Havaktingit

You are here

Nunaqyuat Tamaat Nanungnun Katimaqyuarut

Tissaipa 09, 2013

Tuhaqtitauyukhaq

Qillaminuaq Tuhaqtitauyukhaq
Nunaqyuat Tamaat Nanungnun Katimaqyuarut

IQALUIT, Nunavut (Ubluirvia 9, 2013) – Nunavut Kavaman quviahuktumik taima ihumagiyut Inuinait aulahimaaqtun akhuqnaqtumun havaagiaqaqtun nunaqyuangit uqaqhimaaqtun talvuuna nanungnut tamaqtailinikkut munagitjutikharniklu imani havainirmi talvani Russia-mi.

“Una hivulliqpaanguyuq taima pitquhingit avatiliqinikkut ihumagiluaqtauliktun ilitagiyauliqhunilu kiutjutigiyauliqhunilu nunaqyuangit katimaviani naunairutingni talvuuna hivunikharnik nanungnik munagitjutikhat ihumaliuknikkut,” uqallaktuq Hivulliqti Peter Taptuna. “Quvianaqpiaqtuq tautugiangat havakhimaaqtavut inigiikhimaliktun hanaqitjutikhavutlu atuinaqtainik Inuinait ihumagiyamingni munagiyaangat nanungnik tamaqtailiyaangat atuqtauniaghimayut nunaqyuangit ilaqatigigiyavut.”

Ilauyut tamna Nuanvut Kavamanmi, ilauhimayuq Avatiliqiyikkut Ministat Johnny Mike, tingmikkut aulaaqpaktuq Russia-mun taima ilagiplugit Kanaitiangit ilauyukhanik talvuuna Nunaqyuat Tamaat Nanungnun Katimaqyuarut. Tamna katimaqyuarut nangatjutigivaktaat 40nik nalliutikharnut atiqtuinikkut 1973mi Angirutikhanga Tamaqtailinikkut Nanungnik.

Tamna 1973mi Angirutikhanga Tamaqtailinikkut Nanungnik atiqtuigiikhimayuq tallimanik Ukiuktaqtuniitunik nunaqyuangit – Kanata,Norway, Denmark (Greenland), Russia, United States of America-lu, taima ilaqatigiingnamik munagitjutikharnik tamanik nunaqyuangit 19nugyut nanuit amigaitilaangit. Tamna angirutikhaq havagiikhimayuq havaktakhangit nunaqyuat tutqikhaitjutikhat tamaqtainikkut uuktutikhat munagiyangat nanuit ukiuktaqtuniitunik avatingit, ikayuutigivaktaat nanuit nampangit amigaiqyumirutingitlu talvanga ikiklinganin 10 tausinik nanungnik 1960nin taima amigaiqyumikhimayut taima 25 tausinik ublumin.

Ministat allatlu ilauhimayut talvanga tallimanin nunaqyuanganin, “nunaqyuangit ilauhimayutluuniit”, katimavaktun uvani havainirmi naunaiqyumigiangat havakhimaaqniaqtangit talvuuna ukium 1973 angirutmi ilaqatigiiklutiklu nuutaanik hanaqitjutikharnik ikayuutigiiyaangat ilitugipkagiangat hivunikhat munagitjutikhat ihumagiyauyut, taima hilam allanguqtirutinganun, himiqtuinikkut ihuangitumik, amigiaqyumiqtitilutiklu hanaqitjutikharnik havakhimayunik. Nuutaangugiikhimayumik ilitugitjutikharnik atiqtuiyagiiqhimayuq tamainin katimayunut, ilitagiplugit pitjutikharnik hivunikharni nunaqyuat angiqatigiikharnik, naunaiyailutiklu akhuqnaqtun havakhangit nanuit aulatjutikharnik nunangani pitquhingitlu inuuhiani Ukiuktaqtuni nunaqaqqahimayunut inungnut.

“Ilitugipkaiyumayunga pittiaqnikkut quyarutikharnik talvunga Russian-mun Timituqangitnun katimapkaivaktunut uumunna akhuqnaqtuq hulilukaakninganun, ilauqatigiyavutlu Kanatami nuatqatigiyaqqut Ukiuktaqtuniitun nunaqyuangit taima havakhimaanginaqtun munagiyaangat nanungnik munagitjutikharnik,” uqallaktuq Minista Mike. “Nanuit ilitagilimainamik maligaliqiunut aviktuqviit, amgiaitun katimaviingit nanuit ilauqatigiikhimayut akunngatigun nunaqyuanganit. Tamapta ilaqatigiikluta munagitjutikhaqaqtugut ihuaqhaitjutikharnik munagitjutikharniklu nunaqyuanganut nanungnik.”

Nunavut Kavaman ilaqatigiingitlu, ilauyut Avatiliqiyikkut Kanata, Inuit Tapiriit Kanatami (ITK), Nunavut Tunngavik Inc. (NTI), Kavamangit Nunatsiarmi, Makivik Kuapulaisingit, Nunatsiavut Kavamangitlu, aulahimaaqtun akhuqhutik ihuaqtumik munagiyaangat nanungnik.

Tuhaqtitiliqiyi Hivayaqlugu:

Tyler Ross
Atanguyam Ikayuktinga Tuhaqtitiliqiyiitkuni Avatiliqiyikkut
tross1@gov.nu.ca
867-975-7720

###