Havaktingit

You are here

Minista Uqauhilirinirmut

Elisapee Sheutiapik niruaqtauvaktuq niruaqvikmi October 30, 2017mi, katimadjutigilugu una Iqaluit-Sinaa uvani tallimaani (5th) Maligaliuqvingani Nunavunmi.

Ms. Sheutiapik niruaqtauvaktuq katimajiuluni uvani Ministait Katimaviani uvani November 17, 2017mi, katimadjutainni uvani Nunavunmi Hivulliuqtikhanun Katimadjutainni. Minista Sheutiapik uqariiqtitauhimajuq havagvingmun November 21, 2017mi. Havaarijait Kavamatkut Katimajiita Hivulliuqtiat, Minista Inuliqijitkunni, Minista munarijuq Aivikhaittunun, Minista munarijuq Nunatirhimajunun, uvanilu Minista munarijuq Ilingaijaivallianirnun.

Ms. Sheutiapik qaffiujunik havaaqaqpaktuq kavamatkunni nanminirijaujunilu havagviinni. Ilihimajaujuq nanminikhaliuqtiujuq nanminirijaalu kaapituqvik atilik Grind and Brew Café Iqalungni.

Ms. Sheutiapik Miijauvaktuq Iqalungni, Nunavutim kavamaliqiviani nunalipaujaami, 2003min 2010mun. Angajuqaarijauvakhimavaktuq Nunavunmi Katimajiit Nunani Kavamanginni, Angajuqaarijauvakhimavaktuq Pauktuutitkunni, Kanadami katimavia timiquti Inuinnarnun arnanun Kanadami, Angajuqaarijauvakhimavaktuq uvani Qulliit Nunavunmi Arnait Qanurilinganinginnut, katimajiuvakhunilu NorthwesTel-kunni katimajiuvakhunlu Qulliq Alrujaqtuqtunik Ikumadjutiitkunni.

Ms. Sheutiapik ikajuqtiuvaktuq uvani Ukiuqtaqtuni Ukiumi Ulapqinirni. Ms. Sheutiapik aittuqtauhimajuq uuminnga Queen Elizabeth II Diamond Jubilee Medal-mik imaalu Piangaijarnikkut Katimajiit Kanadami 2014 Nipigijaujuq Niriuknirnun Ilitaridjutimik (Economic Club of Canada’s 2014 Voice of Hope Award) aittuqtauhimajuq havagutainnun kiudjutiginiarhimanikkut aihimavingni ningaqnirnun.