Sivumuaqatigiit Ilihaqpaalirnirmut Havaakhait

Kangiqhidjutit

Nunavut Kavamangit (GN) aulatitivakhimayut ayuiqhautikharnik hanaqidjutikharnik Inuinarnik havaktikhanun ikayuutiginiaqtun pivalliayaangat ihuaqtumik havaagumayainik GNkutni, ikayurniaqturlu GNkutni havagviingit piyaangat Inuit havakhimaaqtunik hivunikhangit. Tamangnik ukuat hivunikhangit aulayut pidjutiqaqtun Naunaitkutaani 23mi talvani Nunavunmi Nunaqaqqaqhimayunik Angirutaani, taima piqaqtuq ilaudjutikharnik nunalaani havaktinun Nunavunmi.

Amaaqtaarniq Ilihaidjutit Pinahuagutit

Amaaqtaarniq Ilihaidjutit Pinahuagutit aulatitivakhimayuq hivutunirmik iliharvikyuanganik ilihaigiaqtuffaagiaqhimayunun havaguilakhimayut Nunavunmi Inuit nigiukhimayutlu ihuaqtunik ayuittiarumayainik talvani Nunavut Kavamanmi nalvaaqtauhimangitun talvani aihimaviani havakvingmini.  Tamna havakti aullaqtitinatit uuktuutikharnik, ilauttarunaqhiyutit havaaqaqtumit ayuiqhavikharnik havaakhamik uukturumayarnik, ilitturidjarikhiyarni hunauyakhainik havaarivaktainik. 

Havaatigut Angiklivalialugit Ilihaidjutit

Havaatigut Angiklivalialugit Ilihaidjutit havaktauhimayuq tuniyaangat anginirmik havaaqharnik havaktakhainik ayuiqhautikharnik Nunavunmi Inuinarnik havaktiuyunun.  Tamna ilihairutikhaq pigiaqaqtun ilauyukharnik havagianganik hanigainik ihumagiyainik talvuuna tatqikhiutingnik tualunguyunik iliharniaqtainik ilauyukharnik ilihaqtun pigiaqaqtun pingahunik ilihairutikharnik.  Tamangnik havaakhangit ayuiqhautikhat pidjutiqarniaqtut ilihautikhanut upalungaiyautanut pidjutiqaqtunik ayuiqhayakhainut qauyimayakhainutlu havaktim ayuiqtakhaminik.

Sivuliqtiksat Ayuiqhaqtut Pinahuarutait

Sivuliqtiksat ilihaqpaktut havakhimaaqhuni havagvingni ayuiqhaqtut pinahuarutit havaktauhimajut amigaijuumijaangini Inuit angirutiqaqtun kivraqtuqtut tamangni atan'ngujat-nalliinni havaakhani - (aulapkaijit, ata'nngujaq, atan'ngujarjuangat, kituliqaaklu) - imaalu ajuittiaqhimajuq havaakhat (havaakhaliuqhimajut havagviujumut) Kavamatkuni Nunavunmi.

Talvaniinnaqmi havaami pidjutiliqpaktut atauhirmik pingahunikluunniit ukiunik ilihaudjutiplutik ikayuqtauplutiklu ilihaiyilluavikhaatni havaami, ayuiqhariamilu upalungaiyaidjutiqaqhutik katimayut avaliittumikluuni ilihaividjutiqaqhuni.

Ayuiqhaqnikkut Tingmidjutikkut Mangit

Ayuiqhautikhangit Timiyukharnik Maniktaqvikhangit ihuaqtauvakhimayuq ikayugianganik akikhangit tingmidjutikhangit akikhangit Nunavunmi Inuit havaktunik ilauhimaaqtunik havaktunik aulayut ayuiqhaqhimaaqtunik aihinin aihimaviani nunalaangitni.  Hivunikhanga amigairyumiqtitiyaangat nappangit Inuit havaktiuyut havakhimaagianganik havaanganik aulayut ayuiqhaqhimaaqtunik atautimiitunik ayuiqhaqhimaaqtunik pihimaaqhimatilugit.  Havakvium tukhigumik utiqtitiyukharnik maningnik tingmidjutikhangit akikhaingit uuktuqtunik takupkaiyukhat pigiaqaqtunik atuqtakharnik aulaliqtunik tunilutiklu tautungnaqtunik tingmidjutikhangit akikhangit.

Allanik Ayuiqhautikhaq Inuinarnik Havaktiuyunik

GNkut Ayuiqharniq Tatqiqhiutingit tautuktitihimaaqtun ilauyukharnik ayuiqhautikharnik pidjutikharnik angmaumayut tamangnun havaktiuyunun.

Atuqhimaaqtukharnik ilautquyauhimayuq havagvingmin, tamna Atanguyakhauliqtunun Ilihairutikhangit talvani Hivulliqtiuyukhanik Hivuliqtikhanut Pivalliadjutikhanik Ilihautikhani uvanilu Atugakharnik Tunngavikhangit Ilihairutikhangit uvani Atugakhat Pivaliadjutikhaitigut Ilihaidjutit tapkuanginarnun uuktugiaqaqtun Nunavunmi Inuinait GNkutni havaktiuyunun.

Gnkutni havagviangit kuapuraisingitlu aituihimaaqtun ilauyukharnik havagvingmi ayuiqhautikharnik havaktitiyukharnik ilihairutikhangit Inuinarnik havaktiuyunun naunaiyagiikhimayut talvani Inuinnarnik Havaktitaulirnikkut Upalungaiyautingni.