Havaktingit

You are here

Piqaqnit Kivgaqtit

Ilihaqtauyakhanut Naunaitkutit Ilihaudjutikhanullu Ikayuutikhat

Nunavunmi Ilihaidjutikhat

Pivalliadjutaa Nunavunmi Ilihaidjutikhat havaarilluarivagait Ilihautikhaat Ilihakviknilu Ikayuutikhat havgviata. Uuma ilagiyaa qanuq piliurutaa, pivalliadjutaa, atuliklugu naunaiyaklugulu Ilihaudjutikhanut Ikayuutikhat atuqtakhainut ilihaqtauyakhanullu naunaitkutainik, ilihaidjutikhanut Ikayuutikhanullu ilihaqtunut, ilihaiyinut aulapkaiyinullu, tahapkunungalu ikayuqtukhauyunut tamainnut ilihaudjutikhainut iliharviuyunut.

Ilihaqtauyakhanut Naunaitkutait

Ilihaqtauyakhanut Naunaitkutait tainiq atuqtauvaktuq kangiqhidjutigivlugit ayuiqhimayait, havakpagait, Idjuhiit piumayumayaillut ilihaqtut ilihaqtakhait ilihaqhutik. Ilihaqtauyakhanut Naunaitkutait piliuqhimayut ikayuutikhainut ilihaqtunut iniqtirianginni inmik pittaaqtamingnut hivunighaliurutigillu inmikkut, ilamingnut nunallaamingnullu.

Ilihaktauyakhanut Havagvia havaariyaat pivalliadjutikhat ihuaqhaidjutikhat havaktauyakhallu tamainnik ilihaudjutikhainut naunaitkutikhainut, Tunngavikhanut titiqqat, ilihaiyit atuqtakhait, ilihaqtunullu ilihaudjutikhat atuqtakhait pidjutauyut ilihaqtakhainut tamainnut ilihaqniinnut (K-mit 12-mut) tahapkunani Nunavunmi ilihaqtunut iliharviuyuni.

Havagviuyuq munarivagait taimaa tamaita ilihaudjutikhat atuqtauyut Nunavunmi iliharvikni ihuaqtukhauyut ilihaudjutimut nakuukpiaktumik havaktakhainut, Inuit Qaujimajatuqangit, ihuaqtullu pidjutikhait Ilinniaqtuliqiyikkut.

Ayuiqhaidjutikhat

Ayuiqhaidjutikhat naunaiktait ihuaqhariikhimayut ilihautikhat ilihaqtaaktait ilauniarungnaqhiyut aallanut ilihaudjutikhanut. Piumayamingnut atuqlugit ayuiqhautikhat ihuaqhaiyaamingni ilihaudjutikhainnit ilihaqtaaktait qanuqlu ayuiqhaidjutait ikayuutigilugit ilihaqtunut kangiqhiyaanginni pidjutauvaktunut aallatqiinut ilihaidjutigiyainut qanuriliurutikhanullu pidjutaunuaktunut ihuaqtumik atuqtakhainik ilihaqtamingnut nutaanik ilihaqtakhanik.

Ilihaidjutigiyakhait

Ilihaidjutikhait naunaikhiyait hunanik ilihaqtut ilihaqtakhariyait piyakhaillu ilihaidjutilluanganut ilihaqnianganullu. Ilihaudjutauvaktut naunaikpagait takuyumayamingnik naunairiikhimayunillu piyakhanut atuqtauniaqtunut ikayuutigilugit ilihaqtunut ihuaqtumik iniqhiyaamingni pinahuaqtamingnut.

Ilihaidjutikhanut Ikayuutikhat

Ilihaudjutikhanut ikayuutikhat ilihaudjutikhat piliuqhimayuq ikayuqlugit ilihaiyit ihuaqtumik ilihaqtittivagianginni ilihaqtittiyamingnut. Ikayuutikhat aallatqiit ihuaqhaqhimayut ilihaudjutikhainut. Ikayuutikhallu atuyinnarialgit ilihaiyit ilihaqtittivlugit maliktakhainut ikayuutauvaktulluunniit piksasuuliuqhimayutut hulilukaarutillu maliktakhat ikayuutigilugit ilihainikkut pivaktainut.

Angiqtauhimayut ilihaudjutikhainut naunaitkutat ilangillu ikayuutikhat takuinnarialgit ilihaqniitigut qaritauyakkut takuyakturviinni ataani.

2015-16 Nunavunmi Angiqtauhimayut Ilihautikhanut Naunaitkutait Ilihaiyinullu Ikayuutikhat (tamaat titiraq)

 

Ilaitigut /ilihaqniitigut:

Hivulliq Uqautigiyaa

Qayangnaitkutikhat Iliharvikni

Ilihariaktulihaaktunut

Ilihaqnia 1

Ilihaqnia 2

Ilihaqnia 3

Ilihaqnia 4

Ilihaqnia 5

Ilihaqnia 6

Ilihaqnia 7

Ilihaqnia 8

Ilihaqnia 9

Ilihaqnia 10

Ilihaqnia 11

Ilihaqnia 12

Uiviititut Ilihaidjutikhat

 

Pingahuatigut ilauyunit piumayut ihuaqhiyumavlugit Ilihaidjutikhanik

Ilinniaqtuliqiyikkut apiqhukhiktaunginnakpaktut ikayukuvlugit, havaqatigiiklutik naunaiyaklugillu ilihaudjutikhanik ilihautigiyainikluunniit ilaukuvlugit iliharvikmi taimaa Nunavut angiqhimangmagit ilihaudjutikhainut naunaitkutit ikayuutikhallu. Nutaanguqtirhugu Ilihaidjutikhanut Naunaitkutait havaqatigivlugillu paanariiktut havagviit pidjutikhaqarianginni havaqatigiigutikhanut havagviuyuklu ikayuqtauyaamingni ayuittiaqtunit pilimaitaraluamingnik.

Aallangnuqtirutit Ilihaidjutikhanut piliuqtauyakhauyut ukunungainaq Ilinniaqtuliqiyikkut. Kiuyaamingni pitquyauhimayanut ahinit ilauqatigiiktunit, havagviuyuq piliuqtaat havaktauyakhanut naiklilaaqhimayuq titiraq tuniyakhaq ihumagiyakhaallu ukunanit Ilihaqtakhanut Naunaitkutikhainut Havagvia. Naunaiyaidjutiniq kiudjutikhanullu piumayaat una 60-nit 90-nut ubluni.

Ilihautikhanut Education Program Modification Project Summary qaritauyakkut piinarialik hamani. Iniqhimayuq titiraq tuyuinnarialik uumunga info.edu@gov.nu.ca.

Nunallaami ilihaidjutikhat

Ilinniaqtuliqiyikkut ikayuutigivagait nunallaami ilihaidjutikhat piliuqhimayut pivalliadjutigilugit naunaiktillugillu aallangayut ayuiqhimayait, iliharumayait, piumayait pittaaqtangillu ilihaqtut ikayuutigilugit ilihautinut ihuaqhiyuumidjutikhat nakuukpiaktumiklu iliharianginni atuqlugit nakuukpiaktumik ilihaudjutikhanik nunamingni.

Nunallaami ilihaidjutikhat angiqtauvaktut Ministanganit Ilinniaqtuliqiyikkut tahapkunani pidjutigiyauyuni angiyunut aallannguqtirutinut angiqtauhimayunut ilihautikhanut nutaanikluunniit piyakhainut ihuaqtumik havakpagianginni ilihainikkut piyumayainut ilihaqtut Nunavunmi. Apiqhiyut ihuaqhaiyumavlutik piliuqlutikluunniit nutaanik ilihaudjutikhanik maliktakhauyut havagviup maliqutainut havaktakhainullu.

Ilihainahuaq nunallaami ilihaidjutikhanut aullaqtilimaittut angiqtautinnatik Ministamit. Apiqhidjutikhait piyauyukhat qaangiktinnagu Tattiaqnaqvia 1 upinngaami ilihaliqqata unalu Qitiqqauyaqvia 1 ukiaqhami ilihaliqqata.

Iliharvik piliurumagumik naunairiikhimayumik ilihaudjutikhamik ilihaidjutauyumut, iliharvik autqtakhaat nunallaami ilihaidjutikhanut maliktakhait pivalliadjutikhanut angiktaudjutinullu. Uqaqvigilugu info.edu@gov.nu.ca.

Qaritauyakkut pilugu Nunallaami Ilihaidjutikhat titiraq hamani. Iniqhimayut titiqqat tuyuinnarialgit uumunga talvunga info.edu@gov.nu.ca