Havaktingit

You are here

Havakviuyut Havakvingmi Havaktuliqiyitkutni


Katimayiuyut Tukimuaqtiuyunik

Katimayiuyut Tukimuaqtiuyunik tunihimaaqtun tamaat munagidjutikharnik hivuliqtikharniklu havakvingmun havaangit nayugainik ilauyut, auladjutikharnik, hanaqidjutikhat upalungiarutikharnik, Inuit havaktukharnik upalungairutikharnik, atugakharnik ihivriudjutikharnik pivalliadjutikharniklu, tuhaqtitiyukharnik, maniingnik munagidjutikharnik, maniit atuqtauyukharnik pivalliadjutingnik munagidjutikharniklu, havaanganik ikayuutikharnik, unalu havaktuliqiyitkut pivalliadjutikharnik naunaiyaiyaangat upautiumayainik, hivunikhat, piumaluaqtaingitlu havakvingmi kavamanmilu iniqtigiaqaqtainik. Una ilauyuq nanminikharnik qanuriliuqtukharnik havaktimik, kia havaagiyaa piyaangat qiniqhiayaangatlu qanuriliuqtauvakhimayunik ihuinaaqtunik havaktunik ikayuktiuyunik, ihumaliulutiklu atuqtakharnik ilitugipkaktauhimayuq ihuinaaqhimayuq. Katimayiuyut Tukimuaqtiuyunik naunaiyaiyukhaq Inuit Hivuliqtigiyait Upigiyaingitlu tautuminaqtun tamaat havaktangitni talvani havaktuliqiyitkut havaaqharnik ikayuutikharniklu.
 

Atugakhangit, Upalungaiyainiq Tuhagakhanut

Atugakhangit, Upalungaiyainiq Tuhagakhanut tutqikhaihimayut atugakharni malikhautikharnik pivalliadjutikharnik, hanaqidjutikharniklu upalungairutikharnik, nanminiqaqtun upalungairutikharnik, tuhaqtitiyaangatlu atuqtangitnik talvani havakvingmi. Atugakhangit, Upalungaiyainiq Tuhagakhanut hivuliqtiginiaqtaingitlu pivalliadjutikharnik ministangit naitunik uqaqtakhainik, tutqikhaiyukhaq havakvingni kiudjutikharnik Piyaangat Naunairutikharnik Munagidjutiqaqtuniklu Hiamitiqtukhaungitunik Maligaq (ATIPP) tukhiqtauhimayunik, hivuliqtiuyutlu havakvium Inuit Hviuliqtikhangit Upigiyaingitlu hanaqidjutikhangitni.
 

Sivumuaqatigiit

Una Sivumuaqatigiit Havakvia munaqhiyut tunihilutik havaktuliqiyiit upalungaiyautainik uvalu atugakhanik pinahuagutinik tugaaqhimayut amigaiqyuumilugit uvalu pihimalugit Inuit havaanikkut hapkunani Nunavut Kavamatkuni. Sivumuaqatigiit tunihimaaqtun ikayuutikharnik ikayuktukharniklu havakvingnun aulatitiyaangat piutigyaingit Inuit havaktukharnik upalungairutikharnik talvuuna uqaqhimaaqatigilutik, aituiyaangat ayuiqhautikharnik hanaqidjutikharnik taimaitutun Sivuliqtiksat Havakhimaaqhutik Ilihairutikhaq. Sivumuaqatigiit havakhimaarniaqtait pivalliadjutikharnik auladjutikharniklu nutaanik ayuirhaidjutikhanik piliulluaqhimayut Inuinnainnut havaktunut.
 

Inungnun Ikayuktiuyut Ayuiqhautikharnik

Tamna Nunalaani Havaktiuyut Ayuiqhautikhangit havakviat munagiyakhait tuniyaangat ikayuutikharnik ikayugianganik havakvingnun talvani ayuiqhautikharnik pivalliadjutikharnik havaktigiyainun. Nunalaani Havaktunik Ayuiqhautikharnik munagidjutiqaqtuq hivuliqtikharnik tutqikhaiyaangatlu hanaqidjutikharnik ikayuutikharnik taima kavamangit nuutiqhimayunik atuqtakhait, aituihimaaqtukharnik ayuiqhautikharnik ilihairutingnik avatingni nunaptingni.
 

Havaktittiliriniq

Havaktittiliriniq havagiaqaqtuq ihuaqtumik havaqatigiigumik kavamangit havakviingit pivalliayaangat auladjutikharnik havaktukhahiurnikkut hanaqidjutikharnik ilituqhaiyaangat havaktunik pidjutikharnik, talvuunaluaq iniqtigiyaangat kavamangit Inuit havaktukharnik piumaluaqtainik. Havaktukhahiurniq pivalliayaangat atugakharnik maliktakharniklu ikayugianganik havaktukharnik havaktauyukhat munagidjutikharnik qitqaniitunik havaktuliqiyiuhimaaqtunik ikayuutikhangit kavamanmi, ilauyut havaktunik nuutiqtukharnik haavaqhangit. Havaktukhahiurniq ilauqaqtuq Avikturvingmi Havaktukhahiuqtunik, munagidjutiqaqtuq pivaliadjutikharnik havaktuliqiyitkut havaaqhangit ikayuutikhangitlu talvani nunalaani aihininlu Iqalungnin. Ikayuutikharnik tunihimaaqtun tapkuninga pingahuuyut avikturvingniitun havakviit talvani Iglulikmi, Kangiqlinirmi, Iqaluktuutiarmilu.
 

Havaktuliqinikkut unalu Havaamut Naunaiyainikkut

Havaktuliqinikkut unalu Havaamut Naunaiyainikkut tunihimaarniaqtun ayuittiagiikhimayunik havaktukharnik auladjutikharnik uqautiukharnik ikayuutikharnik talvunga havakvingmun havakvingnunlu. Havaktuliqinikkut unalu Havaamut Naunaiyainikkut akhurnaqtuq havaaq havakvingmun tuniyaangat kavamangit tamaat havagiaqaqtainik pidjutikharniklu havaktiqagianganik, pihimayaangatlu ihuaqtumiklu havaktiqagianganik havaktukharnik talvani havaktiit aivadjutiliqiyunik hanaqidjutikhaini. Havaktuliqinikkut unalu Havaamut Naunaiyainikkut titiqiqidjutiqaqhimayuqlu havaanganik naunaiyaiyaangat havaktun angirutigiyainik munagiyaangat pitquhiliqinikkut mihingnautiqaqtunik ayungnautiqaqtun ihuaqhaidjutikharnik hanaqidjutikhait tunihimaagiangatlu havakvingmi inuuhirikharnik havaaqhangit pidjutikhainun tamainun havaktunik.

Havaktuliqinikkut unalu Havaamut Naunaiyainikkut tunihimaanginaqtun akhurnaqtunik uqaudjiukharnik ikayuutikharniklu havakvingmun havakviinunlu havaqatigiyaingit havaanganik piqaqtun talvani havaanganiklu ihivriudjutikharnik tamainun ilihaingitunik havaanganik talvani nunalaani havakhimaaqtunik atuqtunik Haymik Havaanganik Ihivriudjutikhangit atugianganik ihuaqtumik naunaitumiklu katitirvikharnik havakhimaatunik talvani kavamatkuni havaktunun. Ikayuutikharnik tuniyauniaqtun havakvingnun havakviangitnun talvuuna havaangit havaktakharnik naunaitkutitigin titiragianganik ayiuqhautikharnik.