Havaktingit

You are here

Nunavut Piyaat Tamaita 1,500 Tonne-nik Nataangnanut Amigaikyuumidjutaanik

Nuvaipa 15, 2013

 

IQALUIT, Nunavut (Tarium Hikutirvia 15, 2013) –Nunavut Kavamanga (GN) aliahuutigiyait nutaat tuhaqtidjutikhat taimaa Tamatqiutit An’nguniaqtaaqtanginnut (TAC) ukununga Kalaalliinni Nataangnanut talvani Division 0A, tunuani kivataani hinaani Qikiqtaaluup Qiqiktaani (Baffin Island), amigaikyuumiyuq 6,500 tonnes-nit 8,000 tonnes-nut 2014-mut. Una 1,500 tonne amigaikyuumidjutaa tuniyauniaqtuq tamaat Nunavunmi Iqalukhiurtinut.

"Quviahukpiaktugut taimaa Imakmiutaliqiyiit (DFO) tunihivakmata Nunavunmut uuminga 100 pusatmik nataangnanut amigaikyuumidjutaanut talvani Division 0A," uqaqtuq Nanngariyauyuq James Arreak, Ministangat Avatiliqiyikkut. "Una angikyuaqtuq amigaikyuumidjutaa Nunavullu ikayuqhimmaaqniaqtut uumunga ikpingnaqtumik qanittumi pivikhamut."

Talvani Immaktirvia 2013, una Northwest Atlantic Fisheries Organization’s (NAFO) Ilittuqhaidjutinut Katimayiit (Scientific Council) uqaudjihimayut uuminga Tamatqiutit An’nguniaqtaaqtanginnut (TAC) nataangnanut tahapkununga Division 0A unalu 0B, ittuq ataani Division 0A. Atuqhugit ihuaqtut naunaiyaidjutit ikitpiakhutiklu an’nguniaqpagainut, amigaikyuumidjutaa 1,500 tonnes-mik pitquhimayaat taaffumunga Division 0A 2014-mut.

Taaffumungattauk haniani ittumut talvani Division 0A, Nunavut pihimahimmaaqniaqtaat 100 pusat tuniyauhimayamut. Kihimi, talvani Division 0B, Nunavut tigumihimmaaqniaqtaat, uuminga 2,850 tonnes-nik uumanga 7,000 tonne-nit tamaat.

"Quviahukpiaraluaqhuta taamna tadja amigaikyuumidjutaa ipkakniaqtaa Nunavut hanianut 73 pusatmut piptingnut nataangnanut pivikhaptingnit, Ihuaqhihimmaaqniaqtavut pihimayaptingnik uuminga 0B iqalukhiurutimik amigaikyuumilugu tamaat pigiyavut ihuatqiyamut 85-90 pusatmut," uqaqtuq Minista Arreak.

GN-kut havaqatihimmaaqniaqtangit Amihut paanariyatik, unalu Northwest Atlantic Fisheries Organization unalu Imakmiutaliqiyiit, taimaatut Nunavunmiut ikayuqtauyaanginni amigaityuaqtunut iqalukhiurutikhanut. ###

Tuhaqtidjutinut Uqaqvikhaq:

Tyler Ross

Ataniullaktuq Tuhagakhanut

Avatiliqiyikkut

867-975-7720

Tross1@gov.nu.ca