Havaktingit

You are here

Ihuaqtut Titiqqiqinirmut Ajuittakhangit Iliharvikhat – MS Teams

Tamna Ihuaqtut Titiqqiqinirmut Ajuittakhangit Iliharvikhat piqaqtut hitamat ilihaqtakhat ihumagiplugit ikajuutikhangit havaktiit qinikhiajut pivalliadjutikhamingnik ajuitakhamingnik hapkunani titiraqhiajut ataani.

Ilaujumajut atiliurhimajut uumani ilihaqtakhamik titiraqtukhat atauhiinnarmik uuktuutikhamik atiliuriamingnik tamainnik hitamat Ilihaqtakhat, imaalu GN-kuni naiunaitkunmik iniqtamingnik tujuutauniaqtuq tgapkununga iniqtunut tamainik ilihaqtakhanik.

Havaktiinnarnut pijumajunut atauhirmik ilihaqtakhamik uumani ilihaqtakhami, uutuutikhat angiqtauniaqtuq imaalu utaqqijukhanut titiraqtauniaqtuq hivulliutijaujukhanut ilijauniaqtuq tapkununga atiliuqhimajunut tamainni hitamanik ilihaqtakhanik.    Utaqqijut titiraqhimajut ilaujukhat hivajaqtauniaqtun qanikliliqqan ilihaqtakhaq ublukhait inikhaqaqata.   

Ilihaqtakhaq 1: Titirarnirmik Ihuaqtunik Katimadjutinik – September 16-17, 2021, 1:30 – 5 pm EST

Una Ilihaqtakhaq ajuiqhaudjijuq atuqtakhainik upalungaijainirmik katimadjutikhanginik titirarnirmik imaalu titirarnirmik katimadjutainik katimajut. Ilaujut takkuuriniaqtun aallatqiinik atuqtakhanik titirarnirmik katimadjutainik naunaittunik kangiqhijuminaqtuniklu. Tamna ilihaqtakhanut ilaujut hivuani-katimatinagit imaalu kinguagut katimahuiqata ikajuutikhainik katimadjutainik titirarnirmik ihuatqijamik.

Ilaujut uumani ilihaqtakhamik ajuiqhaniaqtun imaatut:

  • Uukturlutit havangnirmik titirarnirmik katimadjutainik katimajiit
  • Aturlugit ihuarnirit atuqtakhatit kajuumikhijarni iaalu nallaumajunik titirarnirmik katimatitlugit katimjiit
  • Numiktitirlugi katimadjutait titiqqat ihuaqtunik katimadjutainik, aturlutit aallatqiiktunik katimadjutainik titirauhikhanik

Ilihaqtakhaq 2: Havaakhanik Munaqhidjutikharnik Ajuiqtakhait hapkununga Titiqiqijunun Ajuittiaqhimajunun – September 21-22, 2021, 9:30 – 4:30 pm EST

Titiqiqijunun ajuittiaqhimajun apirijauvaktun havaquplugit havaakhamik aullaqtirnianit inirnianganut. Hapkuat havaakhat aallatqiingukhujut katimapkaijunit imaalu najugarijanik angijuut hulipkaidjutainik imaalu aallanguqtirninganut munaqhidjukharnik. Ihuaqtumik havagiangni hapkuninga havaktakharnik, aturlugit ajuiqhaqtatit havaakhanik munaqhidjutikharnik.

Ilaujut uumani ilihaqtakhamik ajuiqhaniaqtun imaatut:

  • Havaktakharnik ajurnaqtunik hvaakhanik happirhaqhimaittumik
  • Tunivaglugit havaakhat inivikhani, maniit atugakhat imaalu maliqalugit atuqqujauhimajut havaktakhatit
  • Upalungaijarlutit nahurinnaittunik, munarilugit havaglugitlu qajangnaqtut imaalu ihuaqtuniklu ilaurlugit maniliurutikharnik
  • Havaqatigiitiarlugit havaqatigiiktukhat havangnaqtumik ihuatqijamik havaakhanik
  • Munarittiarlugit havaakhat imaalu naunaijarlugit aallatqingningit ahiit ihuaqharlugit ihuaqhariaqaqqata
  • Aturlugit uqauhiit ukuat havaakhanik munaqhidjutikharnik

Ilihaqtakhaq 3: Unniudjutinik Titirarnirmik – September 23, 2021- 9:30 – 4:30 pm EST

Una ajuiqhaqatigiiktukhat ikajuutauniaqtut ilingnut titiraqpaliriarni ihuaqpiaktunik unniudjutikhanik imaalu akimavaliriarni tukhiutikharnik pinarirlugitlu. Ajuirlutit upalungaijautikhanik atuqtakharnik, maliktakharniklu titirarnirmik kangikhijuminaqtunik, titirattiaqhimajunik, tamatkiumajuniklu, imaalu ikajuutikharnik angiqtaujarni. Tamna ilihaqtakhaq havakhugit ajuiqhjut imaalu alianaqtut, ajuiqharvikhaqaqhutiklu ajuirjuuminnaqtumiklu. Qaridjinnariaqaqtutit takujaujukhanik havakpakhimajarnik ihivriuqtakhainik ilihaidjivit.

Iniktirumik uminga ilihaqtakhamingnik, ilaujut imaa ajuiqhungujut:

  •  Upalungaijarlugi tukhiutikhatit imaalu unniudjutikhatit naunaittiaqhimajumik imaalu ihumaliuttiaqhimajumiklu
  • Naunaijarlugit taiguktikpit ihariagijait pijumajaitlu
  • Titirarlutit taigurumajaanik tairuktivit pujumajainik
  • Titirattiarlutit, naittunik imaalu aktuutaunirmiklu
  •  Angiglijuumirlugit hakugiutikhatit imaalu maliktaudjutikhatit
  •  Pivallianirmik ajuiqhattiarutikharnik imaalu pimmariktukmiklu

Ilihaqtakhaq 4: Titiqqiqinirmut Havagviat Atuqqujauhimajut – September 28, 2021, 9:30 – 4:30 pm EST. 

Ihuaqtut titiqqiqinirmut havakvianni atuqqujauhimajut ajuiqtakhaujut ihuaqtumik tamainut timiqutaujut auladjutikhangiik atuqkhahanginiklu. Ilaujut ajuiqhungujut qanuqtut titiqqiqinirmik havagviat atuqqujauhimajunik makpiraqarviit takunnaqtunik ajuiqhattiaqhimajunut imaalu ihuqpiaktunik havagvingmi auladjutikhanginik. Titiqqiqinirmik qanuriliurutikhangit imaalu atuqtakhangit ihuaqtumik aullajangini timiqutaujup takujumajangit imaalu ubuq tamaat auladjutikhanginik.

Ilaujut uumani ilihaqtakhamik ajuiqhaniaqtun imaatut:

  • Ihuaqhailutit makpiraaqarvikharnik qilamik qiniqhiavikharnik imaalu aturuminaqtumik
  • Piliurlutit atuqtaujukhanik
  • Upalungaijailutit naunaijautikhat havaktakharnik
  • Katiqhilutit ihuaqtunik atuqtakharnik ikajuutikhaniklu

Anginiqaqtut Tuhaqtitakhat: 

Tamaita GN-kut havaktiit atiliunginiarialgit pinahuarunmun (kikliqangniaqtut qaffiuniit inighaqarumik), kihimi ilihaijdutit pihimaniaqtut Qikiqtaaluup ubluqhiutaatigut (EST).  Ilaujut niriuktaujut iniqtirlugit pinahuarutit maliklugillu ubluqhiutighait titiraqhimajut ilihaidjutini. 

 

Aularutaata Ublua: 
Thursday, Saptaipa 16, 2021
Inirutaata Ublua: 
Tuesday, Saptaipa 28, 2021
Najugaa: 
MS Teams
Nunallaaq: 
Across Nunavut
Aviktuqhimayuq: 
Qikiqtaaluk
Naunaittiarumaguvit, uqarvigilugu: 
Peter Autut
Atiliurniqmut umikvikhaa:: 
Wednesday, Saptaipa 15, 2021
Qaritauyakkut Uqaqatigiumagukni: 

Uuktuutit Titirqat

Inikhimayut uuktuutikhat qaritauyakkut piyukhauyut, tairuaguminaqtumik atiit titiraqlugu sainiutigilugulu havaktip havaktiplu atan’nguyaa. Tamaita atiliukhimayut hivulliutihimayut anggiktauhungnguyut kihimi inikhaiqqat kihiani.