Havaktingit

Nutaangutqijat GN-kut Qalagjuarniq COVID-19C tuhaqtitaujukhat paqitaunginariaqaqtun qaritaujakkurviptingni. Qalagjuarniq COVID-19 atuqtakhat paqitaunginariaqaqtun Havagviat Aanniaqtailinikkut Qalagjuarniq COVID-19 atuqtakhat makpirnia.

You are here

COVID-19 GN Ilitturipkaidjutit - Qiqaijalirvia 25, 2020

Maassi 25, 2020

Hivuliqtiup nutaaq ilitturipkaidjutaa:

Ublumimit, naunaiqhimangittut aannialiqtunik aannialirnahugijunikluuniit qalagjuarniq COVID-19 avikturnianni.

Atauttimut nampait inuit ihivriuqtaujut ublumimut 166. 116 inuit hadja ihivriuqhidtaujut, ukuat 50 inuit ihivriuqhigakhaiktut.

Aullarumajut tingmitikkut nutqaqtittaujut Nunavunmut.

Ukuat Nunavunmi nunaqaqtut ukuallu havaktukhat havaktit ihuaqhaijariikhimaitkumik tingmidjutikhamingnik, titirarvigidjavat qaritaujakkut CPHOTravelRequests@gov.nu.ca qanurilirutikharnik avaliingarvikharnik imaalu tingmidjutikharnik.

Ilihaqtut ahianiit Nunavunmit imaalu angilraujumajut nunamingnut titirarvigijkhaat fans@gov.nu.ca huaqhaijariikhimaitkumik tingmidjutikhamingnik.

Qitirmiuni ilihaqtunut Nunavunmi: Utirumaguvit avikturniannut, titirarvigijkhaat fans@gov.nu.ca qilamiurlutit. Satakkurvikhaqhi ihuaqhaqtauliqtut Kangiqlinirmit, Yellowknife-kuugakhaittumik. FANS-kut havagviat ikajurniaqtatit tingmidjutikharnik ihuaqhaitilutit.

Akilikhitikhat kavamatkunni nivvaviinnut havaktauliqtut akiliqtauvalirniaqtut qilamiurlutit. Nutqaqtitavut imaatut atuqpaktaralunagit 20-30 ubluni akiliqtakhait hivituniannik, aklirnaririanginni.

Apiqqutikhaqaqtunga ukuat inuit mikitqijaujunni nunaqaqtut aturiaqariakhaanik inungmiuyut qanitturiikhimaittumik imaalu nanguruvit qanitturiikhimaittumik. Kiudjutaa MALIQATTIAQTAKHATIT ungahingnikhaanik. Inuk tamarmik taimailiuqtukhat. Qalagjuarniq COVID-19 avaliikhilimaittuq inungnik, ilaujut nunallaat aktilangit.

Apririjumajatka angajuqqat, munaqtiujut nunaqatigiktullu uqautigilugu nutaqqamingnut kangiqhipkarlugit inungmiuyut qanitturiikhimaittumik huurlu akhuurutauyukhaq. Ilihimajunga ajurnaqtuq nutaqqanut, mikijunik in'ngutaqaramma. Itqaumajukhaujut imaatut ungahiktukhaujut inungmit haniani nangirumik ilannamngnit ilaruhimingnitlu. Taimainniarmat, hamna akhurutikhaqqut nakuujumik pilimainmat nunaptingni.

Umiktiutikhamnik, uqallagumajunga imaatut: Tapkuat tuhaajumangittut maliqujaptingnik avaliihimalutik inungmiuhimaittumik, aihimalutik imaatut aturnahuarlugu inungmiuyut qanitturiikhimaittumik imaalu nanguruvit qanitturiikhimaittumik, imaatut uqarumajunga: ILAUHUIRIT ajuqhaqtitijunut. NAGUHIGUIGLUGIT ilannatit, ilatit imaalu nunagijat aanniqturnahuarlugu. IIDJUHIRIJAT piitiaqpaktukhaujutit qajangnaittumik imaalu qanurunaarnaittumik inungnut. Aihimalutit. Pidjutiqarnahuanginnaqhimaittumiklu.

Inungmiunirmik ungahiktilaaqaqluni nakuukpiaktuq aannialiqtailitikhaqqut taffumanga Qalagjuarniq COVID-19.

 

Nunavut Kavamanga (GN) uuktuutikhait aanniaqtailitikhanik Nunavummiut taffumanga Qalagjuarniq COVID-19min, GN-kut Havagvingit atuliktait hapkuat:

Havagviat Aanniaqtailinikkut

Aulahimaaqtun havagutit:

  • Pidjutikhat aanniaqtailinikkut munaqhitikhanik havagutit aullajunaittut hailihimaarniaqtut tamainni nunallaani 7-ni ubluni havainirmi.
  • Tamaita amirakhuutaungittut takujaujumajut naunaiqtauvangniaqtut ubluq tamaat.
  • Tadjainnaq pidjutikhait aanniarjuaqtunik amigaqhuutaujunullu aanniaqtailinikkut munaqhiliqivikhainik havagutit aullahimmaarniaqtut hailihimmaarniaqtut 24-ni ikarnirni ubluq tamaat, saivat ubluni havainirmi.
  • Tamita inuit apirijaujut hivajaqujaujut hivuani munaqhiliaqtinnatik.
    • Iqalungni, inungnut aanniaqtailitikhat, amigakhuqtunut igluangat unalu aanniaqtunik ihivriuqhirvik angmaqhimaniaqtuq.
    • Nutarannuanik ihivriuqhirviit, hingaihimajunik ihivriuqhirviit ukuallu kapuqhirniq havautikhat iajuutikhanik aullahimmaarniaqtut huli tamainni nunani Nunavunmi.
    • Taaktit nunallaanut aquvangniaqtut huli. Pilimaitpata, takuuqhiqtauniaqtut ihivriuqtaulutiklu talvuuna aanniaqtuliqijikkut tiiviitigut tautuutiliqijiit hivajautikkulluuniit.

Ihuaqhaqhimajut kivgaqtuutait:

  • Takuurhirvikhahi munaqhitkunni utaqqipqaqtaunialiqtut kinguvaaktaulutiklu; takuurhirvikhat imatut hivajautikkut upautilutitluuniit.
  • Aanniarviliaqtunut tongmidjutikhainut ikiglijaujut aullaqtitauhaktukhanut amigaqhuutaujunut aullaqtitaujukhainnarnut. Aaniniaqtut inuit uqaudjauniaqtut hapkuninga aallanguqtauniinnik imaalu ilauniaqtut uqautaujunut
  • Iqaluingni, aanniarviup ahiani ikajuqtauvikhat imaalu ikajuqhiqtauvikhait nutiriliqtut takuuqhirvikhainnik ihuaqhaiplutiklu takuuqhirvikhainnik. Ihivriuqhivikhangit ihivriuqtaujukhanik auktaqhimajunik ukuallu Iksuliiqnirmun Piksaliurut ikajuutikhat talvani QGH ikiglijaujut ikajuqhirvikhait. Tamaita ihivriuqhirvikhait kinguvaktitaujut.
  • MHA nuutiqhimajuq hivajautikkut qanurittaakhainnun ikajuutikkullu ilanginut inungnun. Ihuaqhariiqhimajut ihivriuqhirvikhait havautikhamingnik aikhirvikhaiinnik imaatullu havautituqtitauvikhait aallajunaittut aallangulimaittut. Ajuqhaliliqpallaruvit, munaqhiliadjavutit.
  • Aimaviinnut pulaaqtauviit havautituqtitijaqturlutik havaktauniaqtut naunaiqtauvaglutik atauhillaanik qanurinniinnik.

Umikhimajut/Taimaaqtihimajut/Nutqaqtihimajut hulidjutit:

  • Amigakhuutaungittut Hingaijanut ihivriuqhiqtauvikhait ultrasounds (tamaita avikturniinni)kinguvaktitaullaktut hadjakaffuk. Tamaita takuuktauvikhait naunaijaqtauliqt Atanilluangat Hingaijuliqijijiujuq Nuttaraniliqtuniklu Munaqhivik.
  • Pingattiunmi unnukpat ihivriuqhirvikhat talvani QGH nutqaqtitaujut tuhaqtitauniaqthave been suspeuhi qakugu angmaffaarvikhanik

 

Maligaliqijikkut Havagvia

  • Tamaita nunamingni itiqtauviit havagviat umikhimaliqtut inungnut tuhaqtitauniaqtuhi. Tamaita nunamingni itiqtauviit itiqtauhimajut uqaqpaktukhaujut hivajautikkut Avikturnianni Atanirmut.
  • Titiraqhimajut hivajarvikhatit paqitaunginnariaqaqtut talvani: https://www.gov.nu.ca/justice

 

Havagviat Kiinaujaliqijikkut Kivgaqtuutikhat

  • TadjamitIqaluit NULC beer unalu wine niuvvavik angmaniaqtuq huli ihuaqtumik inungmiuyut qanitturiikhimaittumik maliqajakhainnik atuqtauliqtut. Ikajuqtaujut nangipqajukhaujut malrukni meters-ni uungahitilaangulutik utaqqijuni hilataani niuvvaavikmit. Aullaqtirutaanut Qiqaijalirvia 25, 2020, niuvvaavik maniinnangnik pilimaiqtut.
  • Akiliqhitikhat tapkununga niuvvavingnut - Taimaaqtitavut hapkuat 20 unalu 30-blut akiliqtakhait naunaittumik tamaita akiliqtaujukhat tunijauhimajut tuklianut sakhaliurvikhanut. Akiliqtauhimaittunut akiliqtakhanik, niuvvaviit havagviujullu qaritaujakkutitirarvigilugit naunaitkutait hamani - https://gov.nu.ca/sites/default/files/departmental_contact-eng.pdf.
  • Maniit akiliqtaujukhat GN-kunnut - GN-kut qiniqhiangittut iluanni katitiqhimajunik hulipkaidjutikhank tadja. Tamaita akiliqhitikhainut naunaitkutait tujuutaujut katikhijukhamut havagvianut imaalu CRA-kut nutqaqtitaullaktut.

Aulahimaaqtun kivgaqtuutit:

  • Iqaluit NULC beer unalu wine niuvvavik ikarniit hamma:
    • Unaguiqhirvik – Umikhimajuq
    • Hivulliq – Umikhimajuq
    • Aippiut – Qitkkautijumit 7 p.m.-mut.
    • Pingattiut – Qitikkautijumit 7 p.m.-mut.
    • Hitammiut – Qitikautijumit 7 p.m.-mut.
    • Tallimmiut – Qitikkautijumit 7 p.m.-mut.
    • Saaluti – Qitikkautijumit 7 p.m.-mut.

Ihuaqhaqhimajut kivgaqtuutait:

  • Mikhilaarutigilugu himainniarungnaqhijumut qalakjuarnirmut COVID-19 aanniarutimut, NULC-kut ihuaqhijait inungmiujunut ungahiktukhaujunut inungnit niuvvaavikmi. NULC-kut ikiklihimaniaqtait ikajuqtaujut niuvvaavikmi niuvirtukhanut.
  • Ikajuqtaujut nangipqajukhaujut malrukni meters-ni uungahitilaangulutik utaqqijuni hilataani niuvvaavikmit. Aullaqtirutaanut Qiqaijalirvia 25, 2020, niuvvaavik maniinnangnik pilimaiqtut.
  • Taangarnut aquiqtuutikhat laisikhanik Iqalungni Kangiqlinirmilu upautilutik hivajautikkulluunniit.
    • Iqalungni, upautiinnariaqaqtutit NULC-kut niuvvaavianut talvani Hivulliq 9 a.m.-mit 12 p.m.-mut unalu 1-mit4:30 p.m.-mut, unalu Aippiunmit Tallimiunmut talvani 9-mit 11 -mut.
    • hivajautikkut 867-975-6869
    • Kangiqlinirmi, hivajainnariaqaqtatit 867-645-8575 unaluunniir 855-844-5488 talvani Hivullirmit Tallimiunmut talvanga 8:30 a.m.-mut 12 p.m.-mut unalu 1-mit 5-mut.
  • NULC tujuqhimmaarniaqtut aquiqtuutainnik nunanit. Aquiqturumaguvit, hivajarlugit 867-645-8575 unaaluuniit 855-844-5488.

 

Havagviat Ilinniaqtuliqijikkut kivgaqtuutikhait

Aulahimaaqtun kivgaqtuutit:

  • Bus-kut kivgaqtuutit kantraqaqtut akiliqtuqtauhimmaarniaqtut pingahuni havainirni iliharviit umikhimadjutaani.

 

Havagviat Nunalingni Kavamatkunillu Pivikhaqautikkut Ikajuutikhainik

  • Atuqluaqtut kivgaqtungnikkut tunihiniq
  • CGS Nunallaani Kavamatkut aullahimaqtutuqarvigiplugit hamlatkut naunaiqhimajamingni qanurinniannik Qalagjuarniq COVID pidjutiqaqtunik nunanginni ajuqhautaujinik

 

Nunavummiut aanniaqtailinikkut tamapta munarijakhavut! Itqaumalutit: uaqpaklugik algakkit imaalu qaanngit hunavaluit, inuqarnirmi qaniglihuiqluhi, maliqalugit uqaudjiudjutait aanniaqtailinikkut havaktinin, imnaalu aihimalutit aanniaruvit.