Minista Inuliriyitkuni kiuyuq Maniliqijit Ihivriuqtirjuam Kanadami Havauhiinik Ihivriuqhiyunut

Uqautigijaujuq

Minista Inuliriyitkuni kiuyuq Maniliqijit Ihivriuqtirjuam Kanadami Havauhiinik Ihivriuqhiyunut

Inulirijikkut Minista, Nan'ngarijaujuq Margaret Nakashuk, ublumi tuhaqtitijuq uqautimik kiudjutimik Ukununga Maniliqijit Ihivriuqtirjuam Kanadami havagutainnik ihivriuqhinirnik uumani Nutaqqanun Ilagiiktununlu Havagutinun:

“Uqaqtittiji, tamaat angiqtatka iluaniittun havauhiinun naunaijautit. Aghut aghuuqtunga havaklugit aalanguqtirutit tapkua ihariagijaqaqtut aalanguqtiqlugit. Havaktitka hivumuuliqtun apqutikkut pipkainikkut tamainnun-kavamatkunnun qanuriliurutimik.

Ihuaqhaidjutikhavut qanuriliurutikhavutlu upalungaijautikhat ihumagilugit qajangnaittumik nutaqqat. Ihuaqtumik havaqatigiingniq akhuurutauniaqtuq. Havangniq ilauniaqtut tamaita aktilaangit havagviit uvalu kavamatkut, ukualu nunallaat uvalu Inuit tigumidjutiqaqtut.

Piliuliqtugut upalugaiyaunmik angiyunik pijutauyunik uqatiaqhimayumiklu qanurinikhaanik naunaiyatiaqhimayunik qanuriliniginik. Tamna upalungairutikhaq ihivriuqtauniaqtun uuktuutikharnik ihivriugianganik iniqtirutikharnik ayungnautigiyainiklu hanaqidjutikharnik kiudjutikharnik, pigiaqagumiklu, tamna havakvik nuutirniaqtuq piumaluaqtainik kiuyaangat allanguqtirutikharnik.

Amigaitilaangit

Quullivut hivulliutijakhat havaktikhaqhiurnikkut havaktinik ihariagijaujun hapumminikkut nutaqqaptiknik. Inulirijikkut havaqatiginiaqtait havagviit Kiinaujaliqijikkut Havaktuliqijillu naunaiqhilutik nutaanik havaakhanik ikajuutikhanik pitqujauhimajut imaalu havaktikhanigianginni qilamiurnikkut ihariagijaujunik havaakhanik.

Tamaita havaktut kangirhiyakhait naunaitkutangit aulapkaiyaptiknik. Inulirijikkut nutaanguqtiliqtait Atuqpagait Maliktakhallu Makpiraangit imaalu tunihiniaqtut havaktinut kangiqhipkaidjutikhainnik nutannguqtiqhimajut makpiraat.

Ikayuqtaublutik Havaktuliqiyit, havagviup havangniaqtait ihuaqhaqhimayut atugahat ilihaidjutighat nutaanun havaktinun tunihilutiklu aulahimaaqtumik ayuittiaqnikkut pivallianiq tamainun havaktinun. Havagviit pihimaniaqtut aulahimaaqtumik havauhighanik iliharnirmun, ayuqiqtuqnikkut uvalu munaqhinikkut munaqhiyut.

Havakviuyuq ihuaqhafaariagani Qatangutiriinut Inuuhiqatiaqnikhamik Havakviuyuq naunaiqlugilu uqaqatiriiknigilu ilaunigit havaangilu Nunalaani Ikayuuhialiqiyinilu Havaktut (CSSWs), Ilagiiktunut Ihuaqutinik Havaktinik, tiliuqtiuyut, ataniuyut, aulapkaiyitlu.

Havaktit qayangnairutiqaqtukhat. Tamatkiumayuq havaatigut aaniqtailinikkut uvalu qayangnautikkut hanaqidjutit havaktauniaqtut uvalu atuliqtitaulutik, uvalu munagidjutikkut kiudjutinik havaktunun ihagiagiyait qilamik. Una ilauniaqtuq pivalliadjutikharnik havagvingmi ningahungnikkut atugakhaq, hanaqidjutikharnik katitigianganik munagiyaangatlu havaanganik inuuhirinikkut qayangnairutikharniklu hanaqidjutikharnik ilitugidjutikharnik.

Inulirijikkut naunairniaqtait ihuarningit kivgaqtuidjutikhangit ihuaqtumik atuqtauvakhimajut aullaranginaqtumik imaalu atulirnikhanut aallatqiiktunik naunaijautikhanik aktilakhainniklu takuuqhiqtaujukhanik, maniliurutikhanik havaktaujukhanik, aulapkaidjutikhanut maliktakhanik, imaalu ahianit avikturnianni inungnut.

Nunallaani Inuliqijit Havaktiit

Tamna havakvinga nakuutqiamik ilitariniaqtaa atuliqtitaugiamilu havaangit ikajuuhialiqijiit.

Inulirijikkut hanaqiniaqtut havaakhatigut naunaijautikhanik naunaittumik hivulliujut havaktit havaarijakhait ihuaqtunik titiqqanik naunaittumik ihumagijakhat ilijaujanginni ilagiiktunut inuuhiringnaqtumik.

Inulirijikkut havaqatiginiaqtait Munaqhiliqijitkut hakugikhijuummirlugit turarvikhat akungangni CSSW-kut ukuallu Munaqhiliqijitkuni havaktingit nunallaani tamainni Nunavunmi.

Katulaak aituqtauvakhimayuq uvani tatqikhiunmi ikayugianganik Inulirijikkut aulatitiyaangat pivalliadjutikharnik nanminiqaqtunik hanaqidjutikharnik angikliyumirutikharnik qimaavikharnik maniktaqvikharnik, angikliyumirutikharnik Ilagiiktunut Ihuaqutinik Havakt havaanganik, amigairjumirnahuaqlutik CSSW-kut havaanganik piiyagianganik avaliitunik havaktunik nunalaangit, angikliyumiqtitiyaangatlu Ikayuktikhailiuqtunik Kivgaktiuyut Havaktiit aihinin nunaptingni ikayuktikhailiuqtunik.

Tamna havakvinga piliurniaqtuq piumalirutikhanik titiqqanik CSSW-kunnut ihumagiyauyukhat ilaliutiniaqtuq sainiriami akiliuhiarutait unalu pihimahimmaarniq akiliuhiarutait.

Tamna havakvinga havaqatigihimmaaqniaqtait Havaktuliriyiitkunnit unalu havaktukhaqhiuqtut havakvinga piliuriami havaktiliriamilu ilauqatigiiktumik CSSW-kut ihumaginiaqtait qilaminnuaq havaktittiniq ayuittiaqtunik uuktuqtut ukunuuna havaktuq qanuriliurutingit maliktait havaktuqmut maligangit.

Inirnikhaat

Inulirijikkut havaqatiginiaqtait Kavamaliqiyitkut ukuallu Pitquhiliqiyitkut ilaupkarlugit Inirnikhat havaqatigilugit nutaqqat inulrammiillu havaktilugit Inirnikhat uqaudjijit havaqatigilugit ukuat CSSW-kut ukuallu Ilagiiktunut Ihuaqutinik Havaktit nunallaani.

Titirqiqinikkut Ilagiit

Inulirijikkut aullaqtitiniaqtut tuhapkaidjutikhanik akhuuqhaidjutikhanik ikajuutikhainnik amigaitilanginnik munaqtiujunut ilagiiktut Nunavunmi. Tamna havakvinga ajuiqharniaqtuq tiguyauyunut ilagiiktunut naunairiamilu ikayuutikhat ittut nakuuyumik qanurittaakhaanik. Havagvik ihivriungniaqtait tadja munaqtiujun ilagiiktuni ikajuutikkut akitutilaanginnik ihumaliuriami maniliqtuutikhaq ihuaqqat.

Nunavunmi Ilihariaqpaallirvik Inuuhilqiyitkut Ikayuutikhat Ilihaqtakhat

Inulirijikkut katimaqatigiyait Nunavunmi Ilihariaqpaallirvik havaktingit ihivriuqhilutik qanuqtut ikajuutikhanik havaktikhaqhiurnikkut imaalu amigaigjuumilugit iliharviinni imaalu qaritaujakkut ilihaqtitidjutikhanik atuqtakhanik Ilitagidjutiqaqtunun talvuuna ilihainikkut Inuuhiliqinikkut Ilihairutikhangit unalu Inuuhilqiyitkut Ikayuutikhainik Iliharvikhat.

Inulirijikkut havaqatiginiaqtait kavamatkut havaqatigiiktut qiniqhialutik pingahuanit maniliqtuutikhanik ikajuutikhanik aullaranginnaqtumik ilihautikhainnik pivalliadjutikhanik imaalu ilihaudjilutik ilihaqpaalirviit Ilagiiktunut Ihuaqutinik Havakti Pinahuaruti. 

Inulirijikkut havaqatigijait Havaktuliqijitkut uqautigilugit atulirnikhanut ikajuqtiujut ilihautikhait, ajuiqhaqtut, imaalu nukaqhiit inuuhiliqiyitkut havaktit havaakhat ilihaqtut atiliuqhimajut uumani inuuhilqiyitkut havaktit ilihaqtakhait. Inulirijikkut havaqatiginiaqtait Havaktuliqijitkut ihumagilugit ajuiqharvikhangit atulirlugit naunaiqtauhimajut havaakhat pinahuaruti Nunavunmi Inuinnait ilihaqtamingnik iniqtiqtut. 

Havaktinut Iglukhat

Inulirijikkut havaqatiginiaqtait Havaktuliqijitkut naunaiqhilutik CSSW-kut ihariagijaukpiaktut havaktikhat hivulliutijakhat ihumagijakhangit havaktit iglukhait. Inulirijikkut havaqatigihimaarniaqtait Havaktuliqijitkut ukuallu Nunavunmi Igluliqijiirjuatkut qiniqhialutik qanuqtut tunihidjutikhanik havaktit iglukhainnik CSSW-kunut ukuallu Ilagiiktunut Ihuaqutinik Havaktit.

Havagviup Najugaa

Havagviat Inulirijikkut havaqatigihimaarniaqtait Nunalingni Kavamatkunillu Pivikhaqautikkut naunaiqhilutik tamainnik havagvikhanik najugakhanik CSSW-kunut ukuallu Ilagiiktunut Ihuaqutinik Havaktit.

Qaritauyakuurutit

Inulirijikkut havaqatigijait Nunalingni Kavamatkunillu Pivikhaqautikkut qaritaujakkuurutikhanik atulirlugillu Ilagiinut Inuuhiringnaqtumik Ilaliutihimajut Naunaitkutikhat Atuqtakhat atuqhugit Matrix qaritaujakkurutit. Una pivallianiaqtuq aanniaqtunik munagidjutikharnik hanaqidjutikharnik pigiaqaqtun tamainin nunalaanin avatingni Nunavunmi ikayuutikharnik nutaqqanun ilaqaqtuniklu.”

###

Tuhaqtipkainikkut Uqarvigijaqhaq:

Beth Brown    
Tuhaqtipkaidjutiqhanut Titiraqtia
Havagvia Hivuliqtip P.J. Akeeagok
867-975-5059
bbrown6@gov.nu.ca