Havaktingit

You are here

Nunavut Tunngavik, Inckut. ukualu Kavamatkut Nunavunmi ikayuqtaat ilihaqtut ungahiktukkut iliharniq

Niqiliqivik 30, 2021

Tuhaqtidjutikhaq

Nunavut Tunngavik, Inckut. ukualu Kavamatkut Nunavunmi ikayuqtaat ilihaqtut ungahiktukkut iliharniq

IQALUIT, Nunavut (August 30, 2021) – Nunavut Tunngavik Incorporatedkut (NTI) Angiyuqaangat, Aluki Kotierk, unalu Ministaat Ilinniaqtuliqiyit, David Joanasie, havaliqtuk atatutimun tunihiyaamingni ilaliutihimayunik ikayuutighanik ilihaqtut ungahiktukkut iliharniq atuqtilugu qalagyuarniq COVID-19 aanniarut nunaqyuami.

“Aghuuqhayatka tamaita ilihaqtut kangiqhipkaqtaulutik kapuqhirnirmun unalu, piyaaruvin, kapuqhiqlutit. Kapuutit nakuutqiatigut niriugutigiyavut iliharnirup ukiungani ilanatilu, ulapqinirmun, aalallu hulidjutinun pinahuarutit. Avatqumayuni ikitut havainirit, una atiqaqtuq Delta variantmik hanguyuq avatiini nunaqyuap taimaali, havaqatigiliqtavut Kavamatkut Nunavunmi tunihiyaami qaritauyakkut ikayuutinik hapkununga Inuinatnun ilihaqtunun qaritauyakkut ilihaidjutinik," uqaqtuq NTIkut Angiyuqanga Kotierk.

“Quyagiyumayatka NTIkut aulahimaaqtumik aghuurutinun Nunavunmiunun atuqtilugu una aanniarut nunaqyuami,: uqaqtuq Minista Minister Joanasie. “Imaa havaqatigiblugit NTIkut, havagviga pihimayaangaini tapkua ilihaqtut ikayuutighaqaqtut ihariagiyamingnik inuutiariamingnik initirluriklu nakuuyumik ayuqhautiqaraluaqhutik qalagyuarnirmun COVID-19 aanniarut nunaqyuami.”
Havaqatigilugit Havagviat Ilinniaqtuliqiyit, NTIkut tuniyauyut $1.5 milliataalamik kanatamin Nunaqaqaaqtut Nunallaat Ikayungnikkut Manighanik niuviriangini ilaliutihimayut 600 qaritauyaliqutit-atuinarialaqihimayut ilihautighat. Una piyaangani ilihaqtut ilihaiyillu avatiini Nunavut piqariangini ikayuutighanik ihariagiyamingnik ungahiktukkut ilihaidjutighanik, piyughaulirumik maligahatigut qalagyuarnirmup hulaqutaanik COVID-19 iliharnirup ukiungani. Kavamatkut Nunavunmi Havagvia Ilinniaqtuliqiyit niuvirniaqtut tuniughaklugillu qaritauyaliqutit.

Nunavut Tunngavik Incorporatedkut qalagyuarnirmun COVID-19 atuqtaghat ikayuutighallu paqinaqtut uvani: https://covid19.tunngavik.com/.

Havagviat Ilinniaqtuliqiyit iliharvingni inuuhiit qayangnautinun upalungaiyautait ikayuutighaillu paqinaqtut uvani: https://gov.nu.ca/education/information/2021-22-opening-plan-nunavut-sch....
Nutaanun kangiqhidjutinun Nunavunmi nutaat inungnun aanniaqtailinirmun maligahat, hamungaulutit https://www.gov.nu.ca/health/information/nunavuts-path.

###

Tuhaqtidjutinun apirhuutinun, uqaqatigilugu:

Troy Rhoades
Atan'ngujaullaktuq, Tuhaqtipkaijit
Ilinniaqtuliqijikkut Havagvia
Nunavut Kavamanga
867-975-5680
trhoades@gov.nu.ca

Malaya Mikijuk
Aulapkaiyi, Tuhaqtipkaiyit
Tuhaqtipkaijit Havagvia
Nunavik Tunngavikngi
867-975-4907
MMikijuk@tunngavik.com