Havaktingit

You are here

Ubluirvia 3 Nunakyuami Ublua Inungnut Ayuqhautiqaqtunut

Tissaipa 01, 2015

Inungnut Tuhaqtidjutikhaq 

Ubluirvia 3 Nunakyuami Ublua Inungnut Ayuqhautiqaqtunut 

Ubluirvia 3 Nunakyuami Ublua Inungnut Ayuqhautiqaqtunut. Katimaqatigilugit Nunavunmi Ayuqhautiqaqtunut Makinnasuaqtiit Katimayiit, Inclusion Café Inulirijikkullu qitiqqauyakpat 1-mut ubluumaat, utaqqiviani talvani Igluvut Building (#922), akiittumik kaapituriami, tiituklutik igauyakhimayuniklu nirilutik. 

Naunaiklugu ublua, inuit inuuhiqaqtut ingutaariami ayuqhautiqaqhutik, maniliuyuittullu havagviit ikayuqpaktunut inungnik inuuhiqaqtut ingutaariami ayuqhautiqaqhutik, uuktuquyauyut taaffumunga Nunavunmi Ihuaqhaidjutikhanut Aittuuhiakhaq. 

Aittuuhiakhaq akiliutikhaa havaakhauyanut, tamayanut havaktauvaktanullu ihuaqhiutivaktunut ihuaqhiutivlutik inuuhiudjutikhamut inungnut ingutaariami ayuqhautiqaqtunut nunaptingni. 

Angiqtauyut uuktuqtut atuqatigiikniaqtaat $20,000 ikayuutigilugu piumayainut Nunavunmiutanit. Kangaraaluk, aittuutaat atuqpagaluangit ikhivautanut kaipluarutinut ukuningalu kiviktautikhanut, iglunut nutaanguqtirutikhanut ihuaqhivlugit ayuqhautiqaqtut atuqtakhainut, ayuiqhaidjutinut ilihaidjutikhanullu, ikayuutikhat havaktauyanut ukuallu iglumingni munariyauyakhanut, nunallaamilu havaakhauyut inungnut inuuhiqaqtunut ayuqhautiqaqhutik. 

Umikvighaa uukturiami uumani Ubluqtuhinirmun Aullaqtirvia 15, 2016. Naunairumagungni uuktuutikhanullu titiqqanut, uqaqvigilugit Nunavunmi Ayuqhautiqaqtunut Makinnasuaqtiit Katimayiit talvunga 867-979-2228 uumungaluunniit contact@nuability.ca

###

Tuhaqtidjutinut Uqaqvikhaq: 

Jade Owen 
Tuhagakhanut Ayuittiaqhimayuq 
Inulirijikkut 
867-975-5207
jowen@gov.nu.ca