Havaktingit

You are here

Kangiqhipkaidjutinut Ikayuutit

Nunavunmi, ilihaiyit kangiqhidjutainni pidjutivaktut pitquhitigut pidjutiplutik tamainnut ilihaiyinut, nutaanut ilihaiyagiiqhimavaktunutlu. Havaagiyauyaangginni pitquhikkut kiudjutiqariamingnik ilihaqtitiyut, quviahuutigiyauyaami atayumik nunallaamit, upalunggaiyaamilu ilinniaqviini sikuuqvingmi Nunavunmi.

 

Kangiqhipkaidjut ihumaliugutauniaqtuq ayuiqhagumapkainiaqtunut ayuiqyuummiriamingniqlu ilihaviliqidjutaitanit ikayuutigiplugitlu nakuuyumik pidjutihimmaariamingnik iniktigutilutiklu.  Quviagiyavut nunallaami ilihaiyitigut havaanggitlu imaa piyaami tamaita ikayuqtauyaami uvagut aadlanggayumi aadlangguqpalliayuniklu tunihivaktugut ublumimut naunaiyautinik ukiuq tamaat.

 

Ayuiqyuummiktatit ilingnik hakugiqhitivaktait ilihaiyit inmik ihuagiyauyunik ilihaqtittiyaamingnik aqhuugutauyunik nutaqqavut ilihagutiqhainnik, inungmiuviliqinikkut, ihumakkutlu nakuungningganut. Pinahuaqtavut ikayuutiginiaqtut ayuitpiaqtunut, havaqatigiingnitigut inmiklu ayuiryuummiklutik nutaanut hadjaminlu ilihaiyit.

 

Kangiqhipkaidjut piniaqtaat ilihaliqtinnatik aullaqtilihaaligumiklu sikuuqviup ukiugani. Kangiqhipkaidjutimi ihumagilluaqtait ikayuutiqhanut, titiqqanik ikayuutigiyauyunik, hulilukaaqlutiklu hulidjutiqhainik hivuliqtiit sikuuqvingmi nutaanutlu ilihaiyit ilitturiliriamingnik ilinniaqviinni, sikuuqvingmik, havaktiit sikuuqvingmi ilinniaqviliqidjutinggitlu Nunavunmi nunallaamilu.

 

Kangiqhidjutiqhat malikkuutait piliuqhimayut talvalluangmut ikayuutiqhainnut nutaat havaaniktitaulihaaqtut ilihaiyiqhat hunggiutiyaamingnik nutaamut havaagiliqtainnut:

 

Naliangnik kangiqhipkaidjutikkut piviqhaqaqtut auyangngugaiqpat. Kingguani piviqhaqaqtitpaktut hivyautikkut katimaplutik iniktirutiqanggittutiklu ilihaidjutimun qaritauyakkut.  Havaaniktitaulihaat ilihaiyit hivayaqtauhainnakpaktut, ilvitluunniit piinnariaqaqtutin titiraqvigilugit qaritauyakkut uvani EDUK-12@gov.nu.ca.

(Optional orientation opportunities are offered each summer. Past opportunities have included conference calls and a non-credit online course. Newly hired educators are automatically contacted, or you can contact EDUK-12@gov.nu.ca.)

 

Upalungaiyaliqtillutit nutaamun havaarinahualiqtarnut, ihivriuriaqaqtatit hapkua:

 

Malruungni Ubluni Kangiqhipkaiyauniaqtut 30 ni ubluni naatirnatik sikuuqviup uqiugani.  Pidjutigiyauyut hapkua ubluit nunahimayut sikuuqvingminlu havaktiit kangiqhipkaqtitauyaamingnik.  Uqagiyauniaqtut havaktinut niriuqtauyut, sikuuqviup atugaqhait havauhiqhatlu, ikaangniriqhatlu havaagiyainnarniaqtainlu.  Kavamatkut pitquidjutait Ilinniaqtuliriiyitkutlu hivulliutigiyaqhaqhait uqagiyauniaqtut. Nunallaanut ilittuqhaidjutit turaaqtauhimaniaqtut, ukunungalluaq havaktiinnut nuulihaaqtut nunallaamun. Nunallaami ilittuqhaiyut, ilitturipkaidjut sikuuqvitigut havaqatainnut, takuyaqtuilutik sikuuqvingmi piqaliqariami hakugiqtumik sikuuqvitigut nunallaamilu paatnaqatigiiqhatigut.