Havaktingit

You are here

Havagviat Inuuhiliqiyikkuni aulatitiliqtun G.R.E.A.T. ilihautikhamik

Saptaipa 21, 2015

Inungnut Tuhaqtidjutikhaq

Havagviat Inuuhiliqiyikkuni aulatitiliqtun G.R.E.A.T. ilihautikhamik

Aullaqtikvikha Ublua: Apitilirvia 21, 2015

Taimakvikha Ublua: Apitilirvia 25, 2015

Nunavut-wide 60 sec

Havagviat Inuuhiliqiyikkuni aulatitiliqtun "Hanaiyautikhanik Havangnirmut Iliharnikkutlu", uvaluunniit G.R.E.A.T. ilihautikhamik, hivituniqartuq 12-havainirnik Nunavunmi Ilihagiakpaalirvingni (NAC-kut) ilihautikhamik hanayauhimayut ikayuutikhanik ikayuuhiakhakpaktunut havaakhanik uuktuutikhanik.

Una ilihautikhaq katidjutainik ilihautikhanik inuum havaarivakhimayaminik ilihaqtaminiklu naunaitkutikhainik, ayuikhayaminiklu havaakhanut hanaiyautiminik. Malrungni-havainirnik, havakhuni ayuikhavikhanik ilauyuqlu. Ilihaqtunut ilauyut ilihariaktuinnakpaktut tuniyauniaqtut ilihaqtitlutik manikhanik ikayuutikhamik ilauriaqaqtun.

Inikhikpata ilihaqtamingnik, ilauyunut ikayuuhiakpaktunut piniaqtut:

 Ihumagilugillu inuuhirmini havaakhanut pinahuaqtaminik, naunaiklugillu ilaihautikhanik havaakhatlu uuktuutikhanik.

 Pinahuaklugit uvaluunniit ihuaqhiyumiklugit ayuikhadjutikhanik atuqtakhanik havaakhanut.

 Nutaanguqtiqlugu havaakhakhiurutikhanik havaarivaktamingnik titiraqhimayuq havaakhanutlu uuktuutikhamingik titiraqluni, havaakhamutlu apiqhuqtaunirmik ayuikhaluni kiudjutikhaminik.

 Ilitturilutit havaakhanik uuktuutikhanik Nunavunmi.

Iliharvikhainik G.R.E.A.T. ilihautikhamik aullaqtiqhunguyuq Apitilirvia 28 Kugluktumi, Iqaluit, Pangniqtuumi, Kangiqlinirmillu. Ikayuuhiaqatauvakkuvit hapkunani nunalaani atiliurumaguvit ilihautikhanut, uqautidjavat ikayuuhialiqiyit havaakhanun havaktillu. Nunangni iliharvianut inirnirit upautidjavutit Aippiunmi, Apitilirvia 22, 2015, 1 -mungaqqat naunaiyautikhamik titiraqatauyarni havaktimit ilihaiyimit. Una kinguliuniaqtuq ubluani naunaiyaivikhanik.

###

Tuhaqtipkainikkut Uqaqatikhaq:

Sara Tufts

Atugakhanik Naunaiyaiyi

Havagviat Inuuhiliqiyikkuni

867-975-5201

stufts@gov.nu.ca