You are here
J’enseigne en français
Ilihaiyaangat Uiviititun hivuliyukharnik uqauhiq Kanatami ikiniqagaluaqtiluni uqauhiq nayugaani
Kanatam Uiviingit nunalaangit hiamingayut hinigarmun hinigarmun talvanga tunnganirmin hivuraanun. Una angiktilaangit Uiviingit inugaingit havakhimayuq talvanga iliharvingnik nayugaangani talvani ilauyut amigairyumiqpakhimayut, ayuiqhaqtun ilitugipkaihimaaqpaktunlu qanuritmangangit idjuhiangit. Amigaitunik aviktuqhimayunik nunangini ukiuktaqtuniituniklu, ilihaiyaangat Uiviititun aulavakhimayuq ikiniqaqtunik uqauhirnik nayugaani kiudjutikharlu tamangnun nunalaangitnun kitunikliqaak pidjutikharnik.
Talvuuna Uiviitun Hivulliq Uqauhiangit Katimayuarnikkut Katimayiit (FFL Katimayuarnikkut Katimayiit) talvani Katimayiingitni Ministauyuq Ilinniaqtuliqijitkutni, Kanatami (CMEC) havakpakhimayut ilihairutikharnik ilihaiyaangat Uiviititun hivulliq uqauhia ikikitqiyauyunun nayugaani Kanatami.
2013mi, tamna FFLkut Katimaryuanikkut Katimayiit tuhaqtitivakhimayut nanminikkut ayuiqhautikharnik ilihairutingnik, Approche culturelle de l’enseignement (approcheculturelle.ca), tuniyaangat ilihaiyinik ilihairutikharnik pitquhingnun nallaumayunik ilihaiyaangat Uiviititun. 2018mi, tamna FFLkut Katimaryuanikkut Katimayiit iliugaivakhimayut uqauhikkut ayuiqhautikharnik inigiikhimayut atuqtauyukharnik qaritauyakkut, tamna atuqhugu Communico nanminikkut ayuiqhaidjutikharnik (communico.club).
Ublumimun, 2020mi, tamna FFLkut Katimaryuanikkut Katimayiit aulatitivakhimayut qaritauyaliqinikkut J’enseigne en français au Canada (jenseigne-en-français.ca) ilihaiyiinun Uiviitutun ikiniqaqtunik katimaniaqtunun. Tamna qaritauyaliqidjutikhaq tunihimaanginaqtuq allatqiinik hanalrutikharnik piyaangat amigaitilaakharnik talvanga Communico and Approche culturelle de l’enseignement nanminikkut ayuiqhautikharnik, piyaangat ilihaiyiinun atugianganik tutqikhaidjutikharnik allatqiinun FFLkut Katimaryuanikkut Katimayiit ilihairutikharnik. Uminga J’enseigne en français au Canada, tamna FFLkut Katimayurutit Katimayiit nigiukhimayut aulatitiyaangat qitqaniitukharnik katimavikharnik tamaini hivunikharnik ihuaqtunik ilihairutikhanik.