Havaktingit

You are here

2020-21 Angmarvikhaanut Upalungaijautikhat Nunavunmi Iliharviit

Tunngahugitti utiraffi iliharvingnun!

Pipkainikkut ilihaqtunik, ilagiinnik, havaktiinniklu aanniaqtailinikkut aanniqtailinikkullu qulvahitqijaujuq Ilinnniaqtuliqijikkut Havagviup hivulliutijumania.

Hamna upalungaiyautikhat, ihumagiplugit aanniaqtailinikkut aanniqtailinikkullu, ikayurniaqtait ilinnaqtuliqiyikkut pittarningat tunihilutik ihuaqpiaktunik ilihaudjidjutikhainik tamainut ilihaqtunut, nalliangni iliharviinni imaaluuniit aimaviinni. Hamna imaatut naunaittumik ilihaqtunik iliharianginnik qajangnaittumi, ikajuqtiqaqtumiklu iliharvikhanni.

Havagviat Ilinniaqtuliqijikkut havaqatigittiakhuguAtanilluaq Nunalaani Aanniaqtailinikkut Havaktingat ukuallu Nunavunmi ilinniarnikkut havaqatigiiktut piliurninganik uminga upalungaiyautikhamik. Ilihaqtut upalungaiqtut utirvikhamingnik iliharvingmut, imaalu hamna upalungaiyautikhaq naunaitkutauniaqtuq utirniaqtut hivuuranaittumik.

Ilinniaqtuliqiyikkut ilihimayut anginiqaqtuq iliharvik ilihaqtut timikkut ihumagingnaqtumiklu imaatut ikayuqhimmaarniaqtavut ilihaqtut atuqtakhani tatqiqhiutinni.

Tamna 2020-21 Angmarvikhaanut Upalungaiyautikhat Nunavunmi Iliharviit: naunaiqhiyut hitamanik atuqtakhanginik malingniaqtait iliharviit aulapkaidjutikhanik aulatitlugu COVID-19 qalagjuarniq, naunaiqhitigilugit qanirinningit aannialaqidjutit nunallaani.

Taiguqlugun hivunikhaq hamani.

Talvuuna pidjutikharnik tuniyaangat naunairutikharnik qilaminuaq, havagviangit tuyurniaqtun naunairutikharnik tamainun ilitarijauhimajut uqauhiitigun pigiaqagiagumik.