Havaktingit

You are here

Kavamatkut Nunavunmi katimapkaiyukhat tamaini nunavunmi katimapkailutik ilihaqnikkut

Saptaipa 04, 2018

Tahaqtitauyukhaq

Kavamatkut Nunavunmi katimapkaiyukhat tamaini nunavunmi katimapkailutik ilihaqnikkut

IQALUIT, Nunavut (Apitilirvik 4, 2018) – Ilihniaqtuliqiyit ublumi tuhaqtitiyut katimapkainiaqtut tamaini Nunavunmi katimapkailutik ilihaqnikkut hamanga Apitilirvingmin hamunga Ubluiqtirvia 2018.

Ikayuutikhait katimadjutit uvalu tunihilutik aulagutikhanik uqautigiyauyukhanik, Iliniaqtuliqiyit havaktait Ilinniarniliriniq Turaaqpalliajavut – Tininahuagutivut haffumunga Ilihaqningmun. Un atukhiqtauyuq tugaaqhimayuq aulayumik ilauqatigiiklutik ilihaqnikkut havaqatit, niguaqtauhimayut katimayiit uvalu Nunavunmiun piliuqnikkut ilauqatigiiktumik ihuaqhainahuagutinik ihuaqhiyuumigiangani Nunavunmi ilihaqnikkut auladjutaa.

“Ihuaqhiyuumiqtauhimayuq ilihaqnikkut auladjut havaktauhimayuq nunavunmiunin uvalu Nunavunmiunun attauhiq kavamatkut qulaani hivuliuyukhaq. Pidjutiqaqtukhaq haffumunga ukpigiyainun uvalu hivuliuyukhanun nunavunmi, uvalu havaklutik iniqtiqhimayunun quyaginaq ilihaqhimaagutikhanik ihumagiyamingnik," uqaqtuqt Hivuliqti Joe Savikataaq. “Ataatiatut ananatiatut, nunallaani ilauyut uvalu Hivuliqti, Akhuuqtunga ihuaqhiyuumiqtitilunga. Nigiuktunga Nunavunmiun ilaulutik tunihilutik uqaqtakhamingnik.”

Uqautauyut tugaaqhimalutik apqutikhanik ihuaqtumik upautinikhaanik ilihaqniq, hakugikhiyuumiqlugit DEAtkut kivgaqtuutait Nunavunmi nunallaat, uqauhikkut uqadjaringniq uvalu maligat tugaaqhimayut Nunavunmun.

“Qanuginiit ilihaqnikkut ihagiagiyait havaqatigiiknikkut, uqagiiqhimayut uvalu ikayuutikhat. Tuqhulauqtugut Nunavunmiunun ilaulutik ihumagiyamingnik uvaptingnun," uqaqtuq Minista Iliniaqtuliqiinun David Joanasie. “Ihuaqtumik uqautigilugu ilihaqnikkut katimaniq katimatilugit inungnik katimapkaiyut hivuliqhuutiginiaqtaqqut havariaptingnik ilihaqnikkut auladjutinun tapkua tugaaqhimayut Inuit uqauhiinun, pitquhiinun uvalu atuqhimaaqtainun uvalu ikayuutauyut ilihaidjutikhanun nakuunirmun."
Nunavummiut hamungaulutik gov.nu.ca/education/information/education-act-consultations tuniyaamingnik uqaqtamingnik uvalu piyaamingnik kangiqhidjutinik, uqautauyukhanik uvalu nunallaa atugahainik.
###


Tuhagaqtidjutikhanut Uqaqvikhaq:

Jean-Philippe Laprise
Atan'nguyaq, Tuhagakhanut
Ilinniaqtuliqiyitkut Havakviat
867-975-5645
jplaprise@gov.nu.ca



ᐃᓕᓐᓂᐊᕐᓂᓕᕆᓂᖅ ᑐᕌᖅᐸᓪᓕᐊᔭᕗᑦ
ILLINNIARNILIRINIQ TURAAQPALLIAJAVUT
TIKINAHUAGUTIVUT HAFFUMUNGA ILIHAQNIRMUN

Kavamatkut Nunavunmi Iliniaqtuliqiyit havaktut ikitunik tukhiutinik haffumunga Iliniaqtuliqiyit Maligaanun uvalu Inuit Uqauhianun Tamaqtailinikkut Maligaq piyaangini Nunavunmiun tuniyauyut nakuuniqhamik ilihaqnirmik, ihuaqhiyuumiqlugit ilihaqtut qanuginiit uvalu hakugikhiyuumiqlugu Inuktut. Hapkua aulagutauyut uqaqtakhanun uvalu akhuuqhaiyugut Nunavunmiunun uqaqlugit ihumagiyatik uvalu tunihilutik uqaqtamingnik.

Havaangit Munariyakhangillu

Ilinniaqtuliqiyitkut:

  • Havaklutik ilauqatigiiknikkut ilihaqnikkut ihuiguhuutit.
  • Havaklutik atanguyat uvalu tugliit atanguyanik tikuaqhiniq tikuaffaaqnikkut katimayiit.
  • Havaklutik pingahunik ilihaqnikkut tatqiqhiutinik katimaqatigiblugit Iliniaqtuliqiyiit Katimayiit (DEAC), alakiinik aulagutit uvalu iniqtigutit ubluit, hapkununga nunamingni Iliniaqtuliqiyiit Katimayiit (DEA) piyakhainik.
  • Tunihilutik Nukaqhinut Nutaqqanut Iliharnirmut (ECE) ilihaidjutinik humi DEAtkut piumangitpata.

DEAtkut:

  • Apiqhilutik taiyauhimayunik kivgaqtuutinik uvalu ihivgiugutinik, ilauyut ilauqatigiiknikkut Ilihaqniqmun ihuiguhuutinik mikhaanun angayuqaat uvalu iningnigit ilihaqtut.
  • Ihumaliugutigilugit aalanik hulidjutikhanik ilihaqnikkut tatqiqhiutainun, pihimalugit nunaitigut hivuliuyukhat, pidjutigilugit ayuittiaqnikkut piallianikkut ublut.
  • DEAtkut tunihilutik hivulikhaliuqnikkut atugahanik pidjutinik ilauyunik Ilihaqviit Ilihaidjutainik uvalu Munamingni Ilihaidjutinik uvalu haffumungaungitup Ilihaqnikkut Ilihaidjutainun.
  • DEAtkut piqaqlutik hivuliulutik piyakhanik tunihinikkut ECEt ilihaidjutainun. DEAtkut tapkua piumayut tunihilutik ECEtkut ilihaidjutainik tapkua tunihiyaangini ilihaidjutinik inmikkut uvalu atungilugit pingahuuyuni ECEtkut tunihiyunin.

Atanguyat:

  • Atuliqtilugit Ilauqatigiiknikkut Ilihaqniq uvalu kangiqhipkaqlugit DEAtkut atuliqniitigut.
  • Tunilugit DEAtkut ihuaqniitigut uniudjutinik tunihinikkut haffuminga Ilihaqnikkut Ilihaidjutinun ikayuutikhat DEAtkunun uqautinikkut nunamingnik hivliuyukhanik.

Ikayuutikhaluat:

  • Mikhiyuumiqlugu auladjutikkut ayuqhautit hapkununga DEAtkunun.
  • Pipkaqlugit DEAtkut tugaaqhimalutik nunamingnun, nunallaanun pihimayunik ilihaidjutinik.
  • Angikliyuumiqlugu DEAtkut piyaaqnigit uqautigilugit nunallaatik.

Malguknik Uqauhiqaqtunun Ilihaidjutit uvalu Uqauhikkut ilihaidjutig

  • Havaklutik naunaitunik upalungaiyautinun upidjutikhanik ikayuutikhat hivumuuqtitlugit malguknik uqauhiqaqtunun ilihautit umikviit, pihimalugit Iliniaqtuliqiyiit Inuit Havaatigut Upalungaiyautit kikliit.
  • Ilaulugit iluaniitut tapkua pipkaiyut Kavamatkunik Nunavunmi tunihilutik Inuktut ilihaidjutit aktilaangit uvalu ikayuutit amigaiqyuumilugit.
  • Havaklutik nutaanik nuutiqtunun malguknik uqauhilgit ilihaqnikkut atugahat angikliyuumigiangani Inuktut uqauhilgit ilihaiyut.
  • Pipkaqlugit DEAkut pilutik malguknik uqauhiqaqtut ilihaqnirmik ilihaidjutikhanik tapkua ikayuqtauyut nunamingni ilihaqnikkut aktilaangit.
  • Iliniaqtuliqiyit katimayiit piyaaliqlutik tunihilutik uqauhikkut ilihaidjutinik uvalu ikaaqniit uvalu nuutiqnikkut attautinun puqtuniitigut aktilaangitigut. Atuqtauniaqtuqlu ihumaliugutauluni ilihaidjutit aktilaangit hapkununga malguknik uqauhiqaqtunun ilihaqniq, DEAtkut pidjutiqangitlutik naunaiyautinik ihumaliugutinun nunamingni ilihaqnikkut aktilaangit.
  • Iliniaqtuliqiyit uniudjutinik havakniaqtut ukiuq tamaat atuliqnikkut malgukniq uqauhiqnik ilihaqnirmun attautini nunallaani.
  • Ilauyuq naunaiyautaa “malguknik uqauhiliknun ilihaqniq" ikayuutikhat naunaiyagiangani ilihaidjutiluanun hapkua Inuit Uqauhiinun Tamaqtailinikkut Maligaq.

Ikayuutikhaluat:

  • Ihuaqhiyuumiqlugu aadjikiiqniq ilihaqnirmun ilihaidjutinun uvalu uqauhikkut uqadjaringniqmun.
  • Ihuaqhiyuumiqlugu Ihuaqninga uqautigiyaangani uvalu ihuaqhilugu ikitpalaaqniit Inuktut uqayuktut ilihaiyit.
  • Ihuaqpiaqtumik uvalu atuguminaqtut naunaiyautait ilihaqtut ilihaqniit.
  • Tautuknaqtumik pihimayut ihumaliugutit pittiaqnikkut ilihaidjutikkut ikaaqniit.

Iliniaqtuliqiyit Katimayiit

  • Piliuqlutik DEAt Katimayikhainik (DEAC), nanminikuuqtut hapkununga Iliniaqtuliqiinun.
  • DEAtkut niguaqniaqtut ilauyukhanik hapkununga DEACkunun inmikkut niguaqhimayunin kivgaqtuqtunin.
  • Piyakhaqaqtut DEACkut tunihilutik ilihaidjutinik hapklununga DEAnun, ikayuqlugit pivallianikkut ilihaiyit ilitugipkaidjutikkut hulidjutit, uvalu havaklutik ilihaidjutikhanik ikayuutikhat DEAnun ilihainikkut pivallianrmun.
  • Piyakhaqaqtut DEACkut tunihilutik DEAtkunun haffuminga Innuqatigittsiarniq uvalu atuliuqnikkut uvalu upautinikkut maliuguagahat piqangitpata atuqtamingni.
  • Iliniaqtuliqiyit uvalu DEACkut qakugungugaipat uqautigilugu qanuginiit ilihaqnikkut auladjutit.
  • DEAC tunihiniaqtut hapkununga Iliniaqtuliqiinun apiqutaukpat.
  • DEACkut havaktaukpata, Katimayiingit Nunavunmut DEAtkut tuniyaulimaitut manikmik kavamatkunin.

Ikayuutikhaluat:

  • Amigaiyuumilugit auladjutikkut ikayuutit hapkununga DEAtkunum.
  • Amigaiyuumilugit havaktut amigaitilaangit munagiyaitlu.
  • Havaklutik hakugitqiamik nipingit Maligaliuqvingmi.

Aalanguqtiqlugit Maligat

Ilinniaqtuliqiyitkut:

  • Tunilugu Minista Iliniaqtuliqiyiinun piyaaqnirmik Aalanguqtiginirmun Maliganun.

Ikayuutit:

  • Amigaiyuumilugu maligat atuguminaqhilugit.


Uqautigitigu tikinahuagutivut Ilihaqniqmun
Qagitauyakuuvikkut: gov.nu.ca/education/information/education-act-consultations
Qagitauyakkut: info.edu@gov.nu.ca
Titiraqarvikkut:
Iliniaqtuliqiyiit Maligat Katimadjutauyut,
Kavamatkut Nunavunmi,Titiraqaqviup Qiuqutaa,
1000, Nayugaa 900,
Iqaluit, NU X0A 0H0
Ihumagiyainik Titiragiaqaqtunik Titiranuaq: Nunavunmiun piinagialgit uvalu agitilugit ihumagiyatik titiraqhimayut nunamingni Kavamatkut Kivrariyaanggita Havakvianun uvalu DEAtkut havakviinun.