Akuniraalukmi Munariyauyukhanut nayugangat Kangirliniq

Nutaaq Akuniraalukmi Munariyauyukhanut nayugangat Kangirliniqmi

Munarhiliriyiitkut unalu Nunalingni Kavamatkunnilu Pivikhaqautikkut (CGS) quviahuktut uqariamikni nutaaq igluqpak angikliyuumiliqtumut munarihimmaaqtauyukhanik ikayuutikhat: ihumaliurninnga qanurittukhamiklu piliuqtakhamik piliqtait nutaamut, 24nik igliqaqtukhaq akuniraalukmi munariyauyukhanut nayugangat Kangirliniqmi. 2014mi, Munarhiliriyiitkut aullaqtitait ihariaginiqmut naunaiyainiq of akuniraalukmi munariniq (LTC) in Nunavut. Tamna ihariaginiqmut naunaiyainiq ihumagilluaqtait uumunnga LTC inirniriinut pihulinaiqtunut ihumamitigulluuniit ayurhautilgit aaniarutilgilluuniit, unaungittuq ihumamitigut
aaniarutilgit imilaiyaivikluuniit. 

Tamna ihariaginiqmut naunaiyainiq naunaiqtait munarihimmaarninnga Nunavunmi iliqtuq aktikkulaanganit pingitaalu ihariaginiqmut Nunavunmiunut. Nunavummiut piqpagiyait aaqualiqtut inutqualiqtut ilamiknik piqaqtut ayurnaqtumik ihariaginiqmut, aaniaqaqtunut, timimitigulluuniit ayurhautilgit, pittaaqpiarumik ilaani inugiakpallaaqtumi iglumini. Iglumini munariyauyuq ikayuqtauyuq tuniyauvaktuq pittaarumi; kihimi, munariniq havaanga akuniraalukniaqtuq ihariagiqpiaqtaulunilu. Munariyaulimairumi iglumini, tamna inuk naunaiyaqtauniaqtuq utaqqiluni munariyaugiami Nunavunmi ahinilluuniit. 

Kivalliq ihariagiqpiaqtut nutaamik akuniraalukmik munariyaugiamiknik iglikhamiknik. Tamna igluqpak tamaitalu ihariagininngit ihumagittiaqtauyukhaq kiudjutauyukhaqlu pitquhinganut, ilumuurutingit, qangaraaluknitangit, ilitquhingillu Nunavunmiunut pilluaqtauyuq, Inuinnainnullu. Uuktuutigiyauyuqlu tuniyuq inutquanguqtukhaq aaquanguqtukhaq talvani nakuuyumi igluqpakmi. Ihumagiyauyuq tamna igluqpak piliurninnga pipkaidjutauyuq hakugiktumik inminik ihumagiami nakuuyuq. Pitquhinga tamarmik ilitariyauyukhaq quviahuutigiyauyukhaq iluanit timinganik unalu hulilukaarutinga ubluq tamaat. Una pittaaqtuq, una uuktuutigillaklugu, through pitqhuninga hulilukaarutingit, tunirhaininnga niqainnaqnik. 

Ihumaliuqtauyuq tamna nutaaq igluqpak tikkuaqtauniaqtuq tunigiami tamarmik Naunaitkutaqqaqtumi 2 uumanilu Naunaitkutaqqaqtumi 3 ikayuqtauyuq iglumi unalu Naunaitkutaqqaqtumi 4 unalu/unaluuniit Naunaitkutaqqaqtumi 5 munariyuq tahapkununnga inungnut ayurhatqilluaqtut ihariaginiqmut, ukunatitut
ilihimalimaiqhuni, uqariamilu, taimaa pinahuarutinga tunirhaininnga pilirumi. (Takulugu piksanga) Tamna ilihhimalimaiqhuni aturninnga aadlangayuq inukmit inungmut, tikinnahuarutinga tunigiami ihuaqtumik ikayuutikhamik munariniqmiklu ukunuuna aturninnganut uumani igluqpakmi, taimaa pinahuarut pilirumi. Ilangit munaqtiuyullu munariniaqtait ilauplutik hulilukaarutingit ubluq tamaat inuuhingit talvani ittunut pittaarumi. Munariyauyup ilangit qaitquyauyut ilaulutik ilaminik munarininnganut. 

Tamna nutaaq Akuniraalukmi Munariyauyukhanut nayugangat naunaiqtaa Munarhiliriyiitkut uqariiyaqtaminik tunigiami quulitqiamik munariniq Nunavunmiunut ihariagiyut ikayurhimmaaqniq iglumini, ikayuutautimik iglumiutaqaqtakhanganik unaluuniit 24nik ikaarninik 7nik ublunik munarhiliqiniq ikayuqtauyukhaqluuniit. Qanurittunik munariniqmik piyullu igluqpaup qanurittukhamiklu piliuqtakhamik akhuraaluk aadlanguqtuq taimaa 20nik ukiunik.

Amihuni nunani, akuniraalukmi munariniq nuuttut taimaittumut akhuraaluk nayuqtunutihumagilluaqtait inungmulluuniit-pilluarhimayuq aihimavingatut ittuq munarhitkunniingittutut ittumik aaniarvikniingittumikluuniit ittumik. 

Qanurittukhamiklu piliuqtakhamik Naunaitkutaq