Ilihaqtup Titiqqidjutaita Ilihaqtuplu Naunaitkutaita Qaritayakmi (SIS)

Ilihaqtup titiqqidjutaita katitiqhimayut Nunavunmi pitquyaudjutihimayuq  Ilinniaqtuliqiiyitkut Maligaanni  (2008).  Pidjutikhangga pihimmaariaginni naunaitkutanik qanggakmin hadjamun ilihaqtut naunaitkutaitainnik ikayuutikhainnik ilihaqtiit munarittiariaginni sikuuqviit titiqqiviuliariaginnik piumagumik.  Qaritauyakmi naunaitkutait katitiqhimayut taapkuatut ilihaqtut naunaiqtauhimayut ilihaqtuni, iniqtigutaita ilihariaqpariakhaitalu.  Iniqhimayut ilihaudjutimingnut naunaitkutaita piinnariaqaqtait sikuuqviit, ilihaqtup angngayuqqaapluunniit pittaaqhugit talvangga Ilihaqtup Titiqqidjutaita aaffissianit talvuuna qaritauyakkut atiqaqtuq Ilihaqtup Naunaitkutaita Qaritayakmi (SIS).    Naunaigiami Titiqqidjutinik taapkuninggalu iniqhimanggittut ilihaqtup titiqqidjutaitanik piinnariaqaqtait sikuuqvikmi. 

Ilitturidjutingga SIS ngatnik sikuuqviitni havaktunut aaffissianilu havaktiinut aullaqtiqtaat sikuuqviup uqiuganni 2012-13 ngutilluni.  Huuq taimaa pidjutihimayut qaritauyakkut nakuuyumik pidjutiyaagiinni ihuaqtunik ilihaqtunik sikuuriaqhaitanik iniqtigutaitaniklu sikuuqviitni talvangga sikuulihaaliqtunit Grade 12 lumut.  Una qitqaniittulluaq qaritauyakkut naunaitkutanik pipkainiaqtuq sikuuqviitni havaktunut munarilugu titiraqvigilugulu ilihaqtup sikuuriaqhaitanik iniqtigutaitaniklu nunallaami imaalu Ilinniaqtuliqiiyitkut ihivriuriaginni titiqqivigilutik nunattiami tamaanni qaritauyakkut taapkuninga sikuuriaqpaqtunik ilihaqtut iniqtigutainniklu upalugaiyainirmun pipkaiyumayumayainniklu nakuuqpiaqtunik ayuittiagutikhanik pivikhainnik ilihaiyinut ikayuutikhamingnik ayuitpiararhaniklu ilihaigutikhanik, ihivriungnirmun qanuqtutlu pittaariaqhaita atuqpagamingnik ilihaqtunut pidjutigiplutik.  SIS ni havaqatigiiktut pivikhaqaqtut ilihainirmun ayungnaqtuniklu ikayuudjutikhanik havaktunut sikuuqvikmi auladjutiuyunut munaqtiuyunutlu qaritauyakkut naunaitkutaitanik.    

 

 

Hunauyuq iniqhimayumik ilihaqtuup iniqtigutaitanik titiqqaita?

Iniqhimayut ilihaqtuup iniqtigutaitanik titiqqaita imaa ittuq titirarhimayut tamaita anggiktauhimayut ilihaqtauyuqhat ilihaqtuup ilihaqpaqtainnik qanuqtutlu piyaapluni ilihagutimini, qaffiniklu nampaitnik piliqpaqtut ilihagutimut naunaikhungguyuk talvani.  Ilihaqattagumiuk atauhiaqhimaittumik, nakuutqiangnguyuq nampa ilihaqtaminut takudjutiniaqtuq talvani.  Iniqtinggitkumiuqlu ilihagut titiraqtaulimaittuq.  Ilihaqtuup iniqtigutaitanik titiqqaita piumayuqtait iniqtiqtut sikuugutainnik ilihaqtuup ilihariaffaagumayutlu anggitqiani ilihaqviitni Colleges ni, Universitini, uuktuqtutluunniit maningnik ahinit havaaqhaqhiugumikluunniit ilaani.   

Atuliqqat April 10, 2015 nutaangguktuq pivikhaq tunikhainirmun ilihaqtip iniqtigutaita naunaitkutaitanik piumayauyunik.

Tamaita ilihaqtut iniqtigutaita naunaitkutaitanik piumayut piyukhangguktut qaritauyakkut. 

Ilihaqtut iniqtigutaita naunaitkutait piumayauyut qaritauyakkut tuyuinnariaqaqtait hamunga: studentregistrar@gov.nu.ca

Piumalutin Iniqhimayumik Ilihaqtuup Iniqtigutaitanik Titiqqaitanik

 

 

Hunauyuq ikayuutikhaq titiraq?

Ikayuutikhaq titiraq piinnariaqaqtuq titiraq titirarhimayuni naunaikhimayunik credits nik piqaqtaqhainnik atauhingmun ilihaidjutimut iniqtiriami ilihaqtigutinggit (takulugu iniqtiriami ilihaidjutait pivikhaita), credits pihimayut uplumimut, taapkuatlu credits piyaqhait huli iniqtiriami sikuugutait ilihagutimi, ilihaqtainni (iniqtiqtumi sikuugutainni qaanggiutinggitaitluunniit sikuuqtait) naunaitkutaita ilihagutit pihimaliqhugitlu (ilaliutihimayut Grade 12 Sikuugutaita Iniqtigutaitanik piqaliqhuni), ilihagutip naunaitkutaita nuutiqtauniaqhimayutlu ilihaqtuup naunaitkutaitanik iniqtaminik sikuugutaitanik.  Taapkuat titiqidjutit atuqtauvaqtut imaa piyaami taapkuat sikuuqviit, angngayuqqaat ilihaqtutlu piqaliriami nakuuqpiaqtunik naunaitkutanik ilihaqtuup ilihaiqtilluni angngayuqhiit sikuuqviani.  Ilihaqtut angngayuqqaatlu piumattaaqtut ikayuutikhamik titiraqmik talvangga sikuuqvikmit.   

 

 

Iniqtiqtuqhat titiqqat: 

Piumalutin Iniqhimayumik Ilihaqtuup Iniqtigutaitanik Titiqqaitanik 

     Piumalutin iniqtiqtuqhamik titiqqamik ilihaqtuup iniqtigutaitanik titiqqaitanik – angngayuqqaanit, ilihaqtut sikuuqviitni. 

Piumalutin Ihuaqhaiyaami Ilihaqtuup Naunaitkutaitanik

     Piumalutin ihuaqhaiyaami ilihaqtuup atiannik imaalu/imaaluunniit anniviatani talvani Ilihaqtuup Naunaitkutaitanik Qaritauyakkut

 

 

Contact Information: