You are here
Pittiarahuarnirmut Havakti - Uqaqtakharnik Ihuinaqtuq
Pittiarahuarnirmut Havakti - Uqaqtakharnik Ihuinaqtuq
Maliqayakhatit Uqaqtakharnik ihuinaqtuq talvani kavamatkuni havaktunut atuqtakhaliukhimayut havaktiinut Nunavunmi kavamatkuni havaktunut. Havaktiinut pillahiutait ihuaqtumik havariyamingnik hiammitiqtaulidjutikhanik, pittiarutihainutlu havariyamingnut pittailitikhanik inungnit ihuinnarutinik, nakungittumik uvaluunniit ihuangitumik pidjutainik kavamatkuni havaktit.
Naunaitiakhimayunik ilauttaaktunik ilaulimaittuniklu kitkunik ihumagiyainik havaktiata ukuat Nunavunmi Kavamatkuni Havaktiuyut naniyauttaaktut talvani Schedules A talvanillu B tapfumani Public Service Act.
| Nallukharuvit ilauyakharnik kavamatkuni havakti kina pidjutaungmangata tapkunanga maliruagakhami? uqaqvigilugit Pittiarahuarnirmut Havakti ikayuqtauyumaguvit qanuriliurutikhangnik. |
Qanuqtut uqarniaqqigu ihuinnaqtumik?
Hivulikpaamik
Naunaiqagu tapkuat piqaqnit naamaktumik piqaqniqqat ukpiginianut tapkuat ihuinnaaqtauguvit, hivullikpaamik uuktuqtukhauyutit uqaklugu atannguyanut talvani kavamatkuni havaktinut. Hapkuat ilaullayut:
- Angayukhingmun atannguyat
- Tuklia Ministauyup uvaluunniit tuklinga ministaup
- Tuklia Ministauyup Kiinauyaliqiyikkuni
- Allanut Tuklia Ministauyup ihuarinahugigungni
Uqaqtaktat ihuinnaqtauguvit ahiagutlu ihuinnaaqtaunirmik allanut inungnut naamaktumik piqaqniqqat ukpiginianut taimailiuruvit ihuaqutauniaqtuq qayangnaittumik inuuhirmut, inuuhiringnaqtuqlu qayangnaittumiklu inungmut piqutainutlu avatimutluunniit.
Tuklianik
Qangiqqata 30-nik ublunik uqaqtakharnik ihuinnaqtumik, atannguyanut qanuriliurnahugingitkupkit talvani kavamatkuni havaktingit naunaiyaitquhimakupkit ihuakhaitkuplugillu, uqaqtaktutit nalliinut tamainutluunniit hapkununga inungnut:
- Tuklia Ministauyup uvaluunniit tuklinga ministaup
- Tuklia Ministauyup Kiinauyaliqiyikkuni
- Allanut Tuklia Ministauyup ihuarinahugigungni
- Tamna Pittiarahuarnirmut Havakti
- Paliihimanut maligaliurvingmi havaktinut ihuinnaaqtauguvit
| Uqaqvigilugit Pittiarahuarnirmut Havakti uqaudjiqagumaguvit ikayuqtikhailliuruvitlu. |