Havaktingit

Nutaangutqijat GN-kut Qalagjuarniq COVID-19C tuhaqtitaujukhat paqitaunginariaqaqtun qaritaujakkurviptingni. Qalagjuarniq COVID-19 atuqtakhat paqitaunginariaqaqtun Havagviat Aanniaqtailinikkut Qalagjuarniq COVID-19 atuqtakhat makpirnia.

You are here

COVID-19 Ubluq Tamaat Naunaiqhitit - QIQAIJALIRVIA 17

Maassi 17, 2020

Tamainnut naunaiqhitit

  • Aanniarunikhimaittut taffuminga Nunavunmi.
  • Hivajadjavutit munaqhitkunnut munaqhiliaqtinnatit, irinautaungitpat naunairlugu. Naunaijaqtauniaqtutit apiqhuqtaulutit hivajautikkut. Iqalungni, amirakhuutaungittunut, aadjikkutarijaa- hivajadjavatit talvungautinnatit Qikiqtani Aanniarviannut.
  • Nunavut Kavamanga ikajuqtit aullahimmaarniaqtut kihimi kajuumitqijautiniarunaqhijut ikiglingmata havaktitik.
  • Havaqatigiikhimmaaqtugut katiqhipluta atuqtaujukhanik Nunavummiut ajuqhangittanginni maniliurnaittumik taffumanga aanniarjuarunmit.
  • Inungmiuttailinahuarluhi uaqattarlugillu algakkit ikajuutauqpiarniaqtuq hiamittailinahuaqhutik aanniarut Qalagjuarniq COVID-19, inikhailliuqtunillu igluqpangni aitkaluaqhunilu igluqpani.
  • Hamna ihumalungnaqpiaktuq, ajuqhautaujuq inungnut tamainun, tamapta hiamittailinahuaqtakhaqqut Qalagjuarniq COVID-19. Aihimajukhaujugut hanguhimaittumik havaguirairupta, aanniangangitkaluaqtitlutit.
  • Inungnik ikajurnahuaqtivut munaqhitkut taaktillu havaktiujut imaalu inungnut tamainnut havaktunut angmanahuaqhugit aulapkaidjutikhat - Quana!
  • Pittiarniq inungnut utaqqinirmiklu anginiqaqtuq qujagijaujukharlu, utaqqinguhukhimaittumik amiogaitqiyamik hivuanit atuqtauvaktunik.

 

Aanniaqtailinikkut

  • Aanniaqtailinikkut havaqatigiplugit munaqhitkut havagviat piliuqtut hivunirmi upalungaijautikhaliuqtut ikajuutikhanik amigaigjuumivallianiarmata havaakhangit munaqhiqarviit.
  • Amigakhuutaungittut aanniangajut takujaujumajut naunaiqtauvangniaqtut ihivriuaqtauvikhanik qakugu. Qilamik takujauvikhanik irinahuktut munaqhinit ikajuqtikhat hailiniaqtun 24 ikarnirni ubluq tamaat, saivanni ubluni havainirmi.
  • Iqalungni, amirakhuutaungittunut hivajadjavatit talvungautinnatit Qikiqtani Aanniarviannut.
  • Tamainnut nunallaani, famirakhuutaungittunut hivajadjavatit talvungautinnatit munaqhitkunnut. Naunaijaqtauniaqtutit apiqhuqtaulutit hivajautikkut.
  • Taaktit huli nunallaanungauvangniaqtut.
  • Ihumaliqinikkut ikajuqtikhat hailijut huli.

 

Havaktuliqijitkut

  • GN-kut havaktingit pidjutiqaqtut iliharviit nutaqqiqiviillu umikhimaniannit pingahunni havainirni akiliqtauniaqtut havaguiqhimallautikhanik (aallanikluuniit atuqtakhanik) ukuat GN-kunni havaktingit
  • 14-ni ubluni Inmikkut-Avalingarnirmut Havaguiqhimmallautikhanik tamainnut GN-kut havaktingit mihigimalirumik fluukhimajutut mihingnaqtunik uqaudjauhimajut inmikkut-avalingaaqtukhaujut aipqalutik aihimalutik
  • Gkutnutqaqtillakhimajait aanniaqtunut munaqhinit naunaitkunmik pijakhaittut GN-kuni havaktingit
  • Tamaita inungnut katimalutik ajuiqhaqatigiikvikhait taimaaqtitaujut imaaluuniit kinguvaktitaujut
  • Tamaita havaamikkut aullarvikhait tingmitikkut taimaaqtitaujut

 

Inulirijikkut

  • Tukhiutigijavut tamaita Ikajuuhiakpaktut, Havakhanun Pivallialiurnikkut imaalu Ilagiiktunut Inuuhiringnaqtumik ikajuqhiqtauvaktunut hivajaqutaujut naunaiqhilutik takujauvikhamingnik, havagvianungauhimaittumik.
  • Inuit tamarmik hivajaqujaujut naunaiqhijamingni takujauvikhamingnik ubluqhiutikkut ubluaniklu ikiglinahuarutikhanik inuugiakpallangittumik uttaqqiviinni.
  • Havaktugut naunaiqhijumapluta hunat ihuatqijaujakhainnik ilihaqtunut hivuraani, uqaudjidjuhianik CPHO-tkunit.

 

Pivalliajuliqijikkut Ingilrajuliqijikkullu

  • Tingmidjutikhat ikiglijuummiqtut Nunavunmi. Tingmitit qanurittut imaalu ukuat Nunavut Kavamanga havaqatigiittiaqtut hunatarviit tamajaqariangita angmaumajanittalu niqikhat aallallu atuiqtaujukhat aullajanginni.
  • GN-kut havaqatigijait ujarakhiuqtit munariplugit aullapkaidjutait. Tadja,GN-kut angiqtait maliqajakhatik imaalu ilitariplugit aulapkaijit ihumaliuriaqaqtut aulapkaidjutikhamingnik pijariaqaqtunik.