Havaktingit

You are here

Ayuiqhautikhaq Inuinarnik Havaktiuyunik

Sivumuaqatigiit Ayuiqhautikhaq Hanaqidjutikhangit Inuinarnik Havaktiuyunik

Kangiqhidjutit

Nunavut Kavamangit (GN) aulatitivakhimayut hitamanik ayuiqhautikharnik hanaqidjutikharnik Inuinarnik havaktikhanun ikayuutiginiaqtun pivalliayaangat ihuaqtumik havaagumayainik GNkutni, ikayurniaqturlu GNkutni havagviingit piyaangat Inuit havakhimaaqtunik hivunikhangit. Tamangnik ukuat hivunikhangit aulayut pidjutiqaqtun Naunaitkutaani 23mi talvani Nunavunmi Nunaqaqqaqhimayunik Angirutaani, taima piqaqtuq ilaudjutikharnik nunalaani havaktinun Nunavunmi.

Tamna ilihairutikhangit imaitun:

Amaaqtaarniq Iliharutikhait Pinahuarutit ikayuutigiyuq ilihahimaaqtunik ilihaqtunik Inuinarnik havaktikharnik havagumayunun ayuittiagiikhimayuni/ayungnavyaqtunik havaanganik GNkutni.  

Havaagumayainik Ihumaliurutikhaq Ilihairut ikayukhimaaqtun havakhimaaqhutik havaktakhangit Inuit havaktiuyunik pivalliayaangat ayuittiarutikharnik ilihimadjutikharnik piqaqtukhat iniqtigiyaangat havaagumayainik ilihairutingnik talvani GNkutni.  

Ayuiqhaqnikkut Tingmidjutikkut Mangit akiliqtuitjut aullarutikkut hiniktarvikkullu ilihariaqqata hilataani Inuit havaktut nunalaamingni.

Atugakhaq Pvalliadjutikharnik Ilihairutikharnik havakhimayuq taima inungnun ihumagiyut ayuiqhagumayunik talvuuna hunauyut ilauyut talvani atugakhangit havakhimaaqtunik qiniqhimaagianganiklu havaagumayamingnik nunalaani atugakharnik.

Ilauyukharlu nuutaani ilihairutikharnik, hivutunirmiklu talvani Sivuliqtiksat Ayuiqhaqtuq Ilihairutikharnik ilagiyaa talvani Sivumuaqatigiit ayuiqharhimaarniq hanaqidjutikhaq Inuinarnik havaktunik.