Havaktingit

You are here

Ilihaqviit Atanguyangit Katimavaktun Ihivriugiangat Nuutaanik Titiradjutikhat Hanaqidjutikhangitlu

Saptaipa 15, 2014

Tuhaayakhaq

Ilihaqviit Atanguyangit Katimavaktun Ihivriugiangat Nuutaanik Titiradjutikhat Hanaqidjutikhangitlu

IQALUIT, Nunavut (Apitilirvik 15, 2014) – Nunavut ilihaqviit atanguyangit katimahimaaqtun Iqalungni uvani havainirmi ihivriugiangat nunaqyuaptingnik nuutaanguyut titiradjutikhat Hanaqidjutikhangitlu.

"Akhuqnaqtuq taima havakhimaaqtukhauyugut ihuaqtunik atugidjutikharnik ilinniaqvingmi ilihairutikhaqnik," uqallaktuq Minista Paul Quassa. "Hivumuuqniq atautikkut atuqhuta nuutaanguqtiqhimayut, naunaituniklu ilihairutikharnik hanaqidjutikharniklu ikayuutiniaqtun aulavikharnik nallaumayumik ihuaqtuniklu ilihairutikharnik atuqtakhainik tamainun Nunavunmi ilihaqtunut."

Ilihaqviit Atanguyat pihimaaliktun nuutaanguqtirutikhrnik atuqhimaaqhutik, aulayukhatlu, qayangnairutikharniklu malikhautikhat, maniliqidjutingniklu malikhautikharnik talvanga Kitikmeotmi, Kivallirmi Qikiqtaalukmilu aviktuqvingnin ilihaqtuliqiyiitkuni havaktunik.

Kingulipaaq katimaqyuarutingmin hivulliqtiqhimayuq havaaqharnik tutqikhailiqiyunin talvanga Pearson Education Canadami, pivalliadjutikhat ihivriudjutikharnik taiguliqiyunutlu havaaqhangit atuqtauyukhat Nunavunmi, talvuunalu ilihairutikhat ilihaqvingmilu havakhimaaqtunut. Ilihaqviit Atanguyat tuniyauniaqtun anginiqaqtunik atuqtakharnik naunairutingnik ilihaiyiit atuqtukhat naunaiyagiikhimayunik ihivriudjutikharnik ikayuutikharniklu taiguliqiyunut pivalliadjutikhangit atuqhutik malikhautikharnik taigugianganik, malikhautikharnik titiragiangat taiguaniklu ilituqhaidjutikharniklu.

Katimaqyuarutaangait iniqtiqniaqtun Tallimiut, Apitilirvik 19mi, 2014mi.

##

Tuhaqtitiliqiyuq Hivayaqlugu:

Wende Halonen

Tuhaqtitiliqiyuq Atanguyaq

Ilinniaqtuqliqiyikkut

(867) 975-5667

whalonenedu2@gov.nu.ca