Havaktingit
LogoHome

You are here

Nanngariyauyuq Paul Quassa

Hivuliqti Nunavut

Hivuliqti Paul Quassa niguaqtauyuq havaqatiminin uvani tallimaani Maligaliuqviup katimaniani Nunavunmi hivuliqhuqlugu nunavut uvani Hikutirvia 17, 2017. Ukpiqnikkut uqagiiqtuq Nunavunmi hitamauyuq hivuliqti uvani Hikutirvia 21, 2017.

Hivuliqti Quassa niguaqtauhimayuq niguaqtilugit uvani Tttattirnaqhilirvia 28, 2013mi, kivgaqtuqlugit Aggumiut. Niguaqtauhimayuq kivgaqtugiamini Atanguyat Katimayiinun atuqtilugu hitamaanin Maligaliqiniqmi Ministanguqhuni hapkununga Iliniaqtuliqiyiinun, Minista munaqhiyuqlu Nunavunmi Ilihariaqpaalirviknik uvalu Kavamatkut Maligaliuqvikmi Hivuliqtia.

Hivuliqti Quassa tigumihimayuq qaffinik havakviknik atuqtilutu havaani. Atuqtilugu 1980, Mr. Quassa kivgaqtuqtait Tungavik Havaqatigiiktunik Nunavunmi katimadjutigitilugu nunataarutit aivvaqatigiigutit Hapkualu Kavamatkut Kanatami. Una katimadjutauyuq ingilgaanguqtuq 1993mi atiliuqnia haffuma Nunavut Nunataarnikkut Angiqatigiigutimi. Hivuliqtit Quassa ilauyuq atiliuqtuq haffumunga angigutmun havaagiblugu Aivaqatiuyilluaq uvalu Angiyuqaangubluni hapkununga Tungavik Havaqatigiiktunik Nunavunmi, kitut qanganuaq atigiliqtaat Nunavut Tunngavik Incorporated (NTI).

Hivuliqti Quassa kivgaqtuqtuq Angayuqaangunikkut hapkununga NTItkunun hamanga 2000-2002 uvalu kivgaqtuqhugit Qikiqtaani Inuit Katimayiit katimadjutautilugu Inuinnait Aktuqtaugiakhanginnut Ikayuuhigianginnut Angiqatigiigut hapkuatlu uyagaghiuqtit havakvikyangit pidjutigiblugu Mary Rivermi havaktauyuq. Maayavakhunilu Igloolikmi uvalu Angiyuqaaq hapkununga Nunavumi Katimayit Hamliuyunit.

Hivuliqtit Quassa havaatigut havaktait ilauyut angayughiunikkut havaangit hapkunani Inuit Nalautikuqtitiyit Kuapariisiuyuq, Igloolik Isuma Productionskuni, Nunavumi Qungiakhaliuqtit Kuapariisiuyuq, CBC Northkuni uvalu Ajjiit Tuhaqtinikkut Katimayiit. Niguaqtautinani hapkununga Maligaliqivikmun, Mr, Quassa kivgaqtuquq ighivautaqaqhuni hapkunani Nunavunmi Upalungaiyaiyiiyut Kamisinangit, Havakvik hapkunani Inungnun Kavamat havaktauhimayuq ataani haffuma Nunavut Nunataarnikkut Angiqatigiigutimi.  Mr. Quassa kivgaqtuqhunilu hapkunani aulapkaiyinun hapkununga Nunavunmi Nanminiqaqtut Atukkirviit Kuapuliisitkut uvalu Nunavunmi Auladjutighait Ilihaqnikkut Katimayiit.

Hivuliqti Quassa uvalu aipani Elisapee nutagaqaqtuk siksinik uvalu tualunik ingutanik. Mr. Quassa inmi piumayait ilauyut anguniaqniq, iqalughiuqniq uvalu atuqtuuyanik.