Havaktingit

You are here

Hivuliqtikhanut Pivallianirmun Pinahuarutit – Hivuliqtiuyumayunun Hivuliqtikhanun Pihimayut

Uuktuutit umigvikhaa: Apitilirvia 23, 2020

Havagviat Havaktuliqiyit' Inungnun Kivgaqtungnikkut Ilihaidjutikkut Havagvia piliqtut uuktuutinik haffumunga Hivuliqtingurumayunun Hivuliqtikhanun Pihimayut ilauyuq haffumunga Hivuliqtikhanut Hivuliqhungnikkut Pivallianirmun Pinahuarutit. Una pinahuarut tunihiyuq iliharvingnun-pihimayunun ilihaidjutit pingahuuyut aalangayut aktilaangit: hivuliqtiuyumayun hivuliqhuqtut, atan'nguyat uvalu angayukhiit atan'nguyat. Attatutit hapkua aktilaangit tuniyauyut ilihaidjutit avatqumayumik siksinin hamunga 11mun tatqiqhiutinik atuqtauyunik. Hivuliqhungnirmun pivallianikkut pinahuarutit tuniyauyut tamainun Kavamatkunun Nunavunmi (GN) havagviinun aviktuqhimayunilu kuapaliisit.

Hivuliqtingurumayunun Hivuliqtikhanun Pihimayut piqaqtut saivanik pingahuni ubluni ilihaqtakhanik ilihaqtitauniaqtut unngahiktumit qaritauyakkut iliharniqmalrungnik ilihaqtakhangnik talvanga Tattiarnaqtuq 2020 talvunga Qitiqqautiyuq 2021. Nakuuyumik initiqtut hamanga Hiuvliqtiuyumayunun Hivuliqtikhanun Pihimayut piyariaqaqtut uqariingnirmik ilauyunin, atan'nguyatik uvalu inmi havagvitik.

Piyaarningit

Ukua GNkut akhuurutiqaqtut piqaqlutik tikuaqtauhimanikkut havagvik uvalu ikayuqhugit inuinait havaktit pivallialutik nakuuyumik havaakkut inungnun kivgaqtungnirmun. Uuktuutit haffumunga Hivuliqtiuyumayunun Hivuliqtikhanun Pihimayut maligahaqangniaqtut kikliinun uvalu Havainaqtunun havaktinun Inuinait havaktinun. Ilauyut ilihaidjutini ilauniaqtut atan'nguyat, pinahuarutit uvaluuniin havaanun atan'nguyat ikitqiamik malrungnik ukiunik havakpakhimayunun uvalu piumayut havaktit ihumayut hivumuungnirmun atanguyangurumayun uvaluuniin atan'nguyat havaanginun hivunirmingni. Ilauyut ilauniaqtut havaktit kitut havaqatigiingnikkut hiuvliqhungnikkut havaakhanik kihimi ataniqtuingitut aalanun.

Qanuqtun uuktuqtukhaq

Ilauyumaguvin haffumani Hivuliqtiuyumayut Hivuliqtinun Pihimayut ilauyut haffumunga Hivuliqtikhanut Pinahuarutinun, iniqtiqlugu ilaliutihimayuq uuktuut titiraq qaritauyakuuqtilugu hapkununga training@gov.nu.ca or fax to 867-975-6092.

Uuktuutit umigvikhaa Apitilirvia 23, 2020.

Kangiqhidjutikkut katimadjutit

Iliturittiarumaguvin mikhaanun haffuma Hivuliqtikhanut Pinahuarutinun uvalu ukua Hivuliqtiuyumayun Hivuliqtinun Pihimayut, atiliuqlugit ilauyaangni hapkunani naunaiqhitikhanik kangiqhidjutikkut katimalutik hivajautikkut. Atiliuriami kangiqhidjutikkut katimadjutini, qaritauyakuutitilutit hamunga training@gov.nu.ca hivayaqluguluuniin Stephanie Bernard uvani 867-975-6052. Naqitariangani kangiqhidjutikkut katimadjutinun hivayaqlugu una 1-866-969-8429,katimadjutit naunaitkutaa 5455888.

KANGIQHIDJUTIKKUT KATIMADJUTIT

Apitilirvia 17, 2020

3:30-4:30 p.m. QIKIQTAALUK

2:30-3:30 p.m. KIVALLIQ

1:30-2:30 p.m. KITIKMEOT

Aularutaata Ublua: 
Thursday, Aktuupa 1, 2020
Inirutaata Ublua: 
Wednesday, Iipu 1, 2020
Najugaa: 
Ilihaqtitauniaqtut unngahiktumit
Nunallaaq: 
Across Nunavut
Aviktuqhimayuq: 
Iqaluit
Naunaittiarumaguvit, uqarvigilugu: 
Stephanie Bernard
Atiliurniqmut umikvikhaa:: 
Wednesday, Saptaipa 23, 2020
Qaritauyakkut Uqaqatigiumagukni: 
Hivajaut: 
867-975-6052
Kayumiktukkut: 
867-975-6092

Uuktuutit Titirqat

Inikhimayut uuktuutikhat qaritauyakkut piyukhauyut, tairuaguminaqtumik atiit titiraqlugu sainiutigilugulu havaktip havaktiplu atan’nguyaa. Tamaita atiliukhimayut hivulliutihimayut anggiktauhungnguyut kihimi inikhaiqqat kihiani.