Havaktingit

You are here

Kanataup Kavamanga ukuallu Nunavut Kavamanga tguhaqtitijut kunguvautikhamut pijakhamut ikajuutikhat nakuukpiaktumik ilihalihaaqtunut nutaqqiqiviinutlu taainni aviktuqhimajuni

Niqiliqivik 13, 2021

Tuhaqtitaujukhaq

Kanataup Kavamanga ukuallu Nunavut Kavamanga tguhaqtitijut  kunguvautikhamut pijakhamut ikajuutikhat nakuukpiaktumik ilihalihaaqtunut nutaqqiqiviinutlu taainni aviktuqhimajuni

Kanataup Kavamanga ukuallu Nunavut Kavamanga angiqatigiiktut kunguvautikhamut pijakhamut Kanataup–Nunavunmi Ilihalihaaqtunut imaalu Nutaqqiqiviiit Angirutaa.

Talvuuna angirutikkut, Kanataup Kavamanga tunhijut avatqumajumik $10 million maniliqtuutikhakkut avatqumajumik hitamani ukiuni Nunavunmut ihuaqpiaktumik, akiliruminaqtumik, ihuaqhaqtaaqtuniklu, ilaurutikhanik ilihalihaaqtunut iliharnirmik nutaqqiqivikhaniklu ilihaqtakhanik kivgaqtuidjutikhaniklu. Unaluttauq, Kanataup Kavamanga atauhiirlugu tunihijut avatqumajumik $2.8 million 2021-2022mi ikajuutikhanik nutarannuat ilihalihaaqtunut lihaijikhanik havaktikhaqhiurnirmik havaaqaqhaqtukhaniklu uuktuutikhanik.

Ataani 2021–22mit 2024–25mut Kanataup Kavamanga ukuallu Nunavut Kavamanga Angiqatigiiktut, Nunavut tunihiniaqtun maniliqtuutikhamik ikajuqhimmaarutikhanik pivikhanik akiliruminaqtumik, ihuaqhaqtaaqtuniklu, ilaurutikhanik ilihalihaaqtunut iliharnirmik nutaqqiqivikhaniklu inuuhiringnaqtumik angiglivallianirmik nutaqqat, amigaitqijamik inikhainik maniqarluangittutni nuallaani, imaniliqtuiplutik ajuiqharvikhanik imaalu ajuittiahimajanut pivalliadjutikhanut pidjutikhaqaqtumik nutaqqanut ilihaijikhat imaalu iliurnirmik pitquhikkut ihuaqtunik ilihautikhanik.

Una hitamani ukiuni angiqatigiiktut ilaurutikhanik Amihunik ihuuhiqaqtunut Ilihalihaaqtunut Nutaqqiqivikhainiklu Havauhikhat maniliqtuutikhat aullahimmaaqtumik hailijukhamik ikajuutikhanik nutaqqiqiviit ilahautikhanik imaalu kivaqtuidjutikhanik ilagiinut Nunavunmi talvunga aglaat Qiqaijalirvia 2025mut.

Atiliurlugu una angiqatigiigut anginiqaqtuqhivulliq atuqtkhat ukiuqtaqtumi avikhimajunilu kavamatkut atauttimut aivaqatigiiktut hivitujumut qnuriliurutikhanik pivikhanik, akiliruminaqtunik, nakuukpiaktumik nutaqqiqivikhainik Nunavunmi. Tamangnik kavamatkut havaqatigingniaqtun angiqatigiigutikhamik uvuuna Kanatami-tamainni ilihalihaqqtut maniliqtuutikhat ikajuutikhanik ihariagijainut ilagiiktut Nunavunmi. 

Uqaqtaujun

“Nutaqqiqiviit, ihariagijaujut aturluaqtaujut. Nakuukpiaktut ilihaihaqqtunut atuqhimajait ihargijaujut ihumaliurnikkut, ihumakkutimaalu timikkut ajuiqpalliadjutikhanik nutaqqapta. Kavamakput akhuuqhimmaqtut ilagiinut nutaqqanutlu Nunavunmi, piqariangini akiliruminaqtunik, pijuminaqtunik, ihuaqhijuminaqtunik ilaupkaijunik nutaqqiqivikhanik nutaraq tamarmik nakuukpiaktumik aullaqtirutikhanik inuuhirmingni.” - Minista Ilagiiktunun, Nutaqqanun Inungnullu Pivallialiuqnirnun, Ahmed Hussen

“Nunavunmiun piqaqtukhat pijaarnirmun akiliruminatunik, anginikhamik-qanuriniit, pitquhiinunlu ihuaqtut nutaqqat munaridjutait, humiliqaaq nunaqaqatut aviktuqhimajumi. Una angirutaa naunairutaujuq akhuurutiptingnik tunihiluta nakuukpiaktumik ilihalihaaqtunut nutaqqiqiviini atuqtakhainik iliharnikkut imaalu pitquhikkut ihariagijainik nutarannuat.” – Maligaliuqti David Joanasie, Minista Ilinniaqtuliqijikkut

Qilamik Kangiqhidjutit

  • Kavamanga Kanatup tunihijut avatqumajumik $8.5 million ilihalihaarviinut nutaqqiqiviinutlu Nunavunmi talvanga 2017.
  • Talvuuna kinguagut maniliqtuutingit ilihalihaaqtut nutaqqiqiviitlu, Kanataup Kavamanga ikajuqtut piliuqhutik avatqumajunik 40,000 akiliruminaqtunik nutaqqiqivikhainik inikhainik tamainni nunagijaujuni hivuagut aanniarjuarutip, ilauutlu avatqumajut 1,000 inikhainik Nunavunmi.
  • Maniit atuhgakhat 2016 unalu 2017 tunihijut kavamatuqatkut manikhainik ilihalihaaqtunut nutaqqiqiviinutlu atauttimut $7.5 billion avatqumajuni 11 ukiuni ikajuqhugit imaalu piliuqhutik nakutqijanik, akiliruminaqtunik nutaqqiqvikhainik tamainni nunagijaujuni, iilaujut maniliqtuutikhait Nunaqaqqaaqhimajut ilihalihaaqtunut nutaqqiqiviinutlu.

Pidjutilgit Atadjutit

2021–22mit 2024–25mut Kanataup Kavamanga ukuallu Nunavut Kavamanga Angiqatigiiktut
Ilihalihaaktunut Ilihainiq Nutaqqiqiviinnullu Tunngavikhaq Titiraliuqhimajuq

Tuhaqtidjutinun apirhuutinun, uqaqatigilugu:

Mikaela Harrison
Taigualiuqtit Titiraqtia
Havagviat Minista Ilagiiktunun, Nutaqqanun Inungnullu Pivallialiurnirnun, Ahmed Hussen
mikaela.harrison@hrsdc-rhdcc.gc.ca

Troy Rhoades
Atanngujaullaktuq, Tuhaqtidjutinun
Havagviat Ilinniaqtuliqijikkut
Nunavut Kavamanga
867-975-5680
info.edu@gov.nu.ca

Tuhaumapkainikkut Havagvia
Havaktuliqinikkut Inungnullu Pivalliadjutikhainnun Kanadami
819-994-5559
media@hrsdc-rhdcc.gc.ca
Malikluta Twitter-mi