Havaktingit

You are here

G.R.E.A.T.nguyuq havaaqhaq iniqtirutikharnik katimayuarut

Tissaipa 18, 2015

Tuhaayukhaq

Qillaminuaq tuhaqtitauyukhaq

G.R.E.A.T.nguyuq havaaqhaq iniqtirutikharnik katimayuarut

NUNAVUT (Ubluirvia 18, 2015) – Apitilirvikmi, Havagviat Qatanngutiliqiyikkut Nunavut Ilihaliarpaarvitlu aulatitivakhimayut "Hanaiyailiqtun Havagianganik Ayuiqhagianganiklu", taima ilihimanaqtuq uminga G.R.E.A.T.-mik, tualunik havainirnik havaanganik ayuittiarutikhaq havaaqhat havakhimayut hanaiyaiyaangat ikayuuhianginaqtunun havaaqhakhiugianganik.

Ublumi, tamna G.R.E.A.T.nguyuq havaaqhaq ilitagiliqtait iniqtiqhimayunik aulatitivakhimayut ilihaqtun talvani Kugluktukmi, Iqalungni, Kangiqlinirmilu. Tuaninguyut ilihaqtun iniqtiqniaqtun, ilangitlu, ilannangitlu, havaktiitlu, ikayuktiuvaktait ilauniaqtun quviahuutigiyakhaingani.

"Tamnaingiuluangituq uvani havaaqharmi iniqtirutukharnun havaqatigiinginaqtugut avatingnun havagvingnun, kihimi tautuminaqtun taima qanuq inuit iniqtigiaqaqtun upiqatigiigaangamik, ikayuktigiinginagumiklu, aituqtaugaangamiklu hanalrutikharnik, ayuiqhautikharnik ayuitqiak Ilihaiyiiyuq ilihalihaaliqtumun avaquutigiyaangat nanminigiyaingit atuqpaktainik," uqallaktuq Minista Qatanngutiliqiyikkutni George Kuksuk. "Una havaaqhaq ilitangnaqtuq taima Nunavunmiutat havagumainaqtun, hivumuurumayut akikharnik nanminikuugianganik, ihumaliuqhimaaqlutiklu nunalaani ikayuutiniaqtun." Iniqtiqhimayut ilihairutingnik pigiaqaqtun ayuiqahautikharnik ilihaiqyumirutikharniklu, nuuvaliagaanganik talvanga ikayuuhianginaqtunik hivuniraalukmilu havaanganianganik.

Tamna havaaqhaq avugiiqaqtuq ilihairutingnik nanminikharniklu pivalliadjutikharnik, piqaqtukharnik ayuittiarutikharnik havaangununlu upalungaikhimayaanganik. Malrungnik havainirni havaangani ayuiqhagiaqaqtunik ilauyutlu, atauhiq ilihaqtuq iniqtilihaaqhimayuq havagvingmi ilihaivakhimayuq talvani Havaagumayuningnik Havaktiliqiyimin talvani Havagviani Qatanngutiliqiyikkutni. Ilihaiyiiyut tamangni pingahuuyuni havaaqharni quviahuutigivaktait ilihaqtunik ikayuutigiumaplugit havakyuaqpagaingitlu tautukpaktun talvani iliharvingmi.

Havagviat Qatanngutiliqiyikkut Nunavut Ilihaliarpaarvitlu aulatitiniaqtun havaaqharnik allani nunalaangitni Ubluqtuhirvia 2016mi, ilauniaqtun Ikpiaryuk , Mittimatalik, Iglooklikmi, Iqalungni, Pangnirtungmi, Qamanittuaqmi, Urhuqtuuqmilu. Ikayuuhianginaqtun pukukkumik tapfuminga G.R.E.A.T.-mik ihuaqtumik aulavikharnik pigiaqaqtun uminga havaaqharnik. Tuhaayukhaq Naunaiqyumirumaguvit, hivayainagiaqaqtan ikayuuhialiqiyi nunalaangini. Naunaiqyumirutikharnik, pulaaqlutin qaritauyakkut uvani: http://gov.nu.ca/family-services/information/income-assistance.

###

Tuhaqtitiliqiyuq Hivayaqlugu:

Jade Owen

Tuhaqtitiliqiyunik Ayuittiagiikhimayuq

Qatanngutiliqiyikkutni 867-975-5207 jowen@gov.nu.ca