Havaktingit

You are here

COVID-19 Havagviat Havaktuliqiyitkut ikayutiuhimaarnikkut ilituqhaidjutikhaq

Januali 12, 2021

COVID-19 Qalagjuarnikkut GN-kunnin Nutaamik Tuhaqtidjutaa - Januali 12, 2021

Havagviat Havaktuliqijitkut ikajutiuhimaarnikkut ilituqhaidjutikhaq

GN-kut havagviit Arviani Tikirarjuamilu angmaqtun inungnun Januali 13, 2021.

Kavamatkut Nunavunmi (GN) havaktiit, ukuangungitut Arviani, utiliqtut GN-kut havagviinun uvani Januali 13, 2021. GN-kuni habvaktingit tamainni nunallani utiqtun havagvingmingnun Umani Tissaipa 2, 2020.

Ikayuutigiblugu qayangnaitunik inuuhiringnaqtumik havagviit, havaqatigiblugu una Atanilluaq Inungnun Aanniaqtailinikkut Havakti (CPHO) ukualu ilitarijauhimajut uqauhiit, GNkut havaktait kiudjutighat apirhuutinun utirnirmun havagvingnun, titiraqhimayut hivayautit, naunaiyautighat tamangnun havaktinun atanguyanunlu ihivriuqlugit ihuaqhaqlugillu GNkut havagviit aanniarutiqaqtut qalagyuarnirmun COVID-19 inuuhirmun qayangnautikullu maligahat unalu qalagyuarniq COVID-19 inuuhirmun qayangnautikullu nivingayut tamaini ilitariyauhimayutigut uqauhikkut.

 


COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 13, 2020

Havagviat Havaktuliqijitkut

GN-kut havagviit Sanikiluarmi hamanillu Kivallirmi avikturnianni umiktaujun inungnun.

Tamaita ihariagijaungittut Kavamatkuni Nunavunmi (GN) havaktiit Sanikiluarmi hamanillu Kivallirmi avikturnianni havangniaqtut aimavingmingni. Atan'ngujat havaqatiginiaqtatit tunilutit ingilrutinik atuqtakharniklu havagiangni aimavingnit. Ihumagijaujut ikajuutikhatit havagiangni aihimalutit paqitaullajut uvani GN Intranet qaritaujakkurutaani: http://intranet/covid19/ and will be sent via email.

Pijaqtatit havagvikpit qaritaujakkut titirarviit atiliurluti uvunga Microsoft Office 365 on your computer at https://www.office.com/ aadjiliurluguluuniit Microsoft Outlook app tigumiarnut hivajautingnut.

Tamaita ihariagijaujut GN-kuni havaktiit talvani Sanikiluarmi hamanillu Kivallirmi avikturnianni havaktaarumik aimavingmingni, havaktukhaujut aimavingmingni.  Ahianut, havainariaqaqtut havagvingmingni imaalu maliklugit Aanniaqtailinirmun, Qajangnaittumiklu Inuuhiqattiarnikullu Naunaijaqhimajut hapkununga GN-kut Havagviini unalu Utirutighaanun Havagvingmun Naunaijautit hapkununga GN-kut havaktiinun, taiguarlugit ukuat COVID-19 qalagjuarnirmut Apiqhuutit Kiudjutillu tujuutauhimajut aanniaqtailinirmun qajangnaittumiklu naunaitkutit hiamitiqtailinirmun COVID-19 qalagjuarnirmik. Paqinaqtut naunaitkutikhat, apiqqutit kiudjutaillu nivingajullu uvani GN Intranet qaritaujakkurutaani: http://intranet/covid19/.

Qaritaujakkut titirarvigilugu HRcommunications@gov.nu.ca pilimaitkungni GN Intranet qaritaujakkurutaani imaalu piumaguvit aadjiliuqhimajunik naunaitkutikhanik ilijauhimajunik uvani.

Tadja, GN-kut havaktiit tamaini nunallaani ukuangungittuq Sanikiluarmi hamanillu Kivallirmi avikturnianni havagiaqtuqtaaqtut iidjuhimiktut..

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin. 


Havagviat Havaktuliqijitkut ikajutiuhimaarnikkut ilituqhaidjutikhaq - Hikutirvia 11, 2020

GN-kut havagviit Kangiqlinirmi umiktut inungnut.

Tamaita ihariagijaungittut Nunavut Kavamanga (GN) havaktingit Kangiqlinirmi havangnialiqtut aimavingmingnit. Atan'ngujat havaqatiginiaqtatit tunilutit ingilrutinik atuqtakharniklu havagiangni aimavingnit. Ihumagijaujut ikajuutikhatit havagiangni aihimalutit paqitaullajut uvani GN Intranet qaritaujakkurutaani: http://intranet/covid19/ and will be sent via email. Pijaqtatit havagvikpit qaritaujakkut titirarviit atiliurluti uvunga Microsoft Office 365 on your computer at https://www.office.com/ aadjiliurluguluuniit Microsoft Outlook app tigumiarnut hivajautingnut.

Tamaita ihariagijaujut GN-kuni havaktit talvani Kangiqlinimi havangniaqtut havagvingmingni maliklugit Aanniaqtailinirmun, Qajangnautikkut Inuuhiqattiarnikullu Naunaijaqhimajut hapkununga GN-kut Havagviini unalu Utirutikhaanun Havagvingmun Naunaijautit hapkununga GN-kut havaktiinun, taiguarlugit ukuat COVID-19 qalagjuarnirmun Apiqquutit Kiudjutillu imaalu maliklugit titiraqtauhimajut aanniaqtilinirmun qajangnautikullu naunaitkutit hiamitiqtailinirmun COVID-19 qalagjuarniq. Paqinaqtut naunaitkutikhat, apiqqutit kiudjutaillu nivingajullu uvani GN Intranet qaritaujakkurutaani: http://intranet/covid19/.
Qaritauyakuutitilutit hapkununga HRcommunications@gov.nu.ca qaritauyaitkuvin GNkut qaritauyaliqivianun piyumaguvin aadjiliuqhimayunik quyaginaq ikayuutinik iliuraqhimayut talvunga.

Tadja, GN-kut havaktingit tamainni nunallaani ahianiittut Sanikiluarmi Kangiqlinirmillu havariaqtuqtukhat havagvingmingnut.

Ikayuqtughaqaqtuq

GN-kut akhuuqhajait havaktivut ilailu qinirlugit qanuqtut Havaktimun Ilagijainnullu Ikajurutikhat Pinahuarutit ikajuutauniaqtut tadja. Havaktimun Ilarijainnullu Ikajurutikhat Pinahuarutit ilaujut akiitukkut hiamitiqtaujunaitullu hivajautaa, 1-800-663-1142, tapkua havaktit/ilailuuniin hivajaqtaaqtaat qujaginaq uqaqatigilugit uqaudjijut qujaginaq Nunavunmi Uqauhiitigut, ilaujullu qaritaujakkut ikajuutighat uvani www.homewoodhealth.com.

 


Havagviat Havaktuliqijitkut ikajutiuhimaarnikkut ilituqhaidjutikhaq - Hikutirvia 6, 2020

GN-kut havagviit Sanikiluarmi umikhimajun inungnun.

Tamaita ihariagiyaungitut Kavamatkuni Nunavunmi (GN) havaktiit talvaniSanikiluarmi havaktukhat iglumingni. Atanguyaqqit haaqatiginiaqtaatit tunihiyaangni quyaginaq ihariagiyauniaqtunik tamayanik ikayuutighanikluuniin havagiangni iglungni. Ihumagiyauyut ikayuutighallu havangnikkut iglumi paqinaqtut uvani GNkut qaritauyaliqiviani: http://intranet/covid19/ tuyuqtauniaqtut qaritauyakkut.
Piyaaqtatit havaktaghatit qaritauyakuuqhimayut angmaqtirlugit uvani Microsoft Office 365 qaritauyangni uvani https://www.office.com/ iliuraqluguluuniin una Microsoft Outlook naunaitkutaa tigumiami hivayaunmun.

Tamaita ihariagiyauyut GNkuni havaktit talvani Sanikiluarmi havangniaqtut havagvingmingni maliklugit Aanniaqtailinirmun, Qayangnautikkut Inuuhiqattiarnikullu Naunaiyaqhimayut apkununga GNkut Havagviini unalu Utirutighaanun Havagvingmun

Naunaiyautit hapklununga GNkut havaktiinun, taiguaqlugit ukua qalagyuarnirmun COVID-19 Apirhuutit Kiudjutillu nivingayut aanniaqtilinirmun qayangnautikullu naunaitkutit hiamitiqtailinirmun qalagyuarniq COVID-19. Paqinaqtut naunaitkutit, apirhuutit kiudjutillu nivingayughallu uvani GNkut qaritauyaliqiviani: http://intranet/covid19/.

Qaritauyakuutitilutit hapkununga HRcommunications@gov.nu.ca qaritauyaitkuvin GNkut qaritauyaliqivianun piyumaguvin aadjiliuqhimayunik quyaginaq ikayuutinik iliuraqhimayut talvunga.

Tadja, GNkut havaktiit tamaini nunallaani havagiaqtuqtaaqtut.

Ikayuqtughaqaqtuq

GNkut aghuuqhayait havaktivut ilailu qiniqlugit qanuq Havaktimun Ilagiyainnullu Ikayurutikhat Pinahuarutit ikayuutauniaqtut tadja. Havaktimun Ilagiyainnullu Ikayurutikhat Pinahuarutit ilauyut akiitukkut hiamitiqtauyunaitullu hivayautaa, 1-800-663-1142, tapkua havaktit/ilailuuniin hivayaqtaaqtaat quyaginaq uqaqatigilugit uqaudjiyut quyaginaq Nunavunmi Uqauhiitigut, ilauyullu qaritauyakkut ikayuutighat uvani www.homewoodhealth.com.


 

Havagviat Havaktuliqijitkut ikajutiuhimaarnikkut ilituqhaidjutikhaq - Imaruqtirvia 8, 2020

Havagiaqtuqhutik Aullaaqtut talvuuna aulatiluni COVID-19 Qalagjuarniq

Talvuuna Imaruqtirvia 1mi, Atanilluaq Nunalaani Aanniaqtailinikkut Havakti qungmuktitiyuq nunaptingnik tingmigiaqaqtunik aihunun nunalaanun uqaudjivakhimayuq. Tingmitikkut aullarvikhat hilataanut Nunavunmit pitqujaungittuq huli.

Talvuuna Imaruqtirvia 8, Nunavut Kavamanga aulatitiniaqtun nunaptingnik havagiaqhutik aulaaqtaatun havaktinun, talvuuna mikhaatigun naunaitunik atuqtakhangit. Tamangnik kivgaqtiluat kivgaktauluangitunik havagiaqhutik aulaaqtut angirutiqaqtukhat talvani nunaptingni.

Havagiaqtuqhutik aulaaqtut talvunga talvangalu Kitikmeot avikturviangani angirutiqaqtukhaq taima tingmivikhangit aulaviit aulagiaqaqtun tingmiyukharnik hiniktagiaqangituq apquhaarlutikluuniit avaliingarniqaqtunik Yellowknifemi. Havagviit ihumaliugiaqaqtun tingmidjutikharnik satakuuklutik talvunga talvangalu Kitikmeotmi avikturviangani.

Havagiaqhutik aulaaqtut talvunga talvanga Sanikiluarmin angirutiqaqtukhaq chatakuuklutik tingmitikkut avaliituq, taima tingmidjutikhangit aulagiaqangitun tingmiyunun hiniktaqhutik hilataani nunaptingni avaliqagiaqangitumiklu nunaqaqtunik.

Kivgaqtuluangituqaqtun havaanganik havagiaqhutik tingmitikkut aulakhutik Nunavunmiitukhauyut nutqaqtauhimalaktiluni.

 

Qaritaujakkut ilihaqtakhait GN-kut havaktiita

Nunavut Kavamanga ukuallu havaqatigivaktait Homewood Health piqaqtut qaritaujakkut ilihaqtakhanik ikajuutikharnik GN-kuni havaktit ilagijainullu ihuaqtumik ihumaliqinikkut ikajuutikhanik.

Tamaita iluaniittut naunaiqtauhimajut tadja atuqtakhanit, nakuujut atuqtauvakhimajut qaujihautainnik ilaujullutitiranguqtaaktut naunaitkutikhat, ajuiriakharnik naunaijautikhat ihuaqtuniklu uuktuutikhanik naunaijautikhanik. Pittaaqtutit ilihaqtakhanik nakitliqaak qakuguluuniit.

Hapkuat ilihaqtakhat tadja hailihimajun Qablunaatun Uiuitunlu.

Pivikharnik takulugu tamna Homewood Health qaritaujakkuurutaawww.homeweb.ca imaalu takulugit turraarvikhangit ilaujunut kivgaqtuidjutikhanni.

Havaktit ilagiitlu hivajainariaqaqtut akiittumut nampaanut 1-800-663-1142 inmi uqaudjaujumagumi.

 


Havagviat Havaktuliqijitkut ikajutiuhimaarnikkut ilituqhaidjutikhaq - Imaruqtirvia 1, 2020

Ministangat Havaktuliqijitkut ilitturipkaidjutikhaanik:

Ullaakkut. Titiraqhimajumi uumani Dr. Patterson, Nunavut Kavamanga ihivriuqhiffaaliqtuq maliqatqujauhimajunik atuqtakhaliuqtaiuhimajut kiudjutikhanut COVID-19 Qalagjuarniq. “Nunavutip Apqutikhaa: hivumuuqpalliadjutikhat aullatitlugu COVID-19 Qalagjuarniq” tuhaqtitauhimajut kingulirmi havainirmi ihuaqhaqhimajut kavamatkut atuqtakhaliuqtainnik nutqaqtiqpalliadjutikhainut maliqatqujauhimajunik, naunaijautigilugit ikiglinahuarutikhanik qajangnaqtut pidjutiqaqtut qupilrurmut aanniarunmut ikiglinahuarutit aktuqtauniinutNunavummiunut. Naunaijautigiplugu tadja qanurinnianut qajangnarniat aktuutaujullu maliqajakhainnut, angmaffaarnialiqtut havagviit ihumagijaujuq qajangnaivjaktuq maliqjakhat.

Ublumi, ITuhaqtitijunga nutqarnialiqtuq Nunavut Kavamanga havaktutkhat aimavingmingnit pianhuarutikhat Nunavut Kavamanga havaktingita. Aullaqtirlugu Hivulliunmi, Imaruqtirvia 8, 2020, GN-kut havaktingit tadja “havakpaktut aimavingmingni” utiinariaqarnialiqtut havagvingmingnut.

Hamna ihumaliurutauhimajuq uqaqatigiplugit Inungnut Aam=nniaqtailinikkut Havaqatigiiktut ukuallu Havaktiit Aanniaqtailinginni Akiliuhirnikkullu Katimajiingit (WSCC). Ilitaqhijugut taimaatut aanniarnaittumik havagviit ihuaqtuq aanniarnaittumik imaalu inuuhiringnaqtumik tamainut havaktiptingnut, pidjutigiplugit inmi ajuittatik imaalu auladjutikhangit kivgaqtuidjutimingnik tamainut Nunavummiut.

Ikajuutikhanut qajangnaittumik aanniarnaittumiklu havagvingni, GN-kut maliktakhait WSCC maliktakhait talvuuna qajangnaitkutikhanut naunaijautikhat havagvingmi qajagijakhainik imaalu maliqahimmaarlugit atuqtaujukhat imaalu pittailijaujut atuqtakhaliuqhimajait Atanilluaq Nunalaani Aanniaqtailinikkut Havaktimit kiudjutikhanginnik COVID-19 Qalagjuarniq. GN-kut havaktingit tunijauhimmaarniaqtut aanniaqtalinikkut qajangnaitkutikhaniklu naunaitkutikhainnik maliktakhaniklu aullaranginnaqtumik. GN-kut havakti ukuallu Ilagiit Ikajuuhiaqtit Pinahuaruti hailijut ikajuutikhanik tamainut inuuhiringnaqtumik GN-kut havaktingit ilagijainullu.

Kivgaqtuqtiujut havagviujunit havaktut uumani havainirmi naunaijakhugit havakviit upalungaiyautikhanik utirvikhanik GN-kut havaktingit imaalu ahiqpangajukhaujut aallanit inungnit havaktitlutik aullahimmaaqtukhaujuq. Ilangit havaktit aallatqiiktunik utiinariaqaqtut havagvingmingnut aimavingmingnit havaktut.

Ilihimajugut tapkuat iliharviit umikhimadjutaat imaalu qaujimangittumik aujami hulilukaarvikanik nutaqqat tadja taimaatut angajuqqaat naunaijauvikhanik nutaqqiqijikhamingnik imaalu akhuuqhajavut hivajaquplugit atan'ngujamingnut uqautigilugit qanuriliurutikhamingnik.

Tadja huli, ikittukhaujut inungnik upautijumajunik havagviinnut maiqjanginni ikajuutikhaniklu inungnit ahiqpangajukhat imaalu aanniarnaittumik qajangnaittumiklu tamainut Nunavummiunut.

Qujagijumajatka tamaita GN-kuni havaktingit akhuuqpiakhuhi havakpiakpakaffi imaalu havakpakhuhi nallunaqtunik atuqpaktaptingnik. Iliffingnut inuuhiringnaqtumik aanniaqtailinikkullu hivulliutijakhavut.

Qujagijumajatka tamaita Nunavunmiut allaranginnaqtumik utaqqivangmata imaalu kangiqhivakhuhi aullaranginnaqtumik tunihijugut hulidjutit ikajuutikhaniklu.

Quana.

 

Havagviat Havaktuliqijitkut ikajutiuhimaarnikkut ilituqhaidjutikhaq

tamarmik GN havaktingit utirnialiqtut GN-kut havagviinnut aullaqtirlutik Imaruqtirvia 8, 2020. Hamna ihumaliurutauhimajuq uqaqatigiplugit Atanilluaq Nunalaani Aanniaqtailinikkut Havaktimit ukuallu Havaktiit Aanniaqtailinginni Akiliuhirnikkullu Katimajiingit (WSCC).

GN-kut maliktakhait WSCC maliktakhait talvuuna qajangnaitkutikhanut naunaijautikhat havagvingmi qajagijakhainik imaalu maliqahimmaarlugit atuqtaujukhat imaalu pittailijaujut atuqtakhaliuqhimajait Atanilluaq Nunalaani Aanniaqtailinikkut Havaktimit kiudjutikhanginnik COVID-19 Qalagjuarniq. Inuqarnirmiugaigupta inungnit ahiqpangavaktukhaujugut atuqtauhimmarniaqtut GN-kut havagviinni, imaalu GN-kut havaktigit tujuqtauhimmaarniaqtut aanniaqtailinikkut qajangnaittumiklu naunaitkutikhainnik itqumajakhainniklu aularanginaqtumik. GN-kut havakti ukuallu Ilagiit Ikajuuhiaqtit Pinahuaruti hailijut ikajuutikhanik tamainut inuuhiringnaqtumik GN-kut havaktingit ilagijainullu.

Tadja huli, ikittukhaujut inungnik upautijumajunik havagviinnut maiqjanginni ikajuutikhaniklu inungnit ahiqpangajukhat imaalu aanniarnaittumik qajangnaittumiklu tamainullu Nunavummiunut. Ilaujut inungnut uqaqujaujut hivajautikkut GN-kuni havaktiinik imaaluuniit qaritaujakkut titirarvigilugit. Inungni katimaqatigiiktut pijariaqaqtut, inuit ilaujut inungnut airijauhngujut maliktukhat inuqarnirmiugaigupta inungnit ahiqpangavaktukhaujugut imaaluuniit aallanik aanniaqtailinikkut qajangnaitkutikhaniklu maliqujaujunik.

GN-kut Havagviujut tuniuqhaihimmarniaqtut inungnut tuhaqtitaujukhanik ilitturipkaidjutikhanik ihuaqhaqtaujaraikpata pinahuarutikhainnik kivgaqtuidjutikhainiklu havaktunut aimavingmingnit nutqaqqat.


Havagviat Havaktuliqijitkut ikajutiuhimaarnikkut ilituqhaidjutikhaq - Mii 11, 2020

GN-kut piliqtut uuktuutikhanikAujami Ilihaqtunut Havallaknahuarutikhaq (SSEEP).

Naunairjuumijumaguvit pinahuarutikhanik naunaikhivikharnik, takulugu una https://gov.nu.ca/human-resources/information/become-summer-student

Umigvikhaa uukturvikhanut Taaqhivaliavia 17, 2020, kihimi akhuukhajavut ilihaqtut uuktuqujavut qilamiurlutik havaakhat nuijaraikpata! Aallanik havaakhaningniarunaqhijuq aujaqqat.

Tadja, GN-kut havaktut aimavingmingni atuqtauijuq huli imaalu GN-kut malikhimmaaqtait tamaita inungut anniaqtailitikhanik maliqujauhimajut imaalu ikajuutikhainnik ahiqpangajukhaujutit aallanit inungnit. Aujami ilihaqtut havainariaqaqtut aimavingmingnit imaaluuniit kavamatkut havagviinni, pidjutiqarniaqtuq qanurinnianut havaakhap imaalu inungnut aanniaqtailinikkut maliqajakhaliuqhimajainnik.


Havagviat Havaktuliqiyitkut ikayutiuhimaarnikkut ilituqhaidjutikhaq - Iipu 30, 2020

Ataani Kavamatkut Nunavunmi (GN) havaklutik-iglumingni atuqtauliqtuq uvani Qiqaijalirvia 20mi, GNkut havaktiit Mittimatalingmi aulahimaaqtumik ikayuqtauniaqtut havaklutik iglumingni.

GNkut Havaktinun Ilagiingnunlu Ikayungnikkut Pinahuarutit (EFAP) havaktaat hapkua Homewood Healtht tunihiyut piksasiunik amigaitunik hiamitiqtaulimaitut kivgaqtuutit havaktinun ilailu. mun).Aigaitut hapkua hiamitiqtaungitut kivgaqtuutit ihuaqtut ikayuutikhat havaktinun ilailu apiqhuutinun ingumanirmunlu atuqtauyut qalagyuanirmun (COVID-19). Havaktit ilailu hivayaqtaqtaat 1-800-663-1142.

Havaktuliqiyit itqaumaquyait havaktit ihumagumik aktuqhimanirmun haffumunga qalagyuangnirmun COVID-19 hivayaqtughat ukununga COVID hivayautaanun 1-888-975-8601 10min ublaami hamunga 6 unuami, hivayaqlugiluuniin munaqhitkut qilamik, qilamiklu avaliingaaliqlutik iglumingni 14nik ublunik.

Havaktit kangiqhipkaqtaghait atanguyatik inmi-avaliingaalirumik.


Havagviat Havaktuliqiyitkut ikayutiuhimaarnikkut ilituqhaidjutikhaq

Havaktuliqiyitkut havaqatigiyait ukuat Havagviat Maligaliqiyikkut, Havagviat Inuliriyikkut, and Aanniaqtailinikkut naunaiqhinahuaqhutik aallanik ikayuqtikhainnik ihariahukkumik. 

Havaktuliqiyitkut katimaqatiginiaqtait WSCC-kut uqautigiyuaplugit qanuqtut ihuaqtumik havaqatigiikniaqtun. Havaktuliqiyitkut katimaqatigiyait NEU-kut pidjutigiplugit ilitturipkaidjutikharnik.

Kihiani uqagiikhimavakhimayuq, tapkuat havagviuyut ikayukhimaanginaqtun aulahimayukhat  havaangani havaktamingnik. Ilitugidjutikhangit nuititihimaarniaqtugut ubluq tamaat.

Umikhimaniaqtun/Nutqaqtitauniaqtun/Aulahimaitun Hadja ikayuutikhat:

  • Piyauyukhaq Havaktiinut Iglukhainnik Tuniuqhaiyit Katimayiit katimavikhat nutqaqtitauyuq.
  • Auyami Ilihaqtunut Havallaknahuarniaqhimayunik nutqangallangnialiqtuq qakugu aulaniaqtun.