Havaktingit

You are here

Uuktulirit tatja uvani January 2018mi pivikhaanun uumani G.R.E.A.T. pinahuarutimi

Aktuupa 30, 2017

Inungnun Tuhaqtitauyukhaq

Uuktulirit tatja uvani January 2018mi pivikhaanun uumani G.R.E.A.T. pinahuarutimi

Pivalliayuummiqtirumavit ayuirhimayakhanik ikayuutikhat havaliriarni?

Una "Upalungaiyarniq Havalirnirnun Ayuirharnirnunlu", unaluunniit G.R.E.A.T Pinahuaruti, hailihimaniaqtuq Ausuittumi, Qausuittumi, Tikirarjuami, Taloyoami, Arviani Naujaanmilu talvannga January 15-min April 20-mun, 2018.

Una 14-nik-havainirnik piqaqtuq pinahuaruti tunivaktuq ayuirharnirnik pihimayauhimayukhanik ayuirhimanirnik, qaritauyaliqinikkut, inmigut qanuriliuqtaarnikkut naunaitkutinik pivallialiurnirnik havaatigullu havaktaarnirnik. Malruuknik-havainirnik, ikayuqtauyumik havaknirnik ilauyuq.

Inuit ilauvaktut uumani pinahuarutimi imailiurniaqtut:

  • Pivallialiurluni imaalu/imaaluunniit pimmarigharlugit ayuirhimanirnik ihariagiyauyut havagiami.
  • Ihumagilugit inmigut havaakkullu turaangayakhat, naunaiyaqlugillu ayuirharnikkut havaakkullu uuktuqvikhat.
  • Piliurluni uplumiutamik havaakhaqhiutjutimik naunaitkutimiklu titiraqhimayumik, ayuirhaqlunilu havaakhaqhiuqnikkut uqaqatigiiknikkut ayuiqtakhanik.
  • Iliharyuummirluni havaakhani uuktuqvikhanik Nunavunmi.

Ikayuuhiaqtaqpakkuvit nunaqaqhutit naliinni hapkunani nunallaani uukturumayutillu pinahuarutimun, uqaqatigittaaqtat nunallaarni ikayuuhiaqtiliqiyi ilitturiyuummirutikhanik. Pinahuarutimi ilauyut ilihariaraanginnaqtut tuniyauniaqtut upautinikkut ikayuutimik.

Aallanik ilitturipkaitjutikhanik, uqaqatigilugu Karyn Vanden Boomen uvani 867-975-5244 uvaniluunniit KVBoomen@gov.nu.ca.

###

Tuhaumapkainikkut Uqaqatigivikhaq:

Jade Owen
Tuhaumapkainikkut Ayuittuq
Qatan’ngutiliqiyitkut Havakvia
867-975-5207
JOwen@gov.nu.ca