 2014mi Iqaluit, Nunavut

Nangariyauyuq Leona Aglukkaq, Ministauyuq Avatiliqiyikkutni, Ministauyuq Kanaitian Tunnunganiituni Pivalliayuliqiyikkutni Havagviani, Ministauyuq Ukiuktaqtuniituni Katimayiinigt Maligaliuqyualiqivingmilu Parliamentmi Nunavunmiutauyunut Tom Sammurtoklu, Nunavut Kavamanmi Ministauyuq Nunalingni Kavamatunnilu Pivikhaqautikkut, quviahuutigivaktun ublumi angirunmun ihivriuqtauyukhaq kanatami Gasiliingit Taksikhanut Maniktaqvikhangit taima tunihimayuq tautuminaqtumik, naunaitumiklu maniktaqvikharnik iglukharnut tamaini Nunavunmi.

Kavamangit Gasiliinik Taksikhanut Maniktaqvikhanga aituihimaaqtun nunalaanun maniktaqvikharnik havaaqhanut taima upautihimayuq piumayamingnun nunalaani piyauluaqtauyumayutlu. Nuutaanguqtiqhimayuq angirutikhaq kavamaliqiyunut maniktaqvikharnik tamaini aviktuqhimayuni nunaqyuani ukiuktaqtuniitunilu taima quliinguyunut ukiunik, talvanganin 2014mi -15mun talvungaqtinani 2023mi-24mun.

Talvanganin 2006min, qaffiuyunaqtun ihuaqhaitjutikhat havagiikhimayut talvuuna Gasiliingit Taksikhanun Maniktaqvikharnut; hivunirmun hivutilirhimayuq, aadjiliuqhimayuqlu, nalvaaqvikhaanilu inigiikhimalikhunilu. Taima munagihimaaqhugit ukuat havakniaqhimayaingit malirutikharni, aviktuqhimayunik nunaqyuangani, ukiuktaqtuni, nunalaanilu ihuaqhagiikhimaniaqtun taima aulahimaaqtunik maniktaqvikharnik ilitugipkagiangat nunalaani iglukhangit piiyauhimayunut piluaqtauyukharniklu.

Talvani nuutaanguqtiqhimayuni Gasiliingit Taksikhanun Maniktaqvikharnut, Nunavut aulahimaaqniaqtun ilitugipkagiangat iglukhangit piluaqtauyukhat imaqnik, iqaqquktukhanik katitiqvikhangit nayuqvikhaanik.

Uvani angirutmi tamna Kavamangit Kanatami havakhimaaliqtun tautuminaitunik aulatjutikharnik talvanu Nuutaami Nayuqvikharnik Kanatami Pangnairunmi, tamna angiyuq hivuniraalukmi kanatam havaqatigihimaaqniaqtaat talvuuna pitjutikharnik Kanatami nunalaani iglurvikharnik nunaqyuaptingnik ilitquhirvikhaani.

Naunaitun Naunairutikhat

Kanatam Gasiliingit Taksikhanun Maniktaqvikharnut nuutiqhimayuq tunihimaaqtuq taima $13 billian tallamik Kanatami nunalaanun ubluumanunmun. Talvuuna qullinik ukiunganik Nuutaami Iglukhanun Kanatami Pangnairunmi talvanganin 2014mi 2024mun, tamna Gasiliingit Taksikhanun Maniktaqvikharnut tuniniaqtun $22 bilian tallamik maniktaqvikharnik nunalaanun.

Katitirningani tamaat, tamna Nuutaami Iglukhanun Kanatami Pangnairunmi tuniniaqtun $53 billian tallamik maniktaqvikharnik nunalaanun tamaini nunaqyuaptingni hivunikharni qulllinik ukiungani. Nunavunmun, ilauqaqtitiniaqtun katitiqhimayunik taima $419 milian tallamik aulaniaqtun talvuuna kanatam kavamangit maniktaqvikharnik, ilauniaqtun avatquhimayumik taima $256 milian tallamik talvani Nuutaami Iglukhanun Kanatami Maniktaqvikhaat nallautiqhimayumik taima $163 milian tallamik talvanga kanatam kavamangit Gasiliingit Taksikhanun Maniktaqvikharnut *.

Aviktuqhimyunik Nunaqyuangit ukiuktaqtuniituniklu aulaniaqman pitjutikharnik talvanga Kavamanmi Kanatam malikhautiniaqtuni nunaqyuangit maniktaqvikhat havaaqhangit:

o $4 bilian tallamik pigiaqaqtun tamaini nunaqyuaptingni talvanga havaaqharni nunaqyuamin akhuqnaqtumi,

o $1.25 bilian tallamik ilayuq maniktaqvikhaq pigiaqaqtun talvuuna P3mi havaaqhangit,

o $10.4 bilian tallamik talvuuna GST-ngit Utiqtirutingnikkut, taima aituihimaaqtun nunalaanun tamaini nunaqyuaptingnik ilauqaqluni hanaqitjutikharnik ilitugipkaiyaangat iglungnik piumaluaqtangnik.

 

Katitiqhimayut taima 46nik havaaqhangit pitjutigivaktun maniktaqvikharnin talvanga kingulikmin Gasiliingit Taksikhanun Maniktaqvikharnut Angirutmin

Imaatun itun, kanatam kavamanmi Gasiliingit Taksikhanun Maniktaqvikharnut ikayuutigivaktun havaaqhanun imaitunik:

o Qamanittuarmi Imiqtaqviliqivikharnik iglumik – nuutaamik imiqtaqviliqivikharnik taima ihuaqtumik aulavikharnik imangnik ikikliyumiqtitiyaangat imiqtautiit akhaluungit tattatiqtitihimaagiangat. Una havaaqhaq ihuaqyumiqtitihimayuq nunalaani ikualaaqtuqaqqanlu munagitjutikharnik nunalaangini.

o Iqaluktuutiaq iqakuukviangit – una nuutaanguyuq nayuqvikhangit tunihimaaqtuq nunalaanun ihuaqtumik iqakuukvikhaanik. Nunalaangit talvani ilauhimaaliktun iqakuukvikharnik munagitjutikharnik taimalu aulatitiliqmiyut atufaarutikharnik havaaqhaqmik.

Uqaqhimayut

"Kavamavut havakhimaaliktun tununnganiitunik nunalaanik ilingaikyumilikpaktun. Maniliqinikkut ikayuutikharnik nunalaani iglukharnik, taima havakhimaaliktugut nunalaangit Nunavunmi tamainilu nunaqyuaptingnik quviahuutigiyaat anginirmik inuuhimaagiangat, nuutaanik maniliukyumigianganik, qayangnairutikharnik, inuuhigittiagiangat inuuhimaagianganik."

Nangariyauyuq Leona Aglukkaq

Ministauyuq Avatiliqiyikkutni, Ministauyuq Kanaitian Tunnunganiituni Pivalliayuliqiyikkutni Havagviani, Ministauyuq Ukiuktaqtuniituni Katimayiinigt Maligaliuqyualiqivingmilu Parliamentmi Nunavunmiutauyunut, on behalf of

Nangariyauyuq Denis Lebel

Ministauyuq Igluliqiyiyuakkutnun, Nunalaanik, Kavamaliqiyikkutni, Ministauyuqlu Pivalliayuliqiyikkut Havagviani Kanatami talvani Aviktuqvingmi Quebecmi

"Ihuaqhaiqyuminikkut nunalaani iglukharnik nunalaaptingni anginirmik akhuqnaqtun Nunavut Kavamanmuin. Taima amigiaqyumikhimayumik maniliqinikkut hulilukaaknikkut ukiuktaqtuni, nunalaaqput angikliyumiliktun piqaqtukhat ihuaqhaitjutikharnik taimaitunik imiqtaqvikharnik, iqakuukvikharnik kuviyaaqtunik iqakuukvikharniklu ikayuutigiyaangat uminga angikliyumirutikharnun. Tamna Gasiliingit Taksikhanun Maniktaqvikharnut angirutikhaq tuniniaqtuq piumayauluaqtunik maniktaqvikharnik upautiyaangat ukuninga akhuqnaqtunik iglukharnik tamaini Nunavunmi."

Nangariyauyuq Tom Sammurtok Ministauyuq Nunalingni Kavamatkunnilu Pivikhaqautikkut Nunavut Kavaman

Ilauyut Qaritauyaliqitjutiit

Ilihaiqyumirumaguvit talvuuna kavamangit kanatami Gasiliingit Taksikhanun Maniktaqvikharnut pulaaqlugu: http://www.infrastructure.gc.ca/prog/index-eng.html

Nalvaaqhilutin nuutaanik Kanatami-Nunavunmi kavamangit kanatami Gasiliingit Taksikhanun Maniktaqvikharnut angirutikhangit talvani: http://www.infrastructure.gc.ca/prog/agreements-ententes/gtf-fte/2014-nu...

- 30 -

Hivayalugit

Vincent Rabault

Titiraqtiuyuq Tuhaayukharnik

Havagviani Ministauyuq Igluliqiyiyuakkutnun, Nunalaanik, Kavamaliqiyikkutni uvanilu

Ministauyuqlu Pivalliayuliqiyikkut Havagviani Kanatami talvani Aviktuqvingmi Quebecmi

613-943-1838

 

Hillary Casey

Tuhaqtitiliqiyi

Nunalingni Kavamatkunnilu Pivikhaqautikkut Nunavut Kavaman

867-975-5342

hcasey@gov.nu.ca

 

Igluliqiyiryuangit Kanatami

613-960-9251

Akiituq: 1-877-250-7154

media@infc.gc.ca

Mallauluta uvani Twitter-mi uvani @INFC_eng