Havaktingit

You are here

Ikajuuhiarutikkut Havagutit

Januali 07, 2021

Kavamatkunnin Tuhaqtitaudjutikhaq

Ikajuuhiarutikkut Havagutit

Ikajuuhialiqijit utirniaqtun atuinnaqtamingnun, tamaat qaujiharutinun naunaijarutinullu havagutinun Janualimi tamainnin nunallaani kihiani Arviani Tikirarjuarmilu.
Takujaqturiarvighat piliuqujauhimajun. Hivajarlugu Ikajuuhialiqiji tukhirlutin takujaqturiarvighamik piliuriirhimangitkuvin. Unniutiniaqtaatin qaujihaqtaujukhauguvin hivajautikkut upautilutilluunniit.

Ihuarhaijukhauguvin takujaqturiarvigharnik hivajarvighaittutillu, takujaqtuqlugu Ikajuhiarvik tunijauniaqtutillu takujariaqturvighamik ubluqhiutaanik. Pidjutaanin COVID-19 Qalagjuarnirmin, atauhiinnaqtaqlutik inuk itiqtaaqtuq Ikajuuhiarvingmun.

Anginiqaqtuq tunijaami ilitturipkaidjutinik tamainnik pivigijarnik maniliurutinik. Tunijakhatin naunaitkutin kinaujaarharnik, akiliuhiakkut-titiraq, maniliqivingmin titiqqat unalu Kanadami Maniliqivigjuarvingmin Havagvianin (CRA) titiqqat. Pihimalutin 2018min 2019minluunniit Inkam Taaksikkut titiqqat aturianginni pijaarni uumunga CRA My Account-mun. Ikajuuhialiqijikkut Havaktin havalimaitait qaujiharutingnik pihimahimaittumik tamainnik ihiariagijaujunik titiqqanik.

Akhuurhaqtavullu tamaita hivajarlugin CRA-kut naunaijariami pittaarutin uumunga Kanadami Kiudjutaa Ikajuutikunmun (CRB). Taamna CRB pittaarnikkut maliktakhat angijun, taimaalu pivakkuvin Ikajuuhiarutinik avatquhimajuni 12ni tatqiqhiutini, pijaarungnarhivutin. CRA-kut ihumaliurutiginiaqtaa.

Ikajuqatigiikluta qajangnaidjutikhaptingnun. Itqaumaluhi inungnin ahiqpaniitpaklutin, 2 miitaanik, iqittihuiqlutin, aktuutihuirlutin algakkut kunikhihuirlutilluunniit. Aturlutin matumik uaqattaqpaklugin algatit.

###

Tuhaqtipkainikkut Uqarvikhaq:

Lucy Aqpik
Tuhaqtipkainikkut Ajuittuq
Inulirijikkut Havagvia
867-975-5207
LAqpik@gov.nu.ca