You are here

Kanadami Ublua Itquumanikkut Mamihaidjutikhanullu: Tamaita Nutaqqat Ihumagijaujukhat

Saptaipa 23, 2022

Kavamatkunnit Tuhaqtitakhaq
Kanadami Ublua Itquumanikkut Mamihaidjutikhanullu: Tamaita Nutaqqat Ihumagijaujukhat

Havagvia Ilinniaqtuliqijit ilitarijaat amigaitut iliturijaujut naunaitkutiqangitut iluviqviit ahinun ilihariaqtuqtitauhimajun iliharvingnun avatiini Kanadap taaqtuq atuqtaujuq ingilraanin atuqtaat amigaitut Nunavunmiut Kanadamiullu.

Ahinun ilihariaqtuqtitauhimajunun auladjutait aulahimaaqtumik anginirhakkut hulaqutigijaat Nunavunmi. Uvani Tallimmiut, Apitilirvia 30, Nunavummiut atimatqujaujut aupajaangajunik aghuurutigilugu mamihainiq, mamiliqtugut nipiquqtujumik: Tamaita Nutaqqat Ihumagijaujukhat.

Iliharviit, havagviit, nunallaallu aulahimaaqtumik ikajuqlugu itquumanikkut mamihainirmunlu amigaitukkut qanurinikkut:

  • Qaitqulugit nunallaani ilaujut uqautigilugit unipkaatik mighaagun ahinun ilihariaqtuqtitaunirmun iliharvingnun ilihaqpaktunun.
  • Ihuaqhailutit hulilukaarutighanik tapkua quviahuutigijaat Inuit Uqauhiit, pitquhiit, mahulinginirillu.
  • Qungiaqlugu malrungnik ilaqaqtuq piksasiuq atia Every Child Matters, havaktauhimajuq hapkunanga Itquumanikkut Mamitirnikkut Katimajiinin uvani https://nctr.ca/education/every-child-matters/
  • Takupkaqlugu ikajuutit inungnun tuhaqtidjutini atuqlugu una hashtags: #ᓄᑕᕋᓕᒫᑦ_ᐱᒻᒪᕆᐅᔪᑦ, #EveryChildMatters, #TamarmikNutaraqIhumagiyauyukhat unaluuniin #ChaqueEnfantCompte

Havagviata Ilinniaqtuliqijit qujagijaahi ilihimaliraffiuk una itqaumablugillu ahinun ilihariaqtuqtitauhimajut iliharvingnun auladjutainun ilituritiariarni. Haffumuuna apqutaatigut tapkua mamitpalialirniaqtut.

###

Tuhaqtipkainikkut Uqarvigiyaqhaq:

Sandi Chan
Atanngujaullaktuq, Tuhaqtidjutinun
Ilinniaqtuliqijikkut Havagvia
867-975-5615
info.edu@gov.nu.ca