Tingmiani Fluu aanniarutit itqaumajakhat

Kavamatkunnin Aanniaqtailinikkut Tuhaqtitaujukhat
Tingmiani Fluu aanniarutit itqaumajakhat

Hivumuuqtirluta alappaarnailiqtumi, Munaqhiliqijitkut puiguqungitait Nunavunmiutat uuminga avian aanniarut. Ublumimun, piqaqhimajuq ikittunik nampanik aanniarutimun tamaat ukiuqtaqtumi Kanatami naunaijautigivlugu hiuraani avikturniinni. Amihut pidjutin takuniarungnaqhijait tingmiat ingilrlirmata ukiuqtaqtumun upin’ngaavigilugu.

Avian influenza unaluuniin tingmiat fluurutaa hiamitiqtuq aanniarut anginirhakkut aanniarutiniktaarutaa tingmiat paqitaujullu pamiqhaanunlu ilaujut, kupanuaqjuit, naujat, hinaanirmiutat kupanuat, ihungat,tingmiat, uluarguliit qugjuillu. Naunaijautait tapkua tingmiat piqarungnaqhijut aanniarutaanik avian influenza ilaujut:

• Nutqangalimaiqhuni.
• Hajuinaliqhuni naluqhaqtutut ilibluni.
• Puviniqaqhuni niaquani, qunguhiniani iinginilu.
• Itiktaliqhuni qilamik tuqubluni.

Amigaitut tuquhimajut tingmiat atauhirmik najugaqaqtut naunaijaidjutait aanniarut aanniarutauliqtuq.

Qajangnautaa avian influenza aanniarutaa inungnun ihumagijaujuq mikijuq. Takunaqtuqangituq ihumaginirmun tamna avian influenza aanniarutaa hiamitiqtuq inungnun nirinirmun uuhimajumik tingmianik maniinikluuniin. Tamainun, inuit aanniarutait avian influenzamik aanniarutaujut imaa qanitukkut, hivitujumik aktungnirmun aanniarutiqaqtumun uumajumun tuqungajumunluuniin tingmiat halumailruqaqtunin avatiini.

Amigaitut Nunavummiut angunialukaaqtut ukpingaarmi tingmianik maniktaqhutiklu, aghuungnaqtuq ililugit qajangnautit pijaujughat kikliqariangani hiamitirnira aanniarutip mighijuumiriangani qajangnautit inungnun. Niqighanun qajangnautainun pitqujaujut anguniaqtunun ukualu aalat tingmialiqijut mighijuumiriangani qajangnautit aanniarutainun ukualu hiamitirniaqtunun aanniarut ilaujuq:

• Atimalutik algaanik.
• Uarlugit algatit irmiumik imarmunlu.
• Halumarlugin halumaiqhimajut aannuraat tamajallu qilamik.

Maligahat nakuutqiatigut aturiami mighijuumirutighat qajangnautait inungnun havaktauhimajut hapffumanga Inungnun Aanniaqtailinirmun Timianin Kanadap (PHAC) ukualu Kavamatkut Nunavunmi pijaaqtut uvani.

Takuguvin ihuittumik tuqujunik aanniartunikluuniin tingmiani, uqarvigilugin nunangni an’nguhiqijit havagvianun. Aannialiruvin tingmialiqihimagavin, uqarvigilugin nunangni munaqhiqarvingmun. Kangiqhitiarumaguvin, takulugu Kavamatkut Kanadami qaritaujaliqiviani.

###

Tuhaqtipkainikkut Uqaqvigijaqhaq:

Pierre Essoh  
Tuhaqtipkainikkut Ajuittiaqhimajuq
Munaqhiliqijitkut
867-975-5712
Pessoh@gov.nu.ca