Havaktingit

You are here

Taiguangnirmun Titirangnirmunlu Pinahuarut

Taiguangniq titirangnirmunlu ayuittatik tungaviuyut ilihaqtup iniktirutaaminut. Ihivriurutit takudjutauyut havaktaulluanggitut taiguangnirmun titirangnirmunlu ayuiqhautainni taamna ihumagilluaqtauyuqhaq huuq ilihaqtut iniktiriyuittait ilihagutait an’ngayuqhiit ilihaqviinni.  Nunavut Kavamanga hivuniqhaa imaa ittuq amigaiqyuummigumaplugit nampait iniktiqtunik ilihangnikkut upalunggaiyaqhimaplutiklu hivuliqtiunirmun ilangmingni, nunagiyainni, taavunggaraaluklu.

 

Nunavutip Taiguangnirmun Titirangnirmunlu K mit- 12 mut piviqhaqaqtuq ihivriungnirmun, takudjutinnaktuniklu, nakuuqpiaqtunik atuqtauvaktunik ilihangnirmun naalangnirmun, uqangnirmun, taiguangnirmun, titirangnirmunlu nakuuhivalliayaami taiguangnirmun titirangnirmunlu. Ihumaliutqiqtauyuqhat naunaiqhimayut Havaaqhani piqaqhutiklu ikayuutiqhanik makpiraanik atuqtauniaqtut tamaani ilihangnitigut ilinniaqviinnaknilu.

 

Tamaita ilihaiyit, tamaini ilinniarviinni, ilihaiyiuyut uqauhirmut. Nunavunmi ilihaidjutit, tamaini uqauhirni ilihaidjutinun, tunihiyut piyaqhanik ilihaiyinun hivuliqtiyaami, piqunahuaqhugit, akitaqhimaaqhugit ilihaqtut ilitpaliayaangini miqhaagun iniqtirnimun, inmikuungnirmik, inuuhirmingnun taiguangnirmun titirangnirmunlu ayuiqhayut.