Havaktingit

You are here

Angigliyuumirniaktuq Inirnikhanut Uqyuqyuakhitikhanut Ikayuutikhaq

Tissaipa 29, 2015

Inungnut Tuhaqtidjutikhaq

Angigliyuumirniaktuq Inirnikhanut Uqyuqyuakhitikhanut Ikayuutikhaq

Aullaqtikvikha Ublua: Ubluiqtirvia 29, 2015

Taimakvikha Ublua: Ubluqtuhivia 31, 2016

Nunavut-wide 60 sec

Havagviat Inuuhiliqiyikkuni angigliyuumirumayaat Inirnikhanut Uqyuqyuakhitikhanut Ikayuutikhaq (SFS) imatut 3,500 litres-nik tamaini nunallangini Nunavunmi. Allangurnia atuqtaulikhunguyuq Ubluqtuhivia 1, 2016 pittaaktut nanminiqaqtut igluqpangmingnik uuktuqquyauyut. Angigliyuumiutikhat ilaliutauhimayuq Havagviata pinahuaqtainut naunaiyaihimagutaanut ihuakhiyuumiutikhanik inungnut ikayuutikhaliuktainut kivgaktuutikhamingnik ihariahutainut Nunavunmiut atani talvani Sivumut Abluqta.

Inirnikhanut Uqyuqyuakhitikhanut Ikayuutikhaq (SFS) atuqtakhaluqtauhimayuq ikayuutikhanut akiliutikhainullu akittuvallaaktunut uqhukhanut Nunavunmi. Pittaaktunut nanminiqaqtut igluqpangmingnik tuniyauhunguyut akikhanik uqhuqyuakhitikhamik, imatut aktigiyumut 3,500 litres-mik. Ikayuqtauyaffingnik hapkuat naunaiyautauhunguyut manikhamik, uuktuqtut piyariaqaqtut:

Nunaqaqtukhauyut Nunavunmi.

Ukiuqaqlutiklu 60-nik avatqumayutluunniit.

Nanminik igluqpaqaqlutiklu nayugarilugullu igluqpaktik ikayuutikhanik tukhirumik.

Avatquhimaitumik aktilakhanik maniliuktamingnut iglumiuqatigiiktut tamarmik.

Ikayuuhiakhimaitkumiklu.

Uuktuutikhamik uuktuqpaktukhat aipparuraikpat.

Naunaiyaktakhahi:

Nanminik igluqaqtut atauttimut manikhakpaktut imatut aktigiyumik $75,000 uvaluunniit mikitqiyaanik angiqtaulayut tamatkiklugu imatut 100% uqhugyuaqhitikhamik ikayuutikhat.

Nanminik igluqaqtut atauttimut manikhakpaktut angitqiyaanik $75,000 mikitqiyaniklu uvaluunniit aktilanganik $100,000 angiqtaullayut avaanik 50% uqhugyuaqhitikhamik ikayuutikhat.

Nanminik igluqaqtut atauttimut manikhakpaktut angitqiyanik $100,000 ilaulimaitut pilimaitut ikayuutikhamut uqhuqyuakhitikhamik.

Uukturumaguvit, hivayainagiaqaqtan ikayuuhialiqiyi nunalaangini. Naunaiqyumirutikharnik, pulaaqlutin qaritauyakkut uvani: http://gov.nu.ca/family-services/information/income-assistance. Allallu titiqat pitquyauhimayut iniqtauyariaqaqtut naunaiyautikhanik.

###

Tuhaqtipkainikkut Uqaqatikhaq:

Jade Owen Tuhagakhanut Ayuittiaqhimayuq

Havagviat Inuuhiliqiyikkuni

867-975-5207

jowen@gov.nu.ca