Aanniarviliaknahuaqtunut Tingmitjutikhat

Qikiktaani Tingmitikkut Aanniaiviliaqtunut Havakvik:
Akiittuq: 1-866-371-3305

Kivalliq Avikturniani:
Akiittuq: 1-844-886-8020
Hivayautaa:1-867-645-4336

Kitikmeot Avikturniani:
Akiittuq: 1-844-886-8010
Hivayautaa:1-867-983-4506, unaluniit 1-867-983-5196 havaguirnaqhikpat.

 

Una Aaniaqtailinirnut Munaqhiliqiyiit Ikayuutilgit aaniarviliaqtunut tingmidjutikhainit ikayuuhiat ikayuriangani nalaumayumik aaniarviliarnigut ikayuutikhainit piqanngitpat nunaptingnit.

Taakti munaqhi, kiguhiqiyi, aaniarvingmi qauyihaiyut uqarnirumik aullaqtukhautauvlutit aaniarvilirlutit, angiqtauyungnaqhivlutit aaniarviliaqtunut tingmidjutikhagut ikayuutit.

Aaniarviliaqtunut tingmidjutikhagut ikayuutit ikayuutilgit nunallaami ahiittut ilingnit.

 

Angiqtauhimaningiit

Nunavunmiut ikayuqtaulaittut ikayuuhianit aahiit manikhaqtautitigut aturvigiyumagungni haffumingat aaniarviliarnikkut tingmidjutikhagut ikayuuhianit haffumingat Nunavut Gavamangit. Angiqtaugiangani haffumingat aaniarviliqinigut ikayuuhiat, atiliurtauyukhagialik ukuningat Nunavunmi Aaniaqtailinirnut Parnautikhainit maliktaugiaqaqhutit haffumingat:

• Aaniarutigut ikayuqtut ilitturiryuangani nunaptingnit angiqtaugiaqaqtaatit aaniarviliarnigut hilataani nunaptingnit. Hamna piyukhauvluni aullarnahuartinnatit.
• Una Aaniarviliqiniq qilamiurtumik takuiyakhauvluni piyumagiakpat aullarnahuaraikpat qanuq pigialik.
• Atuqtaariartukhauvluni ahiagut ikayuutit havaktivit nalliukumaatigut atuqtakhainit parnautiqanngitkuvit.

 

Akiliqtuiniq Aaniarviliartunut Tingmidjutikhait

Pingahunik piliriakhautaqarniqhuni ikayuutikhanut akikhangit aaniarviliaqtunut tingmidjutikhainit:

Nunavut Aaniaqtailinirnut Parnautikhaq (NHCP) ikayulaaqhutik ikittumik aaniarviliaqhimayumi tingmidjutikhat ikayuutit angiqtauyariiqata nunaqatigiiktunut.

Nalliukumaaqanngittunut Aaniaqtailinirnut Ikayuutit (NIHB) ilaliutilaaqhutik aaniarviliaqhimayumi tingmidjutikhainit Nunavut Nunataaqatauyumut.

Aturaaqhimayumik Aaniaqtailinirnut Ikayuutit (EHB) ikayulaaqhutik aaniarviliaqtunut tingmidjutikhainit ikayuutit parnauqahiutikhainit akikhangit ikayuqtauhimanngittut haffumingat Nunavut Aaniaqtailinirnut Parnautikhanut ikayuutauvlutik atuqtaaqhimayatit nalliukumaatigut ikayuutit uumingatut NIHB unalu havaktiit ikayuutit.

Aaniaqtailinirnut tingmidjutikhat akikhangit akiliqtaulaaqhutik haffumingat Havaktiita Attarnaqtuqarnigut Ikayuutikhat Katudjiqatigiit (WSCC), havaktivit aaniaqtailinikkut ikayuutit ahiit nalliukumaat piliriakhait.

 

Pulaaqhimayut Nunavunmut

Angiqtauhimanniruvit aaniarviliarnigut tingmidjutikhait ukuuna Nunavut Gavamani nalliukumaat piliriakhait, hivuani Nunavunmi nunaqaqtukhauvlutit atiliurtauhimayumi uvani Nunavut Aaniaqtailinirnut Parnautikhanit.

Nunavunmiutaunngitkuvit aaniarviliaqtukhautauvlutit uvani itkuvit nunallaami, kiuyauyukhauvlutit tamainnit aaniarviliarnigut akikhangit.

HSS aulapkailaaginnaqhutik aaniarviliartut tingmidjutikhait pulaaqhimainnaqtunut tuavirnaqtukkut tingmiyunut tingmidjutikhait munaqhiqarvingmut aaniarvingmulluniit.

Pulaaqhimayut tuavirnatukkuurumik akikhaat turaaqtitauniaqhutik tamaat akikhangit tingmiyunut.

Tingmidjutikhagut ikayuutit ikayuqtaulaittut pulaaqhimayunut aimavingnut. Inminik tingmidjutikhatit pigiaqaqtatit utiffaarumaguvit nunallaanut pulaaqhimayatit.

Aaniaqtailinirnut Munaqhiliqiyiit Pilirivvit kiutquiyut ilingnit niuviqhimalutit tingmidjutigut nalliukumaanit pulaarnahuartinnatit Nunavunmut. Aaniaqtailinirnut Nunavunmi akituvallaarmata. Upalungaiqhimayauyukhauyutit tuavirnaqtumik.

 

Atadjutaa uvunga :

Nunataarunmut Nunataaqatauyunut 

Nunataaqatauhimaqanngittunut

Ikayuqtit

Qilamiurtumik Tingmiyut Aaniarviliaqtunut

Upalungaiyarniq Aanniarviliariami

Maliganut Atugakhanullu

Iluvirhidjutikhamut Qulaangnaiyautit Akiit