Havaktingit

You are here

Uqhuit akiit akittuqyuummiqniaqtut Januali 1, 2014-mi

Tissaipa 20, 2013

Tuhaqtitauyughaq

Tuhaqtitauhaktukhaq

Uqhuit akiit akittuqyuummiqniaqtut Januali 1, 2014-mi

IQALUIT, Nunavut (Tisaipa 20, 2013) – Akittuqyuummiqtut uqhuit akiit nunaryuami niuvvaavikni pitjutiqaqtuq taimaatut uqhuit Nunavunmi akittuqyuummiqniaqtut Januali 1, 2014-mi.

Uqhuqyualiqiyiit Havakvia uvani Nunalingni Kavamatkunillu Pivikhaqautikkullu niuviqpaktait angaqyuat uqhukhait nunaptiknut.

"Nunavut niamgitjutigivaktait akikitqiyat aulainnaqpaktullu uqhuitigut akiinnik Kanadami. Niuviqnikkut akingit kaasaliinun iglununlu uqhuqyuaghat akikliyuummiqtirhimaittuq talvanga 2008-mit," uqaqtuq Tom Sammurtok, Minista Nunalingni Kavamatkunillu Pivikhaqautikkunnilu. "Hapkuat nutaat akitutilaangit tautungnautiyut nunaryuami uqhuitigut akiinnik aulayut akittuqyuummiqtirhutik."

Akiit uqhuqyuanun Nunavunmi akittuqyuummiqniaqtut imaatut:

Uqhuqyuat 10 cents/litre ($0.10/litre) Kaasaliit 20 cents/litre ($0.20/litre) Tingmitinun Uqhuit 2.50 cents/litre ($0.025/litre)

Hapkuat nutaat akighat atuqliqniaqtut tamainni Nunavunmi nunallaani Januali 1, 2014-mi. Taapkuat nutaat nivvaanikkut akiit ilahimangittut pitjutigiyaaqtunik taaksiiyautinik.

Nunavunmiut aghuuqtauyut atuquplugit pinahuarutinik hailihimayut Nunavut Kavamatkunnit imaatut Qatan’ngutiqatigiiliqiyitkut Inirnighanun Uqhuqyuatigut Ikayurutimik ikayuqpaktut inirnighanik aihimavikmiknun uqhuqyuaqtautikkut akiinnik, unalu Kiinauyaliqiyitkut Uqhuqyuatigut Taaksiiyautikkut Utirutimik pipkaiyuq anguniaqtinun, anguniaqtipkaiyinun aullauyaqtipkaiyinunlu uuminga taaksiiyautikkut utirutimik imaatut 6.4¢ atauhiqmi liitami (litre) kaasiliinun ukununga angiqtauhimayunun hulinirnun.

###

Tuhaqtitauyughaq

Uqaqatigivighaq:

Hillary Casey

Tuhaumapkaiyi

Nunalingni Kavamatkunillu Pivikhaqautikkullu

867-975-5342

hcasey@gov.nu.ca