Havaktingit

You are here

COVID-19 Havagviat Ilinniaqtuliqijikkut kivgaqtuutikhait ilitturipkaidjutit

Januali 14, 2021

COVID-19 Qalagjuarnikkut GN-kunnin Nutaamik Tuhaqtidjutaa - Januali 14, 2021

Ilinniaqtuliqiiyitkut Havagviit

K-12 Sikuuqviit

Ublumimut, Ilinniaqtuliriiyitkut piyut 2,300 talvamit 3,000 nit qaritauyakkuugutiqhanik niuviktauhimayunik maningnik ikayuqtauplutik Kavamainnit Kanatap ikayuutiqhanut ahiqpani ayuiqhanikkut.

Havagviata amigaittuni-pivikhaqaqtut upalunggaiyainirmun pivikhaqariami qaritauyaliqidjutinik piqutait piyaami sikuuqviinnut piliqtut hadja.

Talvani Hivulliqpaami 1, Ilinniaqtut Grades 11 12 milu ilihaqtut ilihaiyitlu hivulliutigiyauyut.

  • Talvani Hivulliqpaami 1 agyangnikkut piyut December 2020 mi pidjutihimmaaqhutiklu January atuqtillugu. Atauttimun 1433 qaritauyakkuugutiqhat agyaqtauyut:
    • Kitikmeot 246 piqutinik
    • Kivalliq 618 piqutinik
    • Qikiqtani 569 piqutinik (talvaunggittuq Iqaluit, ilikkuungniaqtut).
  • Talvani Hivulliqpaami 2, Ilinniaqtut Grades 10 12 milu ilihaqtut ilihaiyitlu hivulliutigiyauyut. 
    • Talvani 2 agyangniaqtut atuliqhaaliqqat February havagvialu upalunggaiyagiiqhimayut agyariami kaffiuyungnaqhiyut 926 nik piqutinik tamaani nunaptingni.

 

Nunavunmiutat aanniaqtailidjutait atauttikkut munaridjutigiyavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin. 

 


Havagviat Ilinniaqtuliqijikkut

K-12 Iliharviit

Naunaiqtgaujut pitqujanginik Atanilluaq Inungnun Aanniaqtailinikkut Havakti,talvanga Aippunmit, Januali 12, 2021, iliharviit nunallaani titiraqhimajut ataani nuuttut hapkununga qaninga:

  • Arviat Tikirarjuaqmilu – Qanurininga 3
  • Tamaita aallat Nunavunmi Iliharviit –Qanurininga 2.

Nutaanik ilitturpkaidjutinik nunallaani qanurinninginni takujauttaaqtuq uvani Ilinniaqtuliqijikkut Havagviani qaritaujakkuurutaani: https://gov.nu.ca/education/information/2020-21-opening-plan-nunavut-sch....

Qanurinninga 3 - Arviat unalu Tikirarjuaq

Iliharviit Arviani Tikirarjuamilu angmarniaqtun Aippiunmi, Januali 12, 2021.

  • Nahurijaujut nuutirniarunaqhijut upalungaijarlutik utirvikhanik iiharvingmun ilihaqtun havaktiillu.
  • Nukaqhiit iliharvianni ilihaqtut Arviani, Tikirarjuarmillu aturniaqtut tamagingnik iliharvingni ungakhiktukkut iliharnirmik. Ilihaqtut ilihariaqtuqpangniaqtut pingahuni ubluni atauhirmi havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 3 qanuriliurutikhangit upalungaijautit.
  • Nukaqhiit angajukhiillu iliharvianni ilihaqtut Arviani, Tikirarjuarmillu aturniaqtut tamagingnik iliharvingni ungakhiktukkut iliharnirmik. Ilihaqtut ilihariaqtuqpangniaqtut malrungni ubluni atauhirmi havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 3 qanuriliurutikhangit upalungaijautit.
     

Ilihalihaaqtunun Iliharviit Nutaqqiqiviillu

Talvanga Aippiunmi, Januali 12, 2021, nutaqqiqiviit tamainni Nunauvnmi nunallaani, kihiani Arviami Tikirarjuamilu, angmaqtaaqtun ataani tadja aanniaqtailinikkut aanniqtailinikkullu maligutainni qanuriliurutainnilu.

Maniktarvikhat Ikayuutikhat Nunavunmi Ilihaqtunut (FANS)

Talvanga Aippiunmi, Januali 12, 2021, Maniktarvikhat Ikajuutikhat Nunavunmi Ilihaqtunut (FANS) havagviat Arviani angmarniaqtuq havaktiinun ataani tadja aanniaqtailinirmun qajangnaittumiklu maliktakhangit maliqatqujauhimajullu.

FANS havaktingit havakhimmaktun tuniuqhaiplutik kivgaqtuidjutikhanginun ilaujut:

  • Havaktaunikhanik maniktarvikhait uuktuutiit.
  • Tingmijumajunit tukhiutit.
  • .Tuyuqtakhait akiliktauyukhat
  • Kiudjutit titirauhirnun.

Tamaita apiqhuutaujut FANS-kut qaritaujakkut titirarvigilugit fans@gov.nu.ca. Kiudjutingit kajuumitqijauniaqtut hivuanit haffuma aullaninganit.

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.


COVID-19 Qalagjuarnikkut GN-kunnin Nutaamik Tuhaqtidjutaa - Januali 5, 2021

Ilinniaqtuliqijikkut Havagvia

K-12 Iliharviit

Talvannga Hivulliunmin, Januali 4, 2021, iliharviit nunallaani titiraqhimajuni ataani nuutirniaqtun hapkununga qanurinninginnun:

  • Tikirarjuaq - Qanurinninga 4.
  • Rankin Inlet – Qanurinninga 2.

Arviani iliharviit aulahimajun talvani Qanurinninga 4mi. Tamaita aallat Nunavunmi iliharviit talvaniittun Qanurininga 2mi.

Nutaanik ilitturpkaidjutinik nunallaani qanurinninginni takujauttaaqtuq uvani Ilinniaqtuliqijikkut Havagviani qaritaujakkuurutaani: https://gov.nu.ca/education/information/2020-21-opening-plan-nunavut-sch....

Qanurinninga 4 – Tikirarjuaq

  • Talvannga Hivulliunmin, Januali 4, 2021, Inugiak Iliharvik Tikirarjuami atuqtipkalirniaqtuaa una Qanurinningani 4mi hulijakhakkut hivunikhaq.
  • Inugiak Iliharvik Tikirarjuarmi umikhimahimmaarniaqtuq tuhaatinngagin uumannga Atanilluaq Inungnun Aanniaqtailinikkut Havaktimin.
  • Tamaita iliharutikhat Tikirarjuami havaktauniaqtut ungahiktukkut.
  • Ilihaijiit iliharvingmilu havaktiit hivajaqattarniaqtait ilihaqtun ilaillu qakugunguhagaangat.

Qanurinninga 2 – Kangiqliniq

  • Talvannga Hivulliunmin, Januali 4, 2021, nukarhiinnun iliharviinni Kangiqlinirmi angmarniaqtun ubluq-tamaat, tallimani ubluni havainirmi.
  • Talvannga Hivulliunmin, Januali 4, 2021, akulliinnun angajukhiinnullu iliharviit Kangiqlinirmi piqarniaqtun naliinnik iliharvingmiittukkut ungahiktukkulluunniit iliharutinik. Ilihaqtun ilihariaqturniaqtuq 2-3 ubluni atauhirmi havainirmi. Naunaijarhimajun ublukhait ihumaliuqtauniaqtun tamainni iliharvingni Qanuriningani 2mi hulijukhakkut hivunikhami.

Ilihalihaaqtunun Iliharviit Nutaqqiqiviillu

Nutaqqiqiviit Tikirarjuami Arvianilu pitqujauhimajun umikhimahimmaarlutik uumannga Atanilluaq Inungnun Aanniaqtailinikkut Havaktimin.
Uqautainnin Atanilluaq Inungnun Aanniaqtailinikkut Havaktimin, nutaqqiqiviit tamainni Nunauvnmi nunallaani, kihiani Tikirarjuami Arviamilu, angmaqtaaqtun ataani tadja aanniaqtailinikkut aanniqtailinikkullu maligutainni qanuriliurutainnilu.

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.


COVID-19 Qalagjuarnikkut GN-kunnin Nutaamik Tuhaqtidjutaa - December 14, 2020

Ilinniaqtuliqijikkut Havagvia

Ihuaqhaqtauhimajut havagutit:

Ilihaqtunut Iniqtirutit Titiraqtakhat

Ilihaqtunut Iniqtirutit titiraqtakhat ukuat Nunavunmi ilihaqtut uukturumagumik piumagumik kihiani iliharvikhani uumani 2020-21 iliharniup ukiungani.

Naunaittiarutikhanik ihuaqtumik atuqtakhanginik piliuqtaujangini tamainnun ilihaqtunun, ihumalurutikhat ilaujumagumik titiraqtakhanik uqaqqatigiiklutik qanurilurutikhanik ilihaqtup angajuqqangit/munaqtigijaillu. Tamaita iliharviit tujuqtauhimajut taffuminga January 2021 ilaudjutikhanik uvani Tallimiunmi, December 11, 2020.

Ilihaqtut titirarumajut taffuminga January 2021 iniqtirutit titiraqtakhat iniqtitirijukhat ilaudjutikhamik titiqqamik imaalu tunilugu atan'ngujamingnut qilamiurlutik. Ilihaqtut pilluarumajut titirarlugit iniqtirutit titiraqtakhat ihuaringitkumikku ilihaqtanut naunaitkutit uuktuffaalimaittut titirarlugit kinguagut iniqttirutit titiraqtauvikhat ublua qangiqqan.

Ilihaqtut titirarrumangitkumik iniqtirutit titiraqtakhat tunijauniaqtut ilaudjutikhamik, imaalu ilihaqtakhamingnik naunaitkutait titiraqtauniaqtut imaatut 100% kingulirmik naunaitkutikhanik.

Ilihaqtut uukturumagumik iliharumagumik ilihaqpaalirvingni iliharnirmik akhuukhaqtaujut naunaijailutik ilaudjutikhanut puqtuniinik pitqujauhimajut ilihaqtakhanut uuktumajamingnik, titiraqhimaitkungni iniqtirutit titiraqtakhat ihuirutauniaqtuq angiqtaudjutikhanut qanurininganut.


COVID-19 Qalagjuarnikkut GN-kunnin Nutaamik Tuhaqtidjutaa - December 11, 2020

Ilinniaqtuliqijikkut Havagvia

Qaritaujakkuurutikhat Tuniuhainikkut Nutaaq Ilitturipkaidjuti

Qaritaujakkuurutikhat hunat tuniuhaqtauniaqtun tamainnun Puqtujuniittuni 11mi 12milu ilihaqtuni ilihaijinullu.

  • Tamaita qaritaujakkuuruti ittukhat iliharvingni talvunga nunallaaq nuutiutaanun Qanurinnirmun 4mun.
  • Iliharvingmi havaktiit tunijaaqtait qaritaujakkuurutit ilihaqtunun tadjainnaq hivuagun qujaginnaq iliharvingni umiktirutainnun.

Havagvik piqarniqtuq naamajunik qaritaujakkuurutikhanik ikajuriami tamaita Puqtujuniittun 11mi 12milu lihaqtun ilihaijingillu talvuuna nunguliqqat December.

Taimaat amigailiqtun qaritaujakkuurutit pihimajauliqqata ihuarhaqtauplutiklu, tuniqattaqtauhungujun aallanun puqtujuniittunun ikajurnikkut ungahiktukkut iliharutikhanik.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.


COVID-19 Qalagjuarnikkut GN-kunnin Nutaamik Tuhaqtidjutaa - December 4, 2020

Havagviat Ilinniaqtuliqijikkut

Aulahimaaqtun kivgaqtuutit:

K-12 Iliharviit

Arviat

Ikajuutikhanik unungahiktukkut iliharnirmik Arviani, Havagviat Ilinniaqtuliqijikkut aullaqtitijut Ikiakkuurutikhanik atuinnarialingnik iPads ukuat Puqtuniq 11 unalu 12 ilihaqtunut Puqtuniq 11 unalu 12 ilihaijit. Tamaita iPads piqarniaqtut ikiakkuruutikhanik atugakhat atuqtaaqtut qaritaujakkut iliharnirmik. Hapkuat atuqtakhat tujuutaujut Arvianut uumani December 6, 2020.

Maniktarvikhat Ikayuutikhat Nunavunmi Ilihaqtunut (FANS)

Maniktarvikhat Ikayuutikhat Nunavunmi Ilihaqtunut (FANS) havaktiit tuniuqhaihimmaarniaqtut ikajuutikhainnik ilaujut:

  • Havaktaunikhanik maniktarvikhait uuktuutiit;
  • Tingmijumajunit tukhiutit;
  • Tujuqtakhait akiliktaujut; imaalu,
  • Kiudjutit titirauhirnun.

Tamaita apiqhuutaujut FANS-kut qaritaujakkut titirarvigilugit fans@gov.nu.ca. Kiudjutingit kajuumitqijauniaqtut hivuanit.

Umikhimaniaqtun/Nutqaqtitauniaqtun/Taimaaqtitaujut ikajuutikhat:

Maniktarvikhat Ikayuutikhat Nunavunmi Ilihaqtunut (FANS)

FANS havagviat igluqpaq Arviani hadja umikhimajuq inungnut kihiani tuhaqtitaukpata.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.


COVID-19 Qalagjuarnikkut GN-kunnin Nutaamik Tuhaqtidjuta - December 2, 2020

Havagviat Ilinniaqtuliqijikkut

Umikhimaniaqtun/Nutqaqtitauniaqtun/Taimaaqtitaujut ikajuutikhat:

Qanurininga 4 - Arviat

Tamaita iliharviit talvani Arviani atulirniaqtut Qanurininga 4 qanuriliurutikhamingnik upalungaujautinik ukuallu tamaita iliharviit talvani Arviani umikhimaniaqtut tuhaqtitaugumik kihiani taffumanga Atanilluaq Nunalaani Aanniaqtailinikkut Havaktimit. Tamaita ilihaudjidjutikhangit Arviani havaktauniaqtut ungahiktukkut imaalu ilihaijit/iliharviup havaktiit hivajarniaqtait ilihaqtut angajuqqangillu qakugunguraikpat.

Ihuaqhaqtauhimajut kivgaqtuutit:

K-12 Iliharviit

Aullaqtirlutik December 2, 2020, Nunavunmi iliharviit nuutirniaqtut hapkununga qanuriningit:

  • Qanurininga 3 – Kangiqlinirmi, Tikirarjuarmillu
  • Qanurininga 2 – Tamainni aallani Nunavunmi iliharviit

Qanurininga 3 - Kangiqlinirmi, Tikirarjuarmillu

 Talvanga December 2, 2020:

  • Nukaqhiit iliharvianni ilihaqtut Kangiqlinirmi, Tikirarjuarmillu aturniaqtut tamagingnik iliharvingni ungakhiktukkut iliharnirmik. Ilihaqtut ilihariaqtuqpangniaqtut pingahuni ubluni atauhirmi havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 3 qanuriliurutikhangit upalungaijautit.
  • Akkuliit angajukhiit iliharvianni ilihaqtut Kangiqlinirmi, Tikirarjuarmillu aturniaqtut tamagingnik iliharvingni ungakhiktukkut iliharnirmik. Ilihaqtut ilihariaqtuqpangniaqtut malrungni ubluni atauhirmi havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 3 qanuriliurutikhangit upalungaijautit.

Qanurininga 2 - Tamarmik Nunavunmi nunallaani, tapkuangungittut Arviani, Kangiqlinirmi, Tikirarjuarmi

Talvanga December 2, 2020:

  • Nukaqhiit iliharviit tamainni Nunavunmi nunallaani, kihimik nunangani Arviat, Kangiqlinirmi, Tikirarjuarmillu, angmaqtut ubluq tamaat, tallimat ublut havainirmi.
  • Akkuliit angajukhiit iliharvianni tamainni nunallaani, kihimik nunangani Arviat, Kangiqlinirmi, Tikirarjuarmillu, aturniaqtut tamagingnik iliharvingni ungakhiktukkut iliharnirmik. Ilihaqtut iliharviinni 2-3 ubluni havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 2 qanuriliurutikhangit upalungaijautit.

Nutaangurniit nunangani qaniriningit takupkaqtauvangniaqtut uvani Havagviat Ilinniaqtuliqijikkut qaritaujakkuurutaani: https://gov.nu.ca/education/information/2020-21-opening-plan-nunavut-sch....

Ilihalihaaqtut Nutaqqat Nutaqqaniklu Munaqhiviit

  • Talvuuna aulaniqalirman aanniarutmik COVID-19 Qalagjuarnirmik, nutaqqangit munagidjutikharnik igluqpainik Arviani umikhimaniaqtun talvanga atuquyainik Atanilluaq Inungnun Aanniaqtailinikkut Havaktimin. Nunavut Kavamangit maniktaqvikhangit laisiliqiyaangat nutaqqanik munaridjutikharnik igluqpangnik Arviani aulaniaqtun.
  • Pilirlutik December 2, 2020, tamarmik nutaqqiqiviit munaqtauviit Nunavunmi nunallaani, kihimik nunangani Arviani, angmarniaqtut ataani tadja aanniaqtailinikkut qajangnaittumiklu maliktakhat ukuallu can open under current health and safety guidelines and maliktaujarialiit.

Edsby tuhaqtidjutit

29 ukunanga 45 iliharviit’ ilihaqtut atiliuurvikhangit ihuaqhijaujut atuinnarialaqijut. Tapkuat 16 iniqhimaittut iliharviit havaktauliqtut imaaluuniit iniqtauhimaittut huli.

 


COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 27, 2020

Havagviat Ilinniaqtuliqijikkut

Tuhaqtitaujugut kavamatuqatkunit uvani Hikutirvia 25, Nunavut Kavamanga tunijaujut aallamik maningmik ikajuutikhanik un'ngahitukkut iliharnirmik. 

Haffuminga maningmik hailijuq imaatut aktijgijuq $1.18M, Havagviat Ilinniaqtuliqijikkut niuvvitniaqhimajut hapkuninga:

  • 2,192 devices (Avikhimajut tamagingnut Chromebooks ukuallu Apple iPads)
  • 2,192 mobile ikiakkurutit ilittaaqtut
  • 350 ahirulaittut puut w/naqitautit atuqtakhat iPads-nut

Devices ukuallu ikiakkurutit ilittaaqtut tujuutauniaqtut ilihaqtunut imaalu iliharviit havaktiinut aktuqtauhimajunut nunallaanut. Hapkuat devices ailaujut hapkununga 3,000 devices niuvviktaujariikhimajut ilinniaqtuliqijikkunit.


COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 25, 2020

Havagviat Ilinniaqtuliqijikkut

Nutaat piliurningat ilihautikhanik/ kivgaqtuidjutikhangit:

  • Inuum atimajakhait qajagidjutikhat (PPE) tujuutauniaqtut iliharviinnut aqaguanni havainnirmi ikajurahuarutikhanik aullaranginnaqtunut aanniaqtailinikkut qajangnaittumiklu. Tujuutikhangit Ausuittumut kinguvaktivjangniarunaqhijut pidjutigiplugit tingmitit aullarvikhangit. Hapkuat Inuum atimajakhait qajagidjutikhat (PPE) ilaujut:
    • Kiinarmut aktuqtailitjutit (aturnikhanut maliktakhat tamainni ilitarijauhimajut uqauhiit);
    • Igittaaktut akkuliangnut matut; imaalu
    • Algaat.

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.


COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 23, 2020

Havagviat Ilinniaqtuliqijikkut

Nutaat piliurningat ilihautikhanik/ kivgaqtuidjutikhangit:

Edsby qaritaujakkut iliharnirmik atuqtakhangit:

  • Tamarmik havaktingit ajuiqhaqtut iniqtut.
  • Tamarmik havaktingit atiliurvikhangit atuqtaunginarialaqijut.
  • Tamarmik ilihaqtut atiliurvikhangit ilautqudjutikhangit tujuutaujut.
  • Ilihaqtut atiliurvikhangit havaktauliqtut atuqtauginarialaqijanginni.
  • Ilihaqtup atiliurvikhanga iniqtaukpat, angajuqqangata atiliurvikhanga ihuaqhaqtauniaqtuq atuqtaunginarialaqijangani.
    • Tapkuanginait tunihihimajuq angajuqqat iliharvingmut qaritaujakkut titirarvikhamik tunijauniaqtut Edsby atiliurvikhanik atuqtaunginarialaqijangani.

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.


COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 18, 2020

Havagviat Ilinniaqtuliqijikkut

Umikhimaniaqtun/Nutqaqtitauniaqtun/Taimaaqtitaujut ikajuutikhat:

Ilihalihaaqtut Nutaqqat Nutaqqaniklu Munaqhiviit

  • Pingattiunmit, Hikutirvia18, 2020, tamaita all Nunavunmi nutaqqiqiviit igluqpait umiktut.
  • Ilangit nutaqqiqiviit igluqpait angmaniarunaqhijut angmayaangini nutarainun taopkua ihariagiyauyut havaktit.

 


COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 16, 2020

Havagviat Ilinniaqtuliqijikkut

Umikhimaniaqtun/Nutqaqtitauniaqtun/Taimaaqtitaujut ikajuutikhat:

K-12 Iliharviit

  • Malikugu Atanilluaq Inungnun Aanniaqtailinikkut Havakti, tgalvanga Pingattiut, Hikutirvia 18, 2020, tamaita ilihaviit nuutpalliajut talvuna Qanurininga 4: Nanauqtauhimajut Aannialiqtut imaalu Nunangani Hiamitiqtuq aanniarut COVID-19 qalagjuarnirmik Qalagjuarniq hivunirmi ilituripkaktauffaarniaqtugut.
  • Talvanga Pingatiunmi, Hikutirvia 18, 2020, tamarmik Nunavut iliharviit atulirniaqtut Qanurininga 4 qanuriliurutikhat upalungaijautikhat, imaali ikajurahuarlugit un'ngahiktukkut iliharnirmik tamaiknut ilihaqtunut. 
  • Aullaqtirlutik Pingatiunmi, Hikutirvia 18, Tamita iliharviit Kivallirmi avikturnianni umiktut ilihaqtunut, havaktinut, inungnullu kihiani qakugu ilitturipkaqtaugumik Atanilluaq Nunalaani Aanniaqtailinikkut Havaktimit.
  • Tamaita ilihaqtut ilihaudjauniaqtut havaktaulutik unngakhiktukkut.
  • Unngahiktukkut iiharniq havaktauniaqtuq maliqalugit qanuriliurutikhat upalungaijautikhat iatuliqtaujut iliharviup havaktiinit, imaalu havaglutik aallatqiiktunik titiqqanik tunngajunik ihariagijainnut iihaqtut.
  • Ilihaijiit/iliharviit havaktingit hivajarniaqtait ilihaqtitatik ilagiillu qakugunnuaq.
  • Nutaangurniit nunangani qaniriningit takupkaqtauvangniaqtut uvani Havagviat Ilinniaqtuliqijikkut qaritaujakkuurutaani: https://gov.nu.ca/education/information/2020-21-opening-plan-nunavut-sch...
  • Una umikhimadjutaa pilimaituq hulaqutauluni havaktit akiliuhianginun.
  • DEA-kut havaktingit maliktukhat pitqujainnik CPHO-mitas pidjutiqaqtunik havagiakturvikhanut havagvingmingnut.
  • Maniliqtuutikhangit DEA-kut ajurnautiqalimaittut, ukuallu DEA-kut akhuuqhaqtaujut akiliqtuqhimmaarlugit havaktitik pidjuhimiktut.

Ilihalihaaqtut Nutaqqat Nutaqqaniklu Munaqhiviit

  • Malikugu Atanilluaq Inungnun Aanniaqtailinikkut Havakti,, talvanga Pingatiunmi, Hikutirvia 18, 2020, tamaita Nunavunmi nutaqqiqiviit umingniaqtun.
  • Nunavut Kavamangit maniktaqvikhangit laisiliqiyaangat nutaqqanik munagidjutikharnik igluqpangnik aulaniaqtun.

 

Nunavunmi Inirnirit Iliharviat (NAC) Kivgaqtuutikhait

Umikhimaniaqtun/Nutqaqtitauniaqtun/Taimaaqtitaujut ikajuutikhat:

  • Nunavunmi Inirnirit Ilihaapaalirviitnuuniaqtun Qanurininga 4/naunaitkutaa aupajaqaqtuq oumani f its angmaffaarnikkut upalungaijautikhat tamainni avikturnianni.
  • NAC igluqpait umikhimahimmaarniaqtun inungnun ilihaqtunullu.
  • Ilihaqtakhat nuutauniaqtut unngahiktukkut liharnirmik, pijuminaqqan.
  • NAC igluqpait pillaviuniaqtun ihariagijauqpiaktuinnarnit havaktinit. Matukhamik aturiaqaqtut igluqpangni.
  • Iniqtiutikhamingnik upalungaijautikhangit ilihaqtunut 2020 nutqaqtaujut pipkaqtauniaqtut qakugunguqqan.
  • Ihariagijaungittut aullarniq pitqujaungittut, kitkut ilaujut NAC -kuni havaqatigiiktunut pijariaqarumik aullarnirmik hivah-jaqtujhat atan'ngujamingnut.
  • Ilihaqtut akhuuqhaqtaujut auulahimaittumik najugamingni tadjakaffuk.
     

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 13, 2020

Havagviat Ilinniaqtuliqijikkut

Kivallirmi avikturnianni

K-12 Iliharviit

  • Malikhugu Nunavunmi Atanilluaq Nunalaani Aanniaqtailinikkut Havaktimin, tamaita Kivallirmi avikturnianni ilharviit uvaniiliqtut Qaniurininga 4: Nanauqtauhimajut Aannialiqtut imaalu Nunangani Hiamitiqtuq aanniarut COVID-19 Qalagjuarniq hivunirmi ilituripkaktauffaarniaqtugut.
  • Tamaita iliharviit Kivallirmi avikturnianni (Arviat, Qamaittuaq, Igluligaarjuk, Salliq, Naujaat, hamanillu Tikirarjuaq) atulirnialiqtun Qaniurininga 4 qanuriliurutikhamingnik upalungajautikhanik.
  • Tamita iliharviit Kivallirmi avikturnianni umiktut ilihaqtunut, havaktinut, inungnullu kihiani qakugu ilitturipkaqtaugumik Atanilluaq Nunalaani Aanniaqtailinikkut Havaktimit.
  • Tamaita ilihaidjutikhangit Kivallirmi avikturnianni havaktauniaqtut unngahiktukkut.
  • Ungahiktukkut iliharnirmik havaktauniaqtut hivajautikkut imaalu ilihautikhat puuqhimajut atuqtauniaqtut.
  • Ilihaijiit/iliharviit havaktingit hivajarniaqtait ilihaqtitatik ilagiillu qakugunnuaq.
  • Nutaangurniit nunangani qaniriningit takupkaqtauvangniaqtut uvani Havagviat Ilinniaqtuliqijikkut qaritaujakkuurutaani: https://gov.nu.ca/education/information/2020-21-opening-plan-nunavut-sch...
  • Iliharviit umiktaujut Kivallirmi avikturnianni ajuqharunaittut havaktit akiliuhiakhainnik.
  • Ilinniaqtuliqijikkut pitqujait tamaita Kivallirmi avikturnianni Nunallaani Ilinniaqtulirijitkut Katimajiit (DEAs) havaktingit havagiaqtuqtukhaungittut, maliktukhat pitqujainik CPHO-mit.
  • Maniliqtuutikhangit Kivallirmi DEA-kut ajurnautiqalimaittut, ukuallu Kivallirmi avikturnianni DEA-kut akhuuqhaqtaujut akiliqtuqhimmaarlugit havaktitik pidjuhimiktut.

Ilihalihaaqtut Nutaqqat Nutaqqaniklu Munaqhiviit

  • Talvuuna naunaiqtaungmat aanniarutimik COVID-19 qalagjuanirmik Arviani hamanillu Kaniqlinirmi, tamaita Kivallirmi avikturnianni nutaqqiqiviiit igluqpait pitujaujut umiktaujukhat Atanilluaq Inungnun Aanniaqtailinikkut Havaktimin.
  • Nunavut Kavamangit maniktaqvikhangit laisiqaqtunut nutaqqiqiviit igluqpangit Kivallirmi avikturnianni aulaniaqtun iidjuimikkut.

 

Sanikiluaq

K-12 Iliharviit

  • Talvanga Nunavunmi Atanilluaq Nunalaani Aanniaqtailinikkut Havaktimin, Sanikiluarmi iliharviit aullajunaittut uvani Qaniurininga 4: Nanauqtauhimajut Aannialiqtut imaaluuniit Nunangani Hiamitiqtuq aanniarut COVID-19 Qalagjuarniq hivunirmi ilituripkaktauffaarniaqtugut.
  • Tamaita iliharviit Sanikiluarmi umikhimaniaqtun ilihaqtunun, havaktiit, ingununlu hivutunikharnik ilitugipkaktautinanik talvanga Atanilluaq Nunalaani Aanniaqtailinikkut Havaktimin.
  • Qaritaujakkut atuqtakhat ungahiktukkut iliharnirmik tikittut Sanikiluarmi Aippiunmi, Hikutirvia 10. Hapokuat tunijaujut Paatsaali Angajukhiit Iliharviannut ilihaqtunut.

Ilihalihaaqtut Nutaqqat Nutaqqaniklu Munaqhiviit
Talvuuna aulaniqalirman aanniarutmik COVID-19 Qalagjuarnirmik, nutaqqangit munagidjutikharnik igluqpainik Sanikiluarmi umikhimaniaqtun talvanga atuquyainik Atanilluaq Inungnun Aanniaqtailinikkut Havaktimin.

Iqaluit

K-12 Iliharviit

  • Alikhugit Nunavutim Atanilluaq Nunalaani Aanniaqtailinikkut Havaktimit iliharviit Iqalungni (Iqaluit DEA-kut, Apex DEA-kut, unalu CSFN) aullajunaittut uvani Qaniurininga 2: Qajangnakhirjuaqtumik COVID-19 qalagjuarniq Hiamitirninga Avikturniinni, tuhaqtitaulraaqtinnatik.
  • Nukaqhiit iliharviit Iqalungni (Iqaluit DEA-kut, Apex DEA-kut, unalu CSFN) angmaniaqtut ubluq tamaat, tallimani ubluni havainirmi.
  • Akulliit angajukhiit iliharvianni Iqalungni ilihaudjidjuhikhait tamainut iliharlutik iliharvingmi unngahiktukkut iliharnirmik. Ilihaqtut iliharviinni 2-3 ubluni havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 2 qanuriliurutikhangit upalungaijautit.

Ilihalihaaqtut Nutaqqat Nutaqqaniklu Munaqhiviit

  • Maliklugit Atanilluaq Nunalaani Aanniaqtailinikkut Havakti, tamaita nutaqqiqiviit igluqpait Iqalungni angmaniaqtut ataani tadja aanniaqtailinikkut qajangnaittumiklu maliktakhait maliqatqujaujullu.

 

Nunavunmi Inirnirit Iliharviat (NAC) Kivgaqtuutikhait

Kivallirmi Nunallaat & Iqaluit – Qaniurininga 4 - Aupajaaqtuq:

  • Nunavunmi Inirnirit Ilihaapaalirviit igluqpait uniktut inungnut. 
  • Pijumanaqqan, iliharniaqtun ungahiktukkut.
  • NAC-kuni ilihaqtut apirijaujut naunairlugit hivajautit qaritaujakkut titirarvikhait naunaitkutait (hivajautaa nampaa imaalu/imaaluuniit qaritaujakkut titirarvikhat) ilihaijinullu.
  • NAC ilihaqtut, havaktiit, ilihaijillu akhuuqhaqtaujut uaqpaglugit algakkt, inungmit ungahiktilaangitaihimalutilu aanniangaguvit.
  • Pulaarviit ilihaqtut iglugijainnut nutqaqtaujut inungnuc.
  • Qaujihaidjutikhat pidjutiqaqtut hulipkaidjutikhat hapkunani nunallaani apirijaujut nutaqtitaulaktukhat tadjakaffuk ilaudjutikhanik nunallaani.

Iqaluit – Qaniurininga 2- Qurjiiqtaq:

  • NAC-kut igluqpait umiktaujut inungnut ilaujut niriviit taigaurviit (nutannguqtaujuq hivullirmit NAC-kut Angmaffaarutikhanut Upalungaijautit).
  • Iliharvikhait aullahimmarniaqtut huli ihuaqhariiqhimajut.
  • NAC ilihaqtut, havaktiit, ilihaijillu akhuuqhaqtaujut uaqpaglugit algakkt, inungmit ungahiktilaangitaihimalutilu aanniangaguvit.
  • Pulaaqtaililuhi ilihaqtut igluutainnut kihiani ilagiit qanitturiit tadja pulaaqtaaqtut (nutannguqtaujuq hivullirmit NAC-kut Angmaffaarutikhanut Upalungaijautit).
  • Qaujihaidjutikhat pidjutiqaqtut hulipkaidjutikhat nunallaani akhuuqhaqtaujut ihuaqhaitquplugit ilaudjutikhanik nunallaani. 

Havagviat Ilinniaqtuliqijikkut kivgaqtuutikhait ilitturipkaidjutit -  Hikutirvia 12, 2020

Iqalungni hamanillu Kivallirmi avikturnianni, ahianiittut Kangiqlinirmi (Arviat,Qamanittuaq, Igluligaarjuk, Salliq, Naujaat, hamnillu Tikirarjuaq)

K-12 Iliharviit

Maliklugit Nunavunmi Atanilluaq Nunalaani Aanniaqtailinikkut Havaktimit, iliharviit nunanginni Arviat, Qamanittuaq, Igluligaarjuk, Salliq, Naujaat, Tikirarjuaq, hamanillu Iqaluit (Iqaluit DEA-kut, Apex DEA-kut, unalu CSFN) uvaniiliqtut Qanurininga 2: Qajangnakhirjuaqtumik COVID-19 qalagjuarniq Hiamitirninga Avikturniinni, tuhaqtitaulraaqtinnatik.

Iliharviit uvaniKivallirmi hamanillu Iqalungni (Iqaluit DEA, Apex DEA, ukuallu CSFN) aturlirniaqtait piliuqhimajatik Qanurininga 2 qanuriliurutikhangit upalungaijautit. Kangiqlinirmi iliharviit atuliqtitinialiqtut hanaijaqhimajamngnik Qanurininga 4 qanuriliurutikhamingnik upalungaijautikhatik.

Nukakhiit iliharviit nunanginni Arviat, Qamanittuaq, Igluligaarjuk, Salliq, Naujaat, Tikirarjuaq, hamanillu Iqaluit (Iqaluit DEA, Apex DEA, unalu CSFN) angmaniaqtut ubluq tamaat, tallimani ubluni havainirmi.

Akulliit angajukhiit iliharviit nunanginni Arviat, Qamanittuaq, Igluligaarjuk, Salliq, Naujaat, Tikirarjuaq, hamanillu Iqaluit (Iqaluit DEA and CSFN) tamangnik iiharvingmi imaalu unahiktukkut iliharnirmik. Ilihaqtut iliharviinni 2-3 ubluni havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 2 qanuriliurutikhangit upalungaijautit.

Ilihaijiit/iliharviit havaktingit hivajarniaqtait ilihaqtitatik ilagiillu qakugunnuaq.

Nutaangurniit nunangani qaniriningit takupkaqtauvangniaqtut uvani Havagviat Ilinniaqtuliqijikkut qaritaujakkuurutaani: https://gov.nu.ca/education/information/2020-21-opening-plan-nunavut-sch....

DEAs iliharviit uvaniittut Qanurininga 2 umigumaniarunaqhijait iliharviit 1amigaitqijainni ubluni auladjutikhanut pidjutiqaqtunik Qanurininga 2 iliharnirmik. Ilagiit munaqhijukhat tuhaqtitaujukhanik DEA-kunit.

District Education Authority staff in Arviat, ani Aanniaqtailinikkut Havaktimit, iliharviit nunanginni Arviat, Qamanittuaq, Igluligaarjuk, Salliq, Naujaat, Tikirarjuaq, hamanillu Iqaluit uvanillu Apex havagiaktuqtaaqtut ihiariagijaujunut havaakhannuinnaq ihuaqhailutik iliharviip atan'ngujait pidjutiqaqtunik iliharvingmiugaugumik.

Ilihalihaaqtut Nutaqqat Nutaqqaniklu Munaqhiviit

Maliklugit Atanilluaq Nunalaani Aanniaqtailinikkut Havakti, tamaita nutaqqiqiviit igluqpait nunanginni, Arviat, Qamanittuaq, Igluligaarjuk, Salliq, Naujaat, Tikirarjuaq, hamanillu Iqaluit angmaniaqtut ataani tadja aanniaqtailinikkut qajangnaittumiklu maliktakhait maliqatqujaujullu.

 


Havagviat Ilinniaqtuliqijikkut kivgaqtuutikhait ilitturipkaidjutit -  Hikutirvia 11, 2020

K-12 Iliharviit

• Naunaiqtaujuq inungmik aannialiqtumik aanniarunmik COVID-19 qalagjuarnirmik Kangiqlinirmi.
• Talvanga Nunavunmi Atanilluaq Nunalaani Aanniaqtailinikkut Havaktimin, Kangiqlinirmi tadja uvani ittuq Qanurininga 4: Naunaiqhijuq aannialiqtumik COVID-19 qalagjuarnirmik, kihiani qakugu ilitturipkaqtaugumik.
• Iliharviit Kangiqlinirmi atuliqtitinialiqtut hanaijaqhimajamngnik Qanurininga 4 qanuriliurutikhamingnik upalungaijautikhatik.
• Tamita iliharviit Kangiqlinirmi umiktut ilihaqtunut, havaktinut, inungnullu kihiani qakugu ilitturipkaqtaugumik Atanilluaq Nunalaani Aanniaqtailinikkut Havaktimit.
• Tamaita ilihaidjutikhangit Kangiqlinirmi havaktauniaqtut unngahiktukkut.
• Ungahiktukkut iliharnirmik havaktauniaqtut hivajautikkut imaalu ilihautikhat puuqhimajut atuqtauniaqtut.
• Ilihaijiit/iliharviit havaktingit hivajarniaqtait ilihaqtitatik ilagiillu qakugunnuaq.
• Nutaangurniit nunangani qaniriningit takupkaqtauvangniaqtut uvani Havagviat Ilinniaqtuliqijikkut qaritaujakkuurutaani: https://gov.nu.ca/education/information/2020-21-opening-plan-nunavut-sch...
• Iliharviingit umingnitigun Kangiqlinirmi ajuqhautiqalimaittut havaktiit manikharvikhanginnik.
• Havagvingit atuqqujijut taima Kangiqlinirmi Avikturniani linniaqtuliqijikkut Katimajiit (DEA) havaktiit havagiaktuqtukhaungittut.
• Maniliqtuutikhangit Kangiqlinirmi DEA-kut ajurnautiqalimaittut, ukuallu Kangiqlinirmi DEA-kutakhuuqhaqtaujut akiliqtuqhimmaarlugit ihavaktitik pidjuhimiktut.
• DEA-kut havaktiit aallani tamainni Kivallirmi nunallaani (Qanurininga 2 nunallaani) havagiaqtuqtukhat havagvingmingnut ihariagijaukpiaktuinnarnut havaakhanik imaalu ihuaqhailutik iliharviit atan'ngujait pidjutiqaqtunik havaktukhaugumik iliharvingni.

Ilihalihaaqtut Nutaqqat Nutaqqaniklu Munaqhiviit
• Talvuuna naunaiqtaungmat aanniarutimik COVID-19 qalagjuarnirmik, tamaita nutaqqiqiviitigluqpangit Kangiqlinirmi umikhimaniaqtun talvanga atuqujainik Atanilluaq Inungnun Aanniaqtailinikkut Havaktimin.
• Nunavut Kavamangit maniktaqvikhangit laisiqaqtunut nutaqqiqiviit igluqpangit Kangiqlinirmi aulaniaqtun iidjuimikkut.

 


Havagviat Ilinniaqtuliqijikkut kivgaqtuutikhait ilitturipkaidjutit -  Hikutirvia 6, 2020

Ilihalihaaqtunik 12mun Puqtuniqaqtunik iliharviit

  • Malikhugit Nunavunmi Atanilluaq Nunalaani Aanniaqtailinikkut Havaktimin, Sanikilurmiq tadja uvani ittuq Qanurininga 4: Nunangani Hiamitiqtuq aanniarut COVID-19 Qalagjuarniq hivunirmi ilituripkaktauffaarniaqtugut.
  • Aallat nunallaat imaaluuniit iliharviit aktuqtaungittut tadja.
  • Havagviat upalungaijailiqtut ikiaqquurutikhat hanaiqhimajut qaritauijat tujuutauniaqtut ilihaqtunut havaktiinullu talvani Paatsaali Angajukhiit Iliharvianut ikajuutikhanik aullaranginnaqtumik iliharnirmik.
  • Tadja, ilihaqtut havaktingillu taffumani Nuiyak Nukaqhiit Iliharviani tujuqtaulimaittut qaritaujanik, ilinniaqtuliqijitkut utaqqingmata ikkiaqquurutikhanik ihuaqtunik atuqtakhanik qaritaujanut iPad-nut. Ilinniaqtuliqijikkut pikpatigiik imaalu tujuutauniaqtut Sanikiluarmut. Tadja, ungahiktukkut iliharnirmik nukaqhiit iliharvianni tunijauniaqtuq hivajautikkut uqarvigilugit imaalu ilihautikhat puukhimajut.
  • Tamarmik Nunavunmi iliharviit havaktingit, ilaujullu havaktiit Sanikiluarmi, iniqhijut ajuiqhaqtamingnik taffuminga Edsby qaritaujakkut ungahiktukkut iliharnirmik atuqtakhainnik. Ilinniaqtuliqijikkut piniaqhimajut piliurlutik Edsby atiliurvikhanik tapkuat Sanikiluarmni havaktingit iniqhilutik qitiqqukpat havainirmi, imaalu ilihaijit uqarviginiaqtait ilihaqtitatik ilautqulugit taffuminga Edsby.
  • Qajangnaittumik maliktakhangit tuniuqhaidjaudjutikhanik qarijaukkuurutikhat imaalu ilihautikhat puukhimajut tunijauniaqtut iliharviinut.
  • Sanikiluarmi iliharviit tunijauniaqtut aallanik halumaqtirutikhanginnik Tattiarnaqhilirvia, imaalu amigaittunik inuum atimajakhait qajagidjutikhat ( PPE) tujuutauniaqtut Sanikiluarmut ikajuutikhanik tuniuqhaidjutikhanut qaritaujakkuurutikhangit atuqtakhat iliharnikkut puuqhimajunik.
  • Takulugu qanuqtut Havagviat Ilinnaqtuliqijikkut aanniaqtailijait ilihaqtut qajangnaittumik, takulugu gov.nu.ca/education.

 


Havagviat Ilinniaqtuliqijikkut kivgaqtuutikhait ilitturipkaidjutit -  Hikutirvia 6, 2020

Ilihalihaaqtunik 12mun Puqtuniqaqtunik iliharviit

Talvanga Nunavunmi Atanilluaq Nunalaani Aanniaqtailinikkut Havaktimin, Sanikiluaq tadja uvani ittuq Qanurininga 4: Nunangani Hiamitiqtuq aanniarut COVID-19 Qalagjuarniq hivunirmi ilitugipkaktauniaffaaqtugut.

Tamaita iliharviit Sanikiluarmi umikhimaniaqtun ilihaqtunun, havaktiit, ingununlu hivutunikharnik ilitugipkaktautinanik talvanga Atanilluaq Nunalaani Aanniaqtailinikkut Havaktimin. Tamaita ilihairutikhangit Sanikiluarmi aulatitiyauniaqtun unngahiktukkut.

Ilihaijit/ilharvingmilu havaktiit uqarviginiaqtait hivajarlugit ilihaqtitatik ilaruhingitlu qilamiurlutik.

Takulugu qanuqtut Havagviat Ilinnaqtuliqijikkut aanniaqtailijait ilihaqtut qajangnaittumik, takulugu gov.nu.ca/education.

Iliharviingit umingnitigun Sanikiluarmi ayungnautiqalimaituq havaktiit manikharvikhangit.

Havagviangit atuquyut taima Sanikiluarmi Nunalaani Ilihaqtuliqiyitkut (DEA) havaktiit havaktukhaungitun.

Maniktaqvikhangit Sanikiluarmi DEAkut ayungnautilimaitun, unalu Sanikiluaq DEAngit atuqhimaaquyut akiliktuilugit manikharnik havaktigiyainik.

Ilihalihaaqtut Nutaqqat Nutaqqaniklu Munaqhiyut

Talvuuna aulaniqalirman aanniarutmik COVID-19 Qalagjuarnirmik, nutaqqangit munagidjutikharnik igluqpainik Sanikiluarmi umikhimaniaqtun talvanga atuquyainik Atanilluaq Inungnun Aanniaqtailinikkut Havaktimin.

Nunavut Kavamangit maniktaqvikhangit laisiliqiyaangat nutaqqanik munagidjutikharnik igluqpangnik Sanikiluarmi aulaniaqtun.

 


Havagviat Ilinniaqtuliqijikkut kivgaqtuutikhait ilitturipkaidjutit - Aktuupa 26, 2020

Haffumunga manikgnik tuniughaiyut Kavamatkut Kanatami Qajangnaittumik Aullaqtiffarutikhat Angirutaa, ukua Havagviat Ilinniaqtuliqiyit niuviqtut 1600nik qaritauyaliqdjutinik Nunavunmi iliharvingnun umiktitaukpata iliharviit pidjutauyumun qalagyuarnirmun COVID-19 nunallaani. Haokunanga 1600 niuviqtauyut qaritauyaliqdjutit, 800 iPads tuyuqtauyut havagviinun ihuaqhariangini, 1400 qaritauyaliqutit aquituqtauniaqtut qilamik, quaqut maniliqtuiyut Kavamatkunin Kanatamin Qayangnaitumik Utirnirmun Iliharvingnun manikhainik.

Havagviat Ilinniaqtuliqiyit pihimayut iliharniq aulahimaaqluni iliharviit umiktaukpata qalagyuarnirmun COVID-19, uuktuqhugit atungnirit qaritauyakkut ilihaidjutit tungavighaa atia Edsby. Edsby tamatkiumayuq qaritauyakkut iliharnikkut auladjut havaktauhimayuq ikayuutighaq tamangnun iliharvingni ungahiktumilu ilihaidjutit. Ayungnangituq aturiami, kitut aadjikiiktut aalanun tuhaqtidjutinun, pihimayut ilihaqtunun ilihalihaaqtunun puqtunianun 12, ilihaiyinun, angayuqaanunlu. Piyaaqtut tamavyainin quyaginaq qaritauyaliqivingnin imaatun laptopnin, tabletnin, ukualuuniin smartphonenin.

 

Kinguliqpaaq, Havagviat Ilinniaqtuliqiyit piqaqtut tutqighaqhimayuq ilaiutihimayuq halumaqhinirmun aanniaqtailinirmunlu tamayat taimaali iliharviit aulahimaariangini ihuaqhaqhimayutigut halumaqhinikkut atugahanik uvalu inuuhirmun qayangnairumunlu aktilaarutit tapkua atuliqtauyut pidjutigiblugu qalagyuarniq COVID-19 nunaqyuami.
 



Havagviat Ilinniaqtuliqijikkut kivgaqtuutikhait ilitturipkaidjutit - Aktuupa 19, 2020

Iliharviini qanuriliurutikhangit upalungaijautit

  • Tamaita iliharviit piliuliqtun qanuriliurutikhamingnik upalungaijautikhanik tamainni qanurinninga COVID-19 Qalagjuarniq qajangnarnianik. Qanuriliurutikhat upalungaijautitkhat tapkunani qanurinningit 2, 3, unalu 4 ihumaginiaqtait ikajuutikhanik unngahitukkut ajuiqhaudjaunirmik imaalu aallanik atuqtakhainnik ilihavinni iliharnirmik
    • Havagviat Ilinniaqtuliqijikkut tunihijut maliktaujarialiit imaalu ikajuutikhanginik iliharviit piliuqtitlugit imaalu ikajuutikhait iiharviit piliuriamingnik hapkuninga qanuriliurutikhat upalungaijautitkhat, ilaujullu hapkuat:
      • Upalungaijautikhat havaktinut ilaujut ubluq tamaat uqarvikhanik tamainnut ilihaqtitamingnut havaqatigijamingnullu.
      • Qanuqtut ilihaqtut ikajuqtauniaqqan pivikhaqangitkumik qaritaujaliqidjutikhamingnik aimavingmingni, aturlutik aallanik hivajautinik, nallautinik,puukhimajunik agjaqtaujukhanik, taimaalu.
      • Piliurningat “agjaqtaujukhamik” ilihautikhanik imaalu inuhiringnaqtumik puukhimajunik tamainut ilihaqtunut, nunagijakhi aanniaqtuqaliqqan imaatun qanurinningit 2, 3, imaaluuniit 4.
      • Iliharutit ikajurutillu ilihaqtunun ukunani Ilikkut Ilihaqtup Ikajuritikhainni Hivunikhat (ISSPS) havakhimajun tamainnun qanurinningit.
      • Naunaijattiaqhimajut qanuqtut iliharviit aullaniariakhainnik tamainni qanuninginni, ilaujut ikualajuqaliqqan anitirnirmik ajuiqhajut, niqikhanik pinahuarutikhat, imaalu munaqhilutik iliharviinni pulaaqvikhainnik.
    • Amigaittut iliharviit inmiqhijut qanuriliurutikhat upalungaijautitkhat for qanurinningit 1 imaalu havaktatik iniqtiqtait nalliinni itkumik qanurinningit 2, 3, unalu 4 qanuriliurutikhat upalungaijautitkhat. Aviktuqhimajuni Iliharviit Aulapkaijiit havaktingit havaqatigiplugit iliharviit atan';ngujait ihivriuqhugit imaalu ihuaqhaqhugit iniqtiqhimaittut upalungaijautikhats.
    • 21 tapkunanga 45 iliharviit iniqtait tujuutigiplugillu kinguliqpaaq qanuriliurutikhat upalungaijautitkhat tamainni qanurinningit.
    • Ilangit iliharviit piliuqhimajut aallanik inuihiringnaqtunik ikajuutikhanik, naunaijautigilugu Qiqirtaq Angajukhiit Iliharviat Uqhuuqtuumi piliuqhimajut ilihaqtut inuuhiringnaqtumik naunaijautikhanik ilanganik piliuqtamingnut qanuriliurutikhat upalungaijautitkhat.

Ajuiqhaidjutikhamingnik Puuqhimajut

  • Ajuiqhaidjutikhat puuqhimajut piliuqtauhimajut tamainut ilihaqtun ilangani qanurinningit 1 qanuriliurutikhat upalungaijautitkhat. Ajuiqhaidjutikhat puuqhimajut ihuaqhaqhimajut nakuujumik aallatqiiktunut ihariagijainik tamainnit ilihaqtunit.
  • Ajuiqhaidjutikhat puuqhimajutnutaanguqtiqtauhuingujut nutaanik ihuaqhaqhimajunik atuqtakhanik ilihaqtut ajuirjuumikpata ilihaidjutikhanginniklu. Hapkuat atuqtauniaqtut, ihariagijaukpata, nunagijaat aullakpat atlvanga qanurinningit 1mit talvunga qanurinningit 2, 3, uvungaluuniit 4.
     

Havagviat Ilinniaqtuliqijikkut kivgaqtuutikhait ilitturipkaidjutit - Aktuupa 8, 2020

October 7mi, 2020, Minista Joanasie unalu Kanadaup Kavamangani Minista Ilagiiktuni, Nutaqqani Inungnilu Pivalliuliurnikkut, Ahmed Husseen, uqaqtuk aallanik ikajurutikhanik ilihalihaaliqtunun, nutaqqiqivingnun iliharvingnullu Nunavunnmi (Canada-Nunavut Early Learning unalu Child Care Atauttikkut Angiruti ($2.4 million) unalu Safe Restart Angiruti ($2.6 million).

Una Canada-Nunavut Early Learning unalu Child Care Atauttikkut Angiruti ikajurniaqtaa aulapkarlugulu pipkainiit akituvallaangittunun ilihalihaaliqtunun nutaqqiqinikkut pinahuarutini talvuuna aulapkainikkut maniliqtuutini, piliurluni nutaqqiqinikkut inikhanik pidjutiulluangittuni nunallaani, akhuurhialuni ajuirharnirnik havaakkullu ajunginnikkut uuktuqvikhanik ukununga ilihalihaaliqtunun ilihaijinun, pivallialiurlunilu ilihainikkut aturutikhanik pinahuarutiniklu hunakhanik tamainni Nunavutip ilitarijauhimajuni uqauhiinni.

Una Safe Restart Angiruti tuniniaqtuq pimmarigharhimajunik halummarhinikkut ajuirharutinik tamajaniklu nutaqqiqivingnun ukunungalu K-12 iliharvingnun tamaani Nunavunmi, atuqtauniaqtuqlu niuviriami qaritaujanik, mikijuniklu qaritaujaliqidjutinik, qaritaujakkuurutikkullu angummadjutikhanik ikajurnikkut ungahiktuni iliharutinik taimaatun ihariagijaujumik tunnganiqarluni taimaatun nunallaaq qulvahitqijaukpat qajangnarnikkut COVID-19 qalagjuarnirmin.

 


Havagviat Ilinniaqtuliqijikkut kivgaqtuutikhait ilitturipkaidjutit - Taaqhivaliavia 27, 2020

Tallimiunmi, Taaqhivaliavia 24, Ilinniaqtuliqijikkut Havagvia pivallialiuqhimajaa Angmaqtirnikkut Hivunikhaq Nunavunmi Iliharvingnun: Aanniaqtailinikkut uvalu Aanniqtailinikkut.

Piqanginmathuli naunaiqhimajunik pinahugijaujunikluunniit COVID-19 qalagjuarnirnik Nunavunmi, tamaita iliharviit angmarniaqtut, naunaiqtauhimayumik iliharvikhanik, nutaamik iliharniup ukiungannun, kihianik pitquyaugumik Atanilluaq Nunalaani Aanniaqtailinikkut Havaktimit (CPHO).

Takuyumaguvit nunangni iliharviit angmarvikhanik Ilinniaqtuliqijikkut Havagvia 2020-21 Angmaqtirnikkut Hivunikhaq Nunavunmi Iliharvingnun, takulugu: https://gov.nu.ca/education/information/2020-21-opening-plan-nunavut-schools

Hivunikhaliurniq uumunga 2020-21 Iharniup Ukiunganun

  • Tamaita iliharviit angmarniaqtut angmarvikhani naunairiikhimayunik umani nutaami iliharniup ukiungannun, kihianik uqaudjauhimakpata taffumanga CPHO.
  • 4 hitamat qanurinningit hapkuat piliuqtauhimayut maliktakhainnik iliharviit auladjutikhanut pidjutiqarluni hulaqutainni COVID-19 qalagjuarnirmi tamainni nunallaani.
  • CPHO naunaiqhiniaqtuq nunangat nuunniariakhanik qanurittumit qanurittumut.
  • Nutaanik tuhaqtidjutikhainnik, takuvaglugit check Ilinniaqtuliqijikkut Havagvianin qaritauyakkuurutani imaalu nallaglutit GN-kuni nalautikkut tiiviikut tuhaqtidjutikhainnik.

Ilihaiyit/Iliharvingmi Havaktit

  • Ilihaiyikhaqhiurutait havaktikhaqhiurutait ihuaqtumik aullayuq uunga 2020-21 iliharniup ukiungannun.
    • Tadja havaktikhaqhiuruitait 30-nik angmayunik ilihaiyikhat havaakhat tamainni avikturnianni.
  • Ilihaiyiit ukuallu iliharvingmi havaktit naunaiqtauhimaittut ihariagyauqpiaktut havaktit imaalu maliqayariaqaqtut aadjikuutanik avalingarvikhaik maliktakhanik aallat Nunavummiut utirnahualirumik Nunavunmut.
  • Ilinnaqtuliqijikkut havaqatiginiaqtait Havagviat Aanniaqtailinikkut ihuaqhailutik inikhanik itiqtirviinni imaalu utiuvikhanik tingmidjutikhanik ublukhainnik imaalu ahianittunik avikturniannit iliharviit havaktingit utiriangit aullaqtirvikhani uvani iliharniup ukiungannun.

Aanniaqtailinikkut Aanniqtailinikulluk Kikliqarutit

  • Aanniaqtailinikkut aanniqtailikkullu kikliqarutit aallangayut iliharviinni ahinin pidjutiqaqtut hapkuninga:
    • Anginiqaqtuq aajjikkiiktinnahuarlugu qajangnarhittaaqtun aannalqidjutimun hiamitirnirmullu COVID-19 qalagjuarnirmik nutaqqani ukununga qjangnarutainnun iliharviinni umiktirutinginni tapkununga timinginnun ihumaginnullu aanniaqtailidjutainnun. 
    • Tadjaup naunaitkutait taimaittungnarhijuruuq taimaatun nutaqqat aannialaqillualimaittungnarhijun COVID-19 qalagjuarnirmin hiamitillualimaittungnarhijaalu aannialaqidjutit aallanun.
    • Iliharviit munariyauyut havagviingit, imaalu qanuqtut hiamitirnahuqqurnaqtut aannialaqidjutimik munariyaulniaqtut imaalu munariyaulutik ayurnaitqiyauyumik.
  • Ilinniaqtuliqijikkut Havagvianin, CPHO, unalu DEAs/CSFN ilauvakhimayut piliurninganut hapkuat aanniaqtailinikkut aanniaqtailinikullu upalungaiyautikhaliuqhimayainnik.
  • Halummaqtirittiaqpangniaqtut tamainni iliharviinni, imaalu halumaqhiyit tuniyauniaqtut maliktakhainnik ayuiqhaudjaniaqtullu.

Iliharnirmik Ilihaudjauniq

  • Ihumaginiaqtait hivullirni tatqiqhiutinni ilihaliqqata hapkuninga iliharvingmut utirnirmik, naunaijainiq, ilihaudjiniq.
  • Iliharvingmi havaktit tuniyauniaqtut maliktakhainnik imaalu atuqtakhainnik iliharnikkut, ilihaudjiniq, unalu naunaijainiq, ilayut naunaitkutikhat ahinni iliharviup ilihaudjidjutikhanik, imaalu ihumagiyakhainnik uqaqatigigaigumikik ilihatunik.

Inungnin Ahiqpaniittukhat Akuliangnullu Matukhat

  • Inungnin ahiqpaniidjutinik pitqujauhimajun pidjutiqarniaqtun qanurinningani nunangat inningani.
  • Aallanguqtirniit avvakungani ilihaqtuni iliharvingmi ikajurniaqtaa kikliqaqtumik aktuqtaudjutinik ilihaqtuni, pijukhaukpat.
  • Ilinnniaqtuliqijikkut havaqatiginiaqtait iliharviit ukuallu DEA-kut ukunani ittunut Qanurinningani 2 uvanilu 3 pidjutiqaqtunik inungnin ahiqpaniidjutinik pitqudjutainnik, ilauyut ihuaqhaqhugit ilihaqtut iliharutikhait.
  • Tamainni, aturningat qanirnut matukhat atuqquyaungittut nutaqqanut.
    • Ihumaliurutaanin CPHOmin, piqarniaqtuq ilanginnik qanurinninginni ilihaqtun pitqujauniaqtun atimalutik matunik.
    • Ilangit iliharvingmi havaktit aturniaqtut qanirnut matukhamik, unngahiktuani aallanit pitquyaukpat CPHOmit.
  • Iliharviup katimapkaiviit pipkaktaulimaittut imaatut pittailinahuarluit iliharviinni ilihaqatigiiktut aallanut qaniglittailiyami.

 


Havagviat Ilinniaqtuliqijikkut kivgaqtuutikhait ilitturipkaidjutit - Taaqhivaliavia 20, 2020

Havagviat Ilinniaqtuliqijikkut tuhaqtitiniaqtut taffuminga 2020-21 Angmarvikhaanut Upalungaiyautikhat Nunavunmi Iliharviit nungutpat Tatqiqhiutaani Taaqhivaliavia.

Havaktivut ilihaqtullu qajangnaitkutikhanik Havagviat Ilinniaqtuliqijikkut qulliujuq hivulliutijakhat. Havaqatigittiarlugu Atanilluaq Nunalaani Aanniaqtailinikkut Havaktimi, taimaalu tunihilutik kangikhittiarnaqtunik maliktakhainnik talvuuna aanniaqtailinikkut qajangnaitkutikhaniklu, Havagviat Ilinniaqtuliqijikkut piliurianginnik ilihaqtut iliharianginnik qajangnaittumik, nakuukpiaktumiklu iliharvikhanik.

 


Havagviat Ilinniaqtuliqijikkut kivgaqtuutikhait ilitturipkaidjutit - Taaqhivaliavia 13, 2020

Talvanga Qiqaijalirvia 17, iliharviit umikhimangmata ilihaqtunut, Havagviat Ilinniaqtuliqijikkut havaqatigittiaqpagait upalungaijautikhaliuqhutik tikittukhami 2020-21 iliharniup ukiungani, ihuaqhautikhanik COVID-19 qalagjuarniq aanniaruntimik.

Naunaiqhitikhat upoalungaijautikhaliuqhimajunik maliktakhaniklu angmaffariaginut iliharviit hailihungujut inungnut iniqpiaqatta. Hapkuat ilaujut naunaijattiaqhimajut maliktakhangit aanniaqtailinikkut qajangnaitkutikhaniklu, hapkuallu iliharnikkut naunaijaidjutikhanginiklu, ilihaqtunut havaktinullu inuuhiringnaqtumik.

Havagviat Ilinniaqtuliqijikkut nuittitihungujut hivullirmik titiqqamik iliharviit angmarvkhanik upalungaijautikhanik atukhaliqqan una tatqiqhiutaa, ihivriuqtaukpata taffumanga Atanilluaq Nunalaani Aanniaqtailinikkut Havaktimit imaalu havagviujut tuhaqqata ilinniaqtuliqijikkut tigumiaqtinginnit.

Havaktivut ilihaqtullu qajangnaitkutikhanik Havagviat Ilinniaqtuliqijikkut qulliujuq hivulliutijakhat. Havaqatigittiarlugu Atanilluaq Nunalaani Aanniaqtailinikkut Havaktimi, aimaalu tunihilutik kangikhittiarnaqtunik maliktakhainnik talvuuna aanniaqtailinikkut qajangnaitkutikhaniklu, Havagviat Ilinniaqtuliqijikkut piliurianginnik ilihaqtut iliharioanginnik qajangnaittumik, nakuukpiaktumiklu iliharvikhanik.

Pingattiunmi, Taaqhivaliavia 15, David Joanasie, Ministauyuq Ilinniaqtuliqiyitkunni, unalu Dr. Michael Patterson, Atanilluaq Nunalaani Aanniaqtailinikkut Havaktimit, hivajautikkut katimaqatiginiaqtait Nunallaani Ilinniaqtulirijitkut Katimajiit (DEAs), ukuallu Commission scolaire francophone du Nunavut, ukuallu Nunavunmi Nunallaani Ilihaqtuliqiyiit Katimayiit uqautigilugit aanniaqtailinikkut qajangnaitkutikhaniklu ihumagijakhanginnik pidjkutiqaqtunik Havagviat Ilinniaqtuliqijikkut iliharviit angmaffarianginnik upalungaijautikhat.

 


Havagviat Ilinniaqtuliqijikkut kivgaqtuutikhait ilitturipkaidjutit - Taaqhivaliavia 6, 2020

Talvanga Qiqaijalirvia 17, iliharviit umikhimangmata ilihaqtunut, Havagviat Ilinniaqtuliqijikkut havaqatigittiaqpagait upalungaijautikhaliuqhutik tikittukhami 2020-21 iliharniup ukiungani, ihuaqhautikhanik COVID-19 qalagjuarniq aanniaruntimik.

Naunaiqhitikhat upoalungaijautikhaliuqhimajunik maliktakhaniklu angmaffariaginut iliharviit hailihungujut inungnut iniqpiaqatta. Hapkuat ilaujut naunaijattiaqhimajut maliktakhangit aanniaqtailinikkut qajangnaitkutikhaniklu, hapkuallu iliharnikkut naunaijaidjutikhanginiklu, ilihaqtunut havaktinullu inuuhiringnaqtumik.

Havagviat Ilinniaqtuliqijikkut nuittitihungujut hivullirmik titiqqamik iliharviit angmarvkhanik upalungaijautikhanik atukhaliqqan una tatqiqhiutaa, ihivriuqtaukpata taffumanga Atanilluaq Nunalaani Aanniaqtailinikkut Havaktimit imaalu havagviujut tuhaqqata ilinniaqtuliqijikkut tigumiaqtinginnit.

Havaktivut ilihaqtullu qajangnaitkutikhanik Havagviat Ilinniaqtuliqijikkut qulliujuq hivulliutijakhat. Havaqatigittiarlugu Atanilluaq Nunalaani Aanniaqtailinikkut Havaktimi, aimaalu tunihilutik kangikhittiarnaqtunik maliktakhainnik talvuuna aanniaqtailinikkut qajangnaitkutikhaniklu, Havagviat Ilinniaqtuliqijikkut piliurianginnik ilihaqtut iliharioanginnik qajangnaittumik, nakuukpiaktumiklu iliharvikhanik.

 


Havagviat Ilinniaqtuliqijikkut kivgaqtuutikhait ilitturipkaidjutit - mii 28, 2020

Ilinniaqtuliqijikkut Havagvianin Havagutait

Havagviat Ilinniaqtuliqijikkut piliuqtut maliktakhainik nutaqqiqiviit angmaffaarianginni, inaunaitkutikhainnik halummaqtidjarikharnikkut imaalu uaqhinirmut halumaqhtikhainnik, imaalu inungnit ahiqpangalutik nutaqqamingnik agidjigumik nutaqqamingnik aikhirumiklu. Naunaiqyumigumaguvit talvungaulutin:

Qablunaatun - https://gov.nu.ca/education/information/child-care-facility-guidelines-re-opening-Imaruqtirvia-1-2020

Inuktitut - https://gov.nu.ca/iu/education/information/pairivvinnut-atuagait-matuikanniqpata-juuni-1-2020mit

Inuinnaqtun - https://gov.nu.ca/in/ilinniaqtuliqiyikkut/information/nutaqqiqiviit-igluqpaini-maligahat-angmaffaaqata-imaruqtirviani-1

Uivivitun - https://gov.nu.ca/fr/education/information/directives-pour-la-reouverture-des-etablissements-de-garde-denfants-le-1er

 


Havagviat Ilinniaqtuliqijikkut kivgaqtuutikhait ilitturipkaidjutit - mii 25, 2020

Havagviat Ilinniaqtuliqijikkut piliuqtut maliktakhainik nutaqqiqiviit angmaffaarianginni, inaunaitkutikhainnik halummaqtidjarikharnikkut imaalu uaqhinirmut halumaqhtikhainnik, imaalu inungnit ahiqpangalutik nutaqqamingnik agidjigumik nutaqqamingnik aikhirumiklu.

Havagviat Ilinniaqtuliqijikkut uqarviginiaqtait tamaita laisiqaqtunut nutaqqiqiviit tikittukhani ublukhainni.


Havagviat Ilinniaqtuliqijikkut kivgaqtuutikhait ilitturipkaidjutit - mii 8, 2020

Ukununga Nutaqqiqivingnun

  • Qiqaijalirvia 17mit Qitiqqautijuq 21mut, 2020,Nunavut Kavamanga tunihijut laisiqaqtunut nutaqqiqivingnut imaatut aktigijumik $885,000 akiliiutikhanut angajuqqat akiliqtakhanik. Hamna maniliqtuutikhat igluqpangit akiliqtuijanginni havaktimingnik aulladjutaani kiinaujaliqinirmut ikajuutikhanik pinahuarutittunijauhimajut Kavamatuqatkunit Kanada, imaatut haffuma Canada Emergency Response Benefit (CERB) unalu Canadian Wage Subsidy Program.
  • Tamna Canadian Wage Subsidy Program akiliqtuqtaat 75% -ngujumik havaktiit akiliuhiakhanut imaalu hivittuqtaujuq Imaruqtirvia.
  • Havagviat Ilinniaqtuliqijikkuttuniuqhaijut laisiqaqtunut nutaqqiqivingnut igluqpainnut taffuminga
  • $4.2 million ukiunganut aullapkaidjutikhanut ihuaqhautikhanullu maniliqtuutikhamik. Hamna maniliqtuutikhat aullahimmarniaqtuq igluqpait umikhimadjutaani pidjutigiplugu tamna COVID-19 qalagjuarnirnik aanniarut.
  • Havagviat Ilinniaqtuliqijikkut tuniuqhaihimmaqtut huli laisiqaqtunut nutaqiqivingnut,ajuiqhautikhanik havaktiinnut, apiliurutikhaniklu tujuutikhainiklu iihautikhanik atuqtakhanik.
  • Nunavut Kavamanga havaqatigiplugit Kavamanga Kanadami, Nunavut Tunngavik Inc., avikturniinnillu Inuit timiqutaujut, ukuallu aallat tigumiaqtiujut ikajuttikhainnik nutaqiqiqviit igluqpainnik aanniarutaufdjutaani taffuma COVID-19 qalagjuarnirnik aanniarut.

Havagviat Ilinniaqtuliqijikkut kivgaqtuutikhait ilitturipkaidjutit - Iipu 30, 2020

Iliharviit mittimatalingmi umikhimayut, ilauyut iliharvingni havaktit, qakugu naunainiaqtut.

Tuniuqhaiyukhat ilihaqtut ilihagahait makpiraat Mittimatalingmi taimaaqtaulaktut.

Tamaita Ilinniaqtuliqiyit havaktiit, ilauyut iliharvingni havaktit, havaktughat iglumingni.

Hapkua munaridjutikhat piyaangini inuuhiinun qayangnautinulu Mittimatalingmi ilihaqtut, ilait, havaktillu.

Ilinniaqtuliqiyit tunihiniaqtut ikayuutinik aalanun Kavamatkunun Nunavunmi havagviinun ihariagiyaukpata.


Havagviat Ilinniaqtuliqijikkut kivgaqtuutikhait ilitturipkaidjutit - Iipu 29, 2020

Ilihaqtuni Ilihautikhait

  • Amigaittun ilihaqtun pijariiqhimaliqtun hivulliqpaanik ilihautikhanik ilihaijimingnin.
    • Amigaittun iliharutikhat ilaqaqtun iliharnikkut-aihimapluni havaktakhanik hulidjutikhanilu atauhirmun malruuknulluunniit havainirnun.
    • Iliharutikhat turaangajun hakugikharutikhakkut ajuirhimajuamingnik taiguarnikkut, nampaliqinikkut, aanniaqtailinikkut inuuhiriknikkullu.
    • Piqaqtuq ilaqaqtunik titirakkut qaritaujakkuuqtaaqtukkullu havaktakhanik, pidjutingnai ilihaqtumik qanurinninginnilu.
  • Ilihaqtun ilagiiktullu niriuktukhat pijaamingnik iliharutikhanik nungulvikhaanun iliharnikkut ukiunganun.
  • Iliharutikhat piliuqtauhimajut ajuiffaarutikhanik ajuiriiqhimajamiknik qaujihaqtauffalimaittullu ilihaijimingnin talvunga kingulliqpaangujunun iliharnikkut naunaitkutainnun.
  • Havagvi tunihimajuq aulahimmaarutikhanik iliharnikkut maliktakhanik tamainnun iliharivingni havaktinun, taimaatun naunaijaqhimajuq qaffiujunik qanuqtun iliharivngni havaktiit uqaqatigijaaqtain ilihaqtun ilaillu.
  • Havagvik qujagijumajait tamaita iliharvingni havaktiit ikajurnikkut ilihaqtunik ilainniklu uvani naunaqtumi hivunikhami.

Ilihalihaaqtut Nutaqqat Nutaqqaniklu Ikajurutinik

·       Malikhugin hivulliurutait Atanilluaq Inungni Aanniaqtailinikkut Havaktimin, tamaita nutaqqiqivin umikhimahimmaaqtukhaujun kihianun tuhaffaarutaanun.

·       Umikhimanirmi, Ilinniaqtuliqinikkut Havagvia akiliqtuihimajuq akiliuqtuihimmaarniaqtuqlu tamainnik pivaktunik O&M maniliqtuutinik taapkununga laisiqaqtunun nutaqqiqivingnun.

o   Una pidjutikhaq angijumun ilanganun uvani tatqiqhiutmi aulapkainikkut akiinnik nutaqqiqivingmi.

o   Taimainman nutaqqiqivingni umiktirviit qilamiuqpangmata niriuqtaungimatalu, ilinniaqtuliqijikkut havagvik akiliqtuivaktuq angajuqqaani akiliqtakhainnik tadjakaffuk pipkainikkut nutaqqiqiviit taimaatun akiliqhimmaaqtaamingnik havaktimingnik, pipkaijaamik pivikhanik nutaqqiqiviit uukturiamiknik kavamatuqatkunnin ikajuutikhanik, imaatun Kanadami Amirarnarnikkut Akiliuhiakhakkut Ikajuutimik. Tamatqiutikkut akiinnik uumani maniliqtuutikkut tunihimajuq imaatun $885,000.

·       Ilinniaqtuliqijikkut Havagvia havaktiit upalungaiqhimajut ikajuriami nutaqqiqivingnik uuktuutainni hapkununga kavamatuqatkut pinahuarutinun, uqaqatigihimajavullu tamaita nutaqqiqiviit uumuuna.

·       Havagvik qinirhiahimmaaqtun aallanik qanuriliurutikanik ikajurnikkut nutaqqiqivingnik, ilaujullu aturniarutikhainnik kavamatuqatkunnin maniliqtuutikhanik.

 


Havagviat Ilinniaqtuliqijikkut kivgaqtuutikhait ilitturipkaidjutit - Iipu 17, 2020

Ministaat Ilinniaqtuliqiyitkut ilitturipkaidjutaa:

Ullukkut,

Inuuhiringnaqtumik nakuujumiklu pidjutikhat Nunavunmi nutaqqanun inulramirnunlu qulliujuq hivulliutijakhallu Havagviata Ilinniaqtuliqijikkut. Hapkunani naluunaktuni atuqtaptingni, nakuujumik nutaqqavut ilihaqtut ajuirjuumidjutikhanik, imaalu hivunikhaliurutikhamingnik ihuaqtumik apqutikhamingnik ihumaliurianginni qanuriliurumagumik iliharjuumijumagumikluuniit.

Ihumagiplugit ilihaqtut’ inuuhiringnaqtumik ihumaliurutikhangit, tuhaqtitijumajunga ublumimit, tamaita iliharviit Nunavunmi umikhimanialiqtut ilihaqtunut tatqiqhiutikhainni 2019-20 iliharniup ukiungani.

Hamna umikhimadjutikhaa ihuarijaujuq taffumanga Atanilluaq Nunalaani Aanniaqtailinikkut Havaktimit (CPHO).

Ilihaqtut ilihanginmata avatquttugu tatqiqhiunmi iliharvikhamingnik, ianginiqaqtuq tapkuat tamaita iliharviit havaktingit havagiaqtuffaaqtukhat havalirlutik tikitpat April 21, 2020.

Aadjikkutait aallani aviktuqhimajunni ukiuqtaqtumillu, Nunavunmi iliharviit havaktingit anginiqaqtut ikajuutikhanginnik ilihaqtut kinguvaktingittanginni ilihaqtakhamingni.

Havagviat Ilinniaqtuliqijikkutpiliuqtut maliktakhanik ikajuutikhainnik iliharviiit havaktingit upalungaijailutik ilihautikhanginnik puuqhimajunik ilihaqtakhainnik ihariagijainnik ilihautijamingnik ilihaqtunik. Havakti havaqatiginiaqtait ilihaqtut ilaruhiillu angajuqqangitlu naunaijarlugit ihuaqtumik ikajuutikhainnik ilihautikhainnik.

Tukiqaqtuq imaatut ilihaqtunut Ilihaalihaaqtunit Kuuliiqaqtunut 9mut, ilihaijit hivulliutiniaqtait titirarnikkut taiguarnikkullu kihittitiliqinikkullu, hakugikhijuummirnahuaqhugit ajuiqtakhangit qaujimajakhangillu ilihaudjidjuhinnik uumani iliharniup ukiungani.

Angajukhiit iliharvianni ilihaqtunut, ilihaijiit titiqiqijiujullu qaujihainiaqtut ilihaqtup idjuhiannik qanurinnianiklu. Ilangita ilihaqtut iniriirunaqhijait ilihaqtakhatik naunaitkutait qaffiutilangit ihariagijatik ilihaqtamingnik iniqtirutikhainnik. Ilangita ilihaqtut iniqtiqtakharijunakhijait naunaiqhimajut ilihaqtakhatik pillahijamingni ilihaqtakmingnik iniqhilutik. Ilihaijiit tunihiniaqtut iliharvikhainnik ilihaqtunut inirtirijanginnik naunitkutainnik ilihaqtainnik imaalu iniqhitikhainnik naunaitkutainnik (credits) iniqtirilutik havaktakhamingnik havaakhaniklu.

Ilihaijiit ihivriurniaqtait ilihaqtut’ qanurinniit ubblumimut, nalliutirlugillu ajuiqhimajainnut ihariagijainnik hakugikhitikhainnut, imaalu ihumagilugit hunanik iniqhitikhainnik aimavingmingni. Ihumaginiaqtait ikajuutikhainnik inuuhianut aanniaqtailinikkut inuuhiringanqtumiklu, titirarnikkut taiguarnikkullu kihittitiliqinikkullu tamainnut ilihaqtunut. Hapkuat ilauniaqtut igulmingni havaakhat hulipkaidjutikhallu ikajuutikhainnik ilagiiktut ilihaqatigiiklutik, imaatut taiguaqatigiiklutik, titiraqatigiiklutiku ubluraikpat hulidjutimingnik, imaalu havaakhat ikajuutai=uniaqtut ihumaliurutikhainnut ilihaqtut.

Havagviat qaujimajut amigaittut iliagiiktut tadja aullaqhimajut nunamut maniqqamiitutik imaalu pilimaittunaqhijait ilihaqtut ilihautikhainnik puukhimajut. Maniqqami hulilukaarutikhangit aguniarnikkut iqalukhiurnikullu ikajuutauniaqtut ilihaqtumut ilihautikhainnut, imaalu havagviup akhuurutigijait hapkuat hullilukaarutikhangit.

Ilihimajavut Nunavunmi qaritaujaliqutingit ikittut, mikitqijani nunallaanginni, ilihaqtut’ ilihaqhimmaarutikhangit qaritaujakkuugakhaittut ilangit. Taimaittumik tamna tukiqaqtuq taffuma ilihaqtut’ ilihautikhangit puukhimajut amigaittumuniaqtut aalatqiiktut -- ilangit makpiranguniaqtut, ilangit hululukaarutikhanik aturniaqtut,ilangillu qaritaujakkut ilihautikhangit. Kihimi, tamaita tuniniaqtait ilihaqtut iliharjuumidjutikhainnik.

Piuminaqqat, ilihaijiit apiriniaqtait ilihaqtut ilagiiktut havainiq tamaat, qanurittakhaita ilihaqtut havaktakhainnik ihariahukpatalu aallanik ikajuutikhainnik atuqtakhainnikluuniit. Ihuatqijaujumik tuhapkaidjutikhanik -- hivajautikkutluuniit, titirarvigilugit tigumiakkut, GN qaritaujakkut titirarviagut, allatigut qaritaujakkut atuqtakhainnut -- naunaijainiaqtut ilihaqtullu ilagiiktullu uqarvigilugit.

Piliurnianik ilihaqtut ilihautikhainnik, havaktit ikajuqpangniaqtait ilihaqtut naunaijariiklugit havaktakhangit hivuani iliharviit umiktinnagit naunaijariangita kingulirmik kuulikhainnik, imaalu hanaijariamingni kinguliqpaamik iliharniinut naunaitkutikhanik unniudjutinik.

Tapkununga Nunavunmiangajukhiit iliharviinni ilihaqtut angajuqqanginullu, puiguktailuhi tamaita havagviujut naunaijautikhangit nutqaqtitaujut uumani iliharniup ukiungania. Ilihaqtunut taffumani Grade 12 ilihaqtut iniqtiqnahuaqtunut ilihaqtamingnik, naunaiqhitijumajapkit atan'ngujat ilihaijigijatitlu havangniaqtut naunaijarlugu iniqhitikharnik iliharnikkut pijakharnik. Hamaniittugut ikajurumaplutit iniqhijanrni ilihaqtakharnik takulugillu takujumajatit.

Kingulirmik, iliharviit havaktingit upalungaijautikhaliurniaqtut hanaijautikhaniklu 2020-21 iliharniup ukiungani, ilihimannaidjutaanut atffuma aanniarutip qalagjuarniq-19 aanniarutaujuq ihumagiplugu.

Iliharviit havaktingit angiqhimajut utirlutik havaamingnut imaalu upalungaijaijariiliqtut ilihautikhainnik puukhimajunik, amihut ilihaqtutangajuqqangillu ilitaqhijut akhuurutigivaktarminik havaktakhait qujahukpakktullu. Angajuqqanguplnit, imaalu Ministaujuq Ilinniaqtuliqijitkunni, uqautigijumajatka akhuuraluk qujahuutitka akhuurutingnut aliahuutingnullu. Quanaquhi uuktuutiffingnut akhuurutiffingnullu Nunavunmi ilihaqtut.

Nakuukpiaktunik piumajugut nutaqqaptingnut inulrammirnullu. Havagviat Ilinniaqtuliqijikkut ihuarijit qujagijaillu ikajuutigijahi utaqqivakhuhillu Nunavummiut iliharnikkut havaqatigiiktullu takupkaijut haffumani nalunaqtukkut atuqtaujunik. Ilihimannaittut ihumalungnaqtut, kihimi annuguutiniaqtugut tamapta atauttikkut, ikajuqtigiikluta. Qajagivagluhi tamaffi.

Qujannamiik, quana, thank you, merci.

Havagviat Ilinniaqtuliqijikkut kivgaqtuutikhait

  • Ilihaqtut Nunavunmi iliharunaiqtut inirniarutaanut 2019-20 iliharniup ukiungani.
  • Iliharviit havaktingit havangniaqtut ikajutikhainnik ilihaqtunut aimavingmingni nunguniarutaanut iliharniup ukiungani.
  • Ilihaqtut tunijauniaqtut ilihautikhainnik puukhimajunik iliharvianit ikajuutikhainnik iliharnirmik aimavinni.
  • Ilharviit havaktingit uqarvigivangniaqtait angajuqqangit h=tikittukhani havainirni.
  • Tamaita angajukhiit iliharviit naunaitkutait naunaijautikhangit iliharniinut nutqaqtitaujut uumani ukiungani, imaalu angajukhiit iliharviit naunaijautingit naunaiqtauniaqtut ilihautikhainnit havaktkhainnit.
  • Tamarmik ilihaqtut tunijauniaqtut ukiunganut nunguani iilihaqtainnut unniudjutikhanik.

Havagviat Ilinniaqtuliqijikkut kivgaqtuutikhait ilitturipkaidjutit - Iipu 15, 2020

Naunairiangata havaktit laisiqaqtuni nutaqqiqivingni akiliuqhiakpagianginni, Havagviat Ilinniaqtuliqijikkut maniliqtuiniaqtut tamainnut laisiqaqtunut nutaqqiqivingnut ubluanut aglaat April 21, 2020.

Nunavut Kavamanga maliqajakhaliuqtut hiamitirnaittumik Qalagjuarniq-19, taimaittumik nutaqqiqiviit umikhimajukhaujut tuhaqtitaugumik kihiani.


Havagviat Ilinniaqtuliqijikkut kivgaqtuutikhait ilitturipkaidjutit - Iipu 8, 2020

Ministaat Ilinniaqtuliqijitkut ilitturipkaidjutaa

Ippakhaq, Havagviat Ilinniaqtuliqijikkut tujuqtuq titiraqtamik tamainnut iliharvingni havaktiinnut utioquplugit havaanginnut aimavingmingni nuamingni uumani April 21, 2020. Hamna tahapkunungainnaq HAVAKTIINNAIT, upalungaijaijamingni piliurlutiklu aullaranginnaqtumik ilihautikhainnik iupalungaijautikhanik imaatut iliharviit umikhimaniaqqata huli.

Naunairumajatka amigaitilangit tunijatka ippakhaq – tamigaitilangit imaatut 1,185 havaktit havaktut iliharviinni tamainni nunani avikturnianni. Ninety-thuli (93) hapkuat havaktit auulaqhimajut ahianut avikturnirmit, utiuliqtut aimavingmingnut nunamingnut. Hamna tukiqaqtuq iit pusantimik (8%) ukunanga tamainnit iliharvingni havaktiinnit.

Ilihaijiit tamainni nunarjuami havaktut akhuuqhutik ikajurumaplugit ilihaqtut aimavingmingni ilihaqtut kinguvaktingittanginni iliharviit umikhimatitlugit. Ilihaqtuutivut aadjikutainnik ikajuqtaujukhat, taimaittumik apirijavut ilihaijit havaffaalirlutik tadja.

Ilihaijit utirumik havaamingnut ihumagilugit ikajhuutikhangit ilihaqtut ilinniaqtamingnut imaalu inuuhiringnaqtumik piliurlutik ilihautikhainnik nutaqqat. Hamna ikajuutauqpiarniaqtuq ilihaqtunut piqangittunut qaritaujakkurutiknik tapkuallu inuuhirluktut timimikkut ajuqhautiqaqtunut aallangajunik ilihautiqaqtunut upalungaujautinik.

Iliharviit havaktiit aullaqhimajut ahianut Nunavunmit pijukhaujut pitqujauhimajumik 14-ni ubluni anihimaittumik najuqtamingnit hivitunianik GN-naunaiqtaiuhimajumi itiqtirvikhani hivuraani utiqtinnatik Nunavunmut. Hamna aadjikkuutaa tapkuat tamarmik Nunavunmi nunqaqtut, FANS ilihaqtut, ukuallu taaktiliaqtukhat tingmitikkut aullaqhimajut utirnahuaqtut Nunavunmut malikpaktainnik. Hamna atuqtakhaq piliuqtauhimajuq ataani pitqudjutainnik taffumanga Atanilluaq Nunalaani Aanniaqtailinikkut Havakti.

Nunavunmi nunaqaqtut, ilaujut iliharviinni havaktit, munaqhijukhaujut inmikngnik tingmidjutikhamingnik akiliqtakhanik utiudjutikhamingnut nunamingnut Nunavunmi. GN-kut akilirniaqtat akikhanga itiqtirvikhanut anihimaittumik najugakhanik naunaiqtauhimajuni itiqtirvingni tamaita Nunavunmi nunaqaqtut, ilaujut iliharviinni havaktit.

Tamaita GN-kunni havaktiit, ilaujut iliharviinni ilihaijit, utiqtukhaujut havaanmingnut avikturnianni. Ihuaqharniaqtavut tukhiutit havaktinit tadja ahianiittut avikturnianit havaglutik nunamit najuqtamingnit tadja ataulhillaaqtarlugit qanurinniit naunairlugit.

Havagviat Ilinniaqtuliqijikkut aullaranginnaqtumik uqarvigivaktait Nunavunmi Ilihaijiit Katimajiit ukuallu Nunallaani Ilinniaqtulirijitkut Katimajiit (DEAs).

Tamarmik ihuarijaat ihumaliurutaat utiqtitlugit ilihaijiit havanginnut naunaittumik ilihaqtut aullaranginnaqtumik iliharianginni imaalu ikajuqtaulutik iliharviit umikhimatitlugit.

Iliharviit angmaffaarniaqtut ilihaqtunut tamna Angiyuqaak Nunalaani Aanniaqtailinikkut Havakti naunaiqhikpat qajangnaiqqat iliharviit angmaffanginariaqaliqqata. Kihimi, havaktivut utiqtukhaujut havaamingnut April 21 to havaliriamingnik ilihaqtut’ ihuaqtumik aulanikhanut, qanuriliurniaqqataluuniit.


Havagviat Ilinniaqtuliqijikkut kivgaqtuutikhait ilitturipkaidjutit - Iipu 7, 2020

Talvanga April 7, ilihaijit avikturianni ittut huli havagiaktuinnarialaqijut iliharvingnut inmik pijumagumik, piliuliriamingnik ilihautikhainnik p[uuqhimajunik ilihaqtut. Maliktaujarialiit agjautikhanik hapkuat puuqhimajut ilihautikhait ilihaqtut iniuqtiqtauliqtuq Havagvianit Ilinniaqtuliqijitkut.

Tamaita Nunauvnmi iliharvingni havaktit niriuktauyut utiqlutik havaamingnun nunamingni uumani April 21, 2020. Ilihaijit tadja ahianniittut avikturniannit pijariaqaqtut 14-ni ubluni anittaililutik hivituniani naunaiqtauhimajuni najugakhainni itiqtirvingni utiqtinnatik Nunavunmut. Ilijaijit aulaqtilimaitkumikkik 14-ni ubluni anittaililutik hivituniani tikitinnagu utirvikhaqtik April 21,hivaraqtakhat atan'ngujaqtik imaalu uqarlutik tunihilutik naunaitkutikhanik tingmidjutikhamingnik upalungaijautainnik imaalutitidjutimingnikj anittailivikhamingnik naunaiqtauhimajunni itiqtirvingni ikajuutikhanik nahurinnaittunik kinguvaktidjutinik.

Uumani April 21, ihumaliurniaqtut malkiqalugit pitquijauhimajut taffumanga Atanilluaq Nunalaani Aanniaqtailinikkut Havaktimit.

Iliharviit umikhimaniaqqata hul:

Iliharviit havaktingit pijariaqarniaqtut aullaffaalirlugit aulapkaidjutikhangit imaalu apirijauniaqtut piliurlutik aullaranginnaqtumik ilihautikhainnik uplaungaijautikhanik tamainut ilihaqtunut.
Ilihaiyit tunihiniaqtut naunaiyaqhimayunik atugahanik qanuq ihivriurutit, kingulliqpaamik unniudjutainnik ilihautainnik, imaalu puqtuniillu qanuriniitigut piyakhat.

Iliharviit nagmaffarniaqatta:

Iliharviit aulapkaidjutikhangit aullaffaalirniaqtut aadjikutaanik.

ITamagingni,angajukhiit lihaqtut naunaijautait ilitamingnik angaukhiit iliharviinni ilihaqtut taimaaqtitaujut nungunianun June.


Havagviat Ilinniaqtuliqijikkut kivgaqtuutikhait ilitturipkaidjutit - Iipu 3, 2020

Aippinmi, April 7, iharviit havaktiit ititlahiniaqtut iliharvingnut piumagumik hanaijaijumagumik iliautikhainnik puukhimajunik iihaqtut ilihautikhainnik.

Ilinniaqtuliqijitkut havaktut havaqatigiiktut piliurniaqtut maliktaujarialiit ilihaijit naunaiqtakhait kuliingitnut ilihautikhainnik ihumagilugit ilihautikhaliuqtakhatik. Ilihautikhat aallatqingniarunaqhijut ilihaqatainnit.

Iliharvingmungauniq havagiaqtuinnarutikhaujuq ulapqijaqtungilluni aallanulluunniit ilharutiungittunun hulidjutinun.

Ilinniaqtuliqijitkut tunihiniaqtutamainut iliharvingnut aanniaqtailinikkut qajangnaidjutikhanullu havagutikhanik pidjutilgit Qalagjuarniq-19 qalagjuarnirmun, ilaujullu anirhaagutikkut maliktakhanik, alganik uaqtuinirnik, inungnilu ahivariikhimadjutinik..


Havagviat Ilinniaqtuliqijikkut kivgaqtuutikhait ilitturipkaidjutit -Maassi 31, 2020

Talvanga Qiqaijalirvia 17, Nunavunmi iliharviit umiktauyut hiamittailinahuakhugu aanniarut Qalagjuarniq-19. Taimaittumik, atuqtakhamingnik ikayurahuarlugit angayuqqat munatiujullu apiqhivaktut ilihaidjutikhanik nutaqqatik ilihaqtihimmarlugit.

Ublumi tuhaqtitiyunga Havagviat Ilinniaqtuliqijikkut piliuqtut qaritauyakkut ilihautikhainnik aihimalutik qaritauyakkurutaani, Angirrami Ilinniarniq (angirrami.com). Hamna qaritaujakkuurutaatunihiyut akiittunik pidjutikhainnik ilanginnik ilihautikhanik atuqtakhanik atuqtaujunik iliharviinni.

Hapkuat ilaujut aadjiliuqtaakhat taiguat e-books ilihalihaaqtunut imaalu angayukhiujunut; ilihautikhat naalaktakhat taiguat ingutaaktaaktuut qun'ngiakhat; ikayuutikhathulipkaidjutikhallu iliharnikkut; imaalu atuqtakhat ihumaliqinikkut ihumalungnikkutlu ikayuutikhat.

Qaritaujakkuurutikhaqarniaktuq pijakhanik havagviup Inuktut uqauhirmun ilihautikhanut atuqtaaktanut apps:

  • Uqausiit Pinnguarutiit alianaqtunik hulilukaarutikhaqaqhuni ikajuutikhat qanurittaakhainun nipiqaqhutiklu ilitarijakhainnik, uqauhirniklu titirauhikhainniklu ilitaqhiviniikut ikajuutikhanginnik.
  • Titirariuqsauti ilihautikhangit Inuit uqauhiannik ilitaqhitikhanik nipiinnik titirarnrmiklu. 
  • Qimirrunaut ilinniarqtuliqijikkut nutaaq taiguarvikhaq qaritaujakkut Inuktut (eBook library app).

Hapkuat qaritauyakkurutikhat apps hiliyut tamagingnut Android unalu iOS devices taffumanga aadjiliunginnariaqaqtut Google Play unaluuniit Apple App stores.

Angirrami Ilinniarniq Qaritaujakkuurutikhaq aallanut piniaqturlu ilihautikhanut ikajuutikhanik pihimajunun nalunaijautinun, kihittitiliqinikkut, qangaraalungmit naunaitkutainik, nunanik inungniklu ilihaidjutikhat. 

Naunairumayallu tamna qaritauyakkurutaa nuipkaktauyuq ublumi, nutaat atuqtakhat iliyauqattaqpangniaqtut. Hivulliutiyakhait Inuktitut unalu Inuinnaqtun ilihautikhainnik atuqtakhainnk qaritauyakkut qilamiurutigilugit. Qablunaatun unalu Uivivitun atuqtakhait iniqtauniaqtut qakugunnuaq.

Tamaita atuqtakhaitnaniyauhimayut uumani qaritauyakkuurunmi piliuqhiimajainun Ilinniaqtuliqijitkut paanarijaaminillu, ukuallu Qikiqtaani Inuit Katimajiit ukuallu Havagviat Nutaqqanut Inulrammirnullu Uqaqtikhaanik Havagvia, ukuallu Inulirijitkut, Munaqhiliqijitkut, Avatiliqijitkut, ukuallu Pivalliajuliqiyitkut Ingilrajuliqijitkullu.

Quyagiyumayatka tamaita ilihaqtut, angayuqqat, munaqtiujullu utaqqivangmata. Ilihimayunga ayurnaqtuq angayuqqanut nutaqqat aihimainnaqtitlugit I know for many of you it has not been easy with schools and child cailiharviit nutqqiqiviillu umikhimadjutaani. Kihimi, tamapta uukturiaqaqtugut pilugit pitquyauhimayut hiamittailitikhanik aanniarutip qalagjuarniq-19.

Uqautiyumayapkit havagviga akuhuuqhutik havakpiakpaktut iniqtirahuaqhugu hamn qaritauyakkuurutaa inirnarirnahuaqhugullu.

Pitqujatka Nunavunmiut naunaijaklugit tamaita ikajuutikhat uuma qaritaujakkut pijakhait. Atuqhugu iliharniq ilagivlugu ubluq tamaat pijakhangni!

Qujannamiik, quana, thank you, merci.

Havagviat Ilinniaqtuliqijikkut kivgaqtuutikhait

Ublumi Havagviat Ilinniaqtuliqijikkut piliuqtut qaritauyakkut ilihautikhainnik aihimalutik qaritauyakkurutaani, Angirrami Ilinniarniq (angirrami.com). Una Ilihaqlutit iglungni qaritauyaliqivik havaktauhimayuq Havagvianin Ilinniaqtuliqiyit tunihiyuq akiitumik piinarialingmik ikayuutikhat nutaqqanun inulramingnunlu ilihaqtunun Uqauhirmingnik iliharviit umikhimatilugit.

Piqudjutaanik taffumanga Atanilluaq Nunalaani Aanniaqtailinikkut Havakti (CPHO), iliharviit nutaqqiqiviillu umikhimaniaqtut nungunniarutanut ilihaqtunut nutaqqanullu hivituryuumiyuq Qitiqqautuijuq 20. Talvani, CPHO -kut ihiviuffaarniaqtait tuniliutiklu qanuriliurutikhainnik.


Havagviat Ilinniaqtuliqijikkut kivgaqtuutikhait ilitturipkaidjutit -Maassi 25, 2020

Aulahimaaqtun kivgaqtuutit:

  • Bus-kut kivgaqtuutit kantraqaqtut akiliqtuqtauhimmaarniaqtut pingahuni havainirni iliharviit umikhimadjutaani.

Havagviat Ilinniaqtuliqijikkut kivgaqtuutikhait ilitturipkaidjutit -Maassi 24, 2020

  • Havagviat Ilinniaqtuliqijikkut kajuqpagaitHavagviat Inulirijikkut ihuaqhaiplutik utiutikhaanik ahianiittunut avikturnianni FANS-kut ilihaqtut ilagiiktullu Nunavunmut.
  • Havagviat Ilinniaqtuliqijikkut tuniuqhaiyuq kiinaujakhanik laisiqaqtunut nutaqqiqivingnut akikhanik angayuqqat akiliqtuqtainnik talvanga Qiqaijalirvia 17-mit-Qitiqqautiyuq 7, 2020.
  • Tamaita laisiqaqtut nutaqqiqiviit Nunavunmi akiliqhipkaivaktut angayuqqanik akiliqtakhainnik pittaaqtut aittuutikhanik.
  • Maniliqtuutikhat havaktauniaqtut imaalu tuyuutaulutik nutaqqiqivingnut Tallimiunmi, Qiqaijalirvia 27, 2020.
  • Tadja hamna atuqtautitlugu, angayuqqat akiliqhiyakhaittut angayuqqat akiliqtakhainnik.
     

 

Havagviat Ilinniaqtuliqijikkut kivgaqtuutikhait ilitturipkaidjutit -Maassi 23, 2020

  • Havagviat Ilinniaqtuliqijikkut tuniuqhaiyuq kiinaujakhanik laisiqaqtunut nutaqqiqivingnut akikhanik angayuqqat akiliqtuqtainnik talvanga Qiqaijalirvia 17-mit-Qitiqqautijuq 7, 2020.
  • Tamaita laisiqaqtut nutaqqiqiviit Nunavunmi akiliqhipkaivaktut angayuqqanik akiliqtakhainnik pittaaqtut aittuutikhanik.
  • Maniliqtuutikhat havaktauniaqtut imaalu tuyuutaulutik nutaqqiqivingnut Tallimiunmi, Qiqaijalirvia 27, 2020.
  • Tadja hamna atuqtautitlugu, angayuqqat akiliqhiyakhaittut angayuqqat akiliqtakhainnik.
  • Umikhimmaniaqqata kinguani Qitiqqautijuq 7, ilinniaqtuliqijikkut ihivriuqhiffaarniaqtut imaatullu ikajuutikhainnik nutaqqiqiviit ihumaliurutikhanik qanuqtut hivumuuqpalliadjutikhanullu.

Havagviat Ilinniaqtuliqijikkut kivgaqtuutikhait ilitturipkaidjutit -Maassi 20, 2020

Ihuaqhaqhimajut kivgaqtuutikhait:

  • Akhuuqhaidjutikhani Inuqarnirni qaniklihuiqujauniq imaalu hiamittailinahuarutikhanik aanniarutip Qalagjuarniq COVID-19, Havagviat Ilinniaqtuliqijikkut ikiglijait havaktiinnait havagiaqaqtut havaguiqhimallalimaitut.

Umikhimajut/Taimaaqtihimajut/Nutqaqtihimajut hulidjutit:

  • Tamaita iliharviit nutaqqiqiviillu Nunavunmi umiktauhimajut pingahuni havainirni hivitunianik, aullaqtiqhutik Aippiut, Maatsi 17, 2020.

 


 

Havagviat Ilinniaqtuliqijikkut kivgaqtuutikhait ilitturipkaidjutit - Maassi 19, 2020

Ilinniaqtuliqijikkut ukuallu amigaittut GN-kut havagviujut havaqatigiiktut ikiglinahuaqhugu aktuutaujunik iliharviit umiktaungmata niqikhanut ikajuutigivaktainnik.

Havagviat Ilinniaqtuliqijikkuttunihiniaqtut maniliqtuutikhanik tamainnut laisiqaqtunut nutaqqiqivingnut.

Hamna maniliqtuutikhat aadjikutaujuq angajuqqaat akiliqhitigivaktanut laisiqaqtunut nutaqqiqivingnut tunijauvakhimajut uumani pingahuni havainirni umiktauhimadjutaani.

Hamna ikajuutikhat laisiqaqtut nutaqqiqiviit akiliqhipkagakhaittumik angajuqqat akiliqtakhainnik uumani hivitunianni kihimi akiliqhijanginni havaktimingnik ihariahungnaittumik.

Umikhimaniaqtun/Nutqaqtitauniaqtun/Aulahimaitun Hadja kivgaqtuutikhait:

  • Tamaita iliharviit nutaqqiqiviillu Nunavunmi umiktauhimajut pingahuni havainirni hivitunianik, aullaqtiqhutik Aippiut, Qiqaijalirvia 17, 2020.

 

Havagviat Ilinniaqtuliqijikkut kivgaqtuutikhait ilitturipkaidjutit - Aktuupa 19, 2020